အလိုရှိသည်

ဒီနေ့မနက်မှ ရိုက်တာ။မေ့ပြီးရက်စွဲမပြောင်းမိဘူး။

ဆိုးသွမ်းလူငယ်တွေပါ၊တွေ့ရာအရပ်ကနေ သက်ဆိုင်ရာကို အကြောင်းကြားပေးစေလိုပါသည်။
မှတ်ချက်။ ။အသက်၂၀နှစ်မှအသက်၃၀ကြားအမျိုးသမီး(အပျို)များသာသက်ဆိုင်ပါသည်။
တခါတည်း(အိမ်)ထောင်တန်းချနိုင်ပါသည်။သို့သော်ဝင်ငွေကောင်းသောသူသာလျှင်ဖြစ်သည်။
စိတ်ဝင်စားပါကစိတ်ကျန်းမာရေးဆေးရုံတွင်မေးမြန်းစုံစမ်းနိုင်ပါသည်။
ပုံ/
အမိန့်အရ
နော်မာန်
ခေတ္တလူ့ပြည်

နှစ်ယောက်လျှောက်မယ့်အနာဂါတ်လမ်း

မင်းအတွက်ဆို......
ကိုယ်ဟာရေချမ်းအိုးလေးဖြစ်ချင်တယ်
မင်းအတွက်ဆို..........
ကိုယ်ဟာဖိနပ်တရံလည်းဖြစ်ချင်တယ်
ချစ်သူရယ်
မင်းလျှောက်မယ့်လမ်း
ကြမ်းနေခဲ့လည်း
ချန်ရစ်လို့မထားခဲ့ပါနဲ့
ဟိုးဝေးဝေးမှာမြင်နေရတယ်
ကိုယ်တို့ရဲ့အနာဂတ်လေး............
တူတူသွားမယ်လက်ကိုတွဲထား
မင်းဟာကိုယ့်အတွက်အားတွေဖြစ်တယ်
ကိုယ်ရဲ့စကားဟာမင်းအတွက်အားဖြစ်ပါစေ
မင်းရဲ့အချစ်နဲ့ကိုယ်
ကိုယ့်ရဲ့အချစ်နဲ့မင်း
အနာဂါတ်တွေကိုဖန်ဆင်းကြမယ်
ကြင်နာသူမထားခဲ့နဲ့.....
နေခြည်လဲ့တဲ့မနက်ခင်းပဲဖြစ်ဖြစ်
လရောင်အေးတဲ့ညချမ်းချမ်းပဲဖြစ်ဖြစ်
မင်ဘေးမှာအမြဲနေလို့
သုခတွေကိုဝေမျှ
ဒုက္ခတွေကိုခါးစည်း
ထာဝရရှိနေခွင့်လေးပေးပါ။ ။

ဒီကဗျာကို ညီမလေးစောနန်းနဲ့ကျွန်တော် နှစ်ယောက်ပေါင်းပြီးရေးထားတာပါ။
ညီမလေးစောနန်းကိုကျေးဇူးအရမ်းတင်ပါတယ်။
ညီမလေးရေ ကဗျာတွေဆက်ပြီးရေးပါ။
အကိုမျှော်နေမယ်နော်။ ။

ငါတခန်းရပ်

မှောင်နေလို့များမလင်းတာလား
မလင်းလို့ကိုမှောင်တာလား
(ငါကိုယ်တိုင်ကမကွဲပြားဘူး)
မြင်နေရတဲ့အမြင်ရယ်
ကြားနေရတဲ့အကြားရယ်
သိနေရတဲ့အသိရယ်
လုပ်နေရတဲ့အလုပ်ရယ်
အချိုးအဆက်ကျ/အချိပ်အဆက်မိရဲ့လား
(ငါကိုယ်ငါမသိဘူး)
အရာရာဟာပုံမှန်အတိုင်းပါပဲ
(ငါ့ကိုယ်ငါဖျားယောင်းတယ်)
နေ့စဉ်လူမှုဘ၀ဟာပုံစံခွက်ထဲကလို
(ငါ့ကိုယ်ငါဆင်ခြေပေးတယ်)
ငါ့ဟာလူထဲကလူတယောက်လိုရှင်သန်
(တခါတလေတော့ငါငြီးငွေ့တယ်)
မနက်ဖန်များစွာကိုမျှော်လင့်ချက်ထားတယ်
(တကယ်တော့စိတ်ကူးယဉ်တာပါ)

ပါပါနဲ့မေမေ

ပါပါကမလိခ
မေမေကမေခ
ကျွန်တော်ကဧရာဝတီပါ
စီးဆင်းနေခဲ့တယ်
ပါပါမေမေတို့ရဲ့မေတ္တာတွေနဲ့
ဟိုးပင်လယ်ကြီးဆီ။ ။

မေခနဲ့မလိခမရှိရင်
ဧရာဝတီဟာမြစ်မမြည်တော့ပါဘူး
ပါပါနဲ့မေမေ။ ။

ကျွန်တော့်ဘ၀ရဲ့အစဟာ
ပါပါနဲ့မေမေပါ
လောကကြီးထဲကိုခေါ်ဆောင်ခဲ့တယ်
လောကကြီးနဲ့ရင်းနှီးစေခဲ့တယ်
လောကကြီးနဲ့ဆက်သွယ်ပြောဆိုတတ်စေခဲ့တယ်
လောကကြီးထဲရှင်သန်ဖို့ကျွေးမွေးစောင့်ရှောင့်ခဲ့တယ်
လောကကြီးထဲရဲဝံ့စေဖို့ပျိုးထောင်ပေးခဲ့တယ်
လောကကြီးထဲတိုးဝင်ဖို့အတတ်ပညာတွေသ်ပေးခဲ့တယ်
လောကကြီးထဲမျက်နှာမငယ်စေဖို့ယုယစောင့်ရှောက်ခဲ့တယ်
လောကကြီးရဲ့စည်းမျဉ်းတရားတွေသင်ကြားပေးခဲ့တယ်
ကျွန်တော်ဟာလူဆိုတဲ့သတ္တ၀ါပီသစေခဲ့တယ်။ ။

နွေနဲ့မိုးဆောင်းအကြိမ်ကြိမ်ပြောင်းခဲ့ပေါ့
မေခနဲ့မလိခကစီးဆင်းမြဲ
ဧရာဝတီဟာရှင်သန်နေဆဲပါ။ ။

ဒါတွေကြောင့်မှမဟုတ်ရပါဘူး
ကျွန်တော့်ရဲ့စိတ်နှလုံးအတွင်းမှာကိုက
ပါပါနဲ့မေမေက
မေတ္တာတရားတွေနဲ့စီးဆင်းနေတဲ့မြစ်နှစ်စင်း
ချစ်ခြင်းတွေနဲ့ကျွန်တော့်ကိုရှင်သန်စေခဲ့ပေါ့
ထာဝရအမြဲပဲလေ။ ။

ဂုဏ်ယူမိတယ်ပါပါနဲ့မေမေ
ကျွန်တော်ဟာပါပါမေမေတို့ရဲ့သားဖြစ်ရတာကို
ဟော့ဒီရင်ဘတ်ထဲမှာ
ကျွန်တော့်နှလုံးသားထဲမှာ
အမြဲကဗ္ဗည်းထိုးထားလျှက်ပါ
ပါပါနဲ့မေမေ။ ။

အဖေနဲ့အမေကိုသူများတွေလိုချစ်ကြောင်းမပြောပြတတ်၊မပြောပြမိခဲ့ဘူး။
ကျွန်တော့်နောက်မကျသေးပေမယ့်မှတ်တမ်းတင်လိုက်ပါတယ်။
ကျွန်တော့်လိုပဲခံစားရမယ်ဆိုကျေနပ်ပါတယ်

သေခြင်း

ငါသေသွားတဲ့အခါ
အ၀တ်ပါတာကလွဲလို့
မွေးလာတုန်းကအတိုင်းပဲ။ ။

တံခါးတချပ်ပါပဲ
ဒီဘက်ကနေသွားရင်
ဟိုဘက်ကိုရောက်သွားတယ်။ ။

ဘာအပင်တွေစိုက်ခဲ့ကြလဲ။ ။

ဘုန်းကြီးတစ္ဆေ

သိကားသိ၏မရေရာ
တတ်ကားတတ်၏မပီပြင်
ငါကငါ့ကိုဖုံးလွှမ်းလေ၏။
သတိမကပ်သောအသိ
ရမ္မက်မပြတ်သောအတတ်
ဥပါဒါန်ကြောင့်ဥပါဒ်ရောက်တတ်၏။
မပျောက်သောအသိ
မပျက်သောအတတ်
ကမ္မ၀ါလျှင်ဖတ်မရပေ။

ကြဲသောမျိုးစေ့ကြောင့်
ပျိုးသောအပင်ပေါက်၏
ပျိုးသောအပင်မှသည်
အရိပ်၊အသီး၊အပွင့်၊အရွက်များရ၏
ထိုအရိပ်၊အသီး၊အပွင့်၊အရွက်များသည်
ကြဲသောမျိုးစေ့၊ပျိုးသောအပင်သာလျှင်ဖြစ်သည်။ ။

ငါ့ဘ၀ကိုငါသတ်မိခဲ့တယ်

ဖြစ်ချင်ခဲ့တဲ့ဘ၀နဲ့
ဖြစ်နေရတဲ့ဘ၀ဟာမတူညီ
ဖြစ်သင့်နေတဲ့ဘ၀နဲ့
ဖြစ်သွားမိတဲ့ဘ၀ဟာတခြားစီ
အမှားတွေကိုငါမြင်လည်း
အမှန်ကိုငါမရောက်သေးဘူး
အလင်းကိုငါတွေ့လည်း
အမှောင်မှာငါပျော်ဝင်နစ်မွန်းဆဲ။

နောက်ကျသွားပြီ
အနာဂါတ်ငါ့မှာပြင်ဆင်ခွင့်တွေ
ပျောက်ဆုံးကုန်ပြီ
ငါ့စိတ်ကူးအိပ်မက်တွေငါရိုက်ချိုးခဲ့
အဓိပ္ပါယ်မဲ့သွားပြီ
အသက်ရှင်နေရတာငါ့အမှားနဲ့။

ငါ့ဘ၀ကိုပြန်ပေးကြပါ
တောင့်တလည်းငါပြန်မရတော့
သွေးထဲမှာအဆိပ်တက်နေမှ
နာကြည်းချက်နဲ့ငါနောင်တရတယ်။

သွေးပျက်စွာစောင့်နေရတယ်
သေခြင်းရဲ့တံခါးဝမှာ
ဘုရားရှေ့မှာငါဒူးထောက်
အခွင့်လွှတ်ဖို့ငါဆုတောင်းလည်း
မနက်ဖန်တွေဟာခြောက်ကပ်ခဲ့။

ငါ့ဘ၀ကို ငါသတ်မိခဲ့တယ်။ ။

စိတ်

ကျွန်တော်သည်ကျွန်တော်ဖြစ်ကြောင်းကို
ကျွန်တော့်ဘာသာသိသည်
သို့သော်တခါတရံတွင်
ကျွန်တော်သည်ကျွန်တော်ဖြစ်ကြောင်းကို
ကျွန်တော့်ဘာသာမသိပါ
တခါတရံတွင်ကျွန်တော်သည်ကျွန်တော်ဖြစ်၍
တခါတရံတွင်ကျွန်တော်သည်ကျွန်တော်မဟုတ်ပါ
ထို့အတူကျွန်တော်သိသောကျွန်တော့်အကြောင်းကို
ကျွန်တော်မသိသောကျွန်တော်ကသိ၍
ကျွန်တော်မသိသောကျွန်တော့်အကြောင်းအားလည်း
ကျွန်တော်သိသောကျွန်တော်ကသိနေတတ်သည်
ကျွန်တော်သိသောကျွန်တော့်အကြောင်းကို
ကျွန်တော်နားလည်သော်လည်း
ကျွန်တော်မသိသောကျွန်တော့်အကြောင်းကို
ကျွန်တော်နားမလည်ပါ
ကျွန်တော်သိသောကျွန်တော်သည်
ကျွန်တော်မသိသောကျွန်တော်ကို
အစဉ်အမြဲလွှမ်းမိုးချုပ်ကိုင်ထားသော်လည်း
တခါတရံကျွန်တော်မသိသောကျွန်တော်က
ပုန်ကန်ပြီးတန်ပြန်လွှမ်းမိုးချုပ်ကိုင်သောအခါ
ကျွန်တော်သိသောကျွန်တော်သည်
ကျွန်တော်ကိုယ်တိုင်မဟုတ်တော့ပါ
ကျွန်တော်သိသောကျွန်တော်သည်
ကျွန်တော်မသိသောကျွန်တော့်ကို
လက်မခံနိုင်သော်လည်းပစ်ခွာထားလို့မရပါ
အကြောင်းမှာကျွန်တော်မသိသောကျွန်တော်သည်
ကျွန်တော်သိသောကျွန်တော်ကိုတခါတရံဒုက္ခပေးသော်လည်း
တခါတရံတွင်များစွာကျေးဇူးပြုလေသည်
ကျွန်တော်သိသောကျွန်တော်နှင့်
ကျွန်တော်မသိသောကျွန်တော်သည်
မတည့်အတူနေသောသားချင်းများဖြစ်သည်
ကျွန်တော်သိသောကျွန်တော်၏ကိစ္စများကို
ကျွန်တော်မသိသောကျွန်တော်ကအမြဲမှတ်ယူ၍
ကျွန်တော်သိသောကျွန်တော်ထိန်းချုပ်နိုင်စွမ်းအားနည်းသောအခါ
ကျွန်တော်မသိသောကျွန်တော်ကအမြဲလိုလို
စွက်ဖက်ချယ်လှယ်လွှမ်းမိုးဆုံးဖြတ်လေသည်
ကျွန်တော်မသိသောကျွန်တော်သည်
သူ့ဘာသာအေးဆေးနေတတ်သော်လည်း
ကျွန်တော်သိသောကျွန်တော်က
သူ့ဘာသာအေးဆေးမနေတတ်ပါ
ကျွန်တော်မသိသောကျွန်တော်သည်
မကျေနပ်ချက်များနှင့်ပြည့်နှက်ကြီးထွားနေသော
ဝေဖန်ရေးသမား၊သူပုန်တယောက်ဖြစ်ပြီး
ကျွန်တော်သိသောကျွန်တော်က
အလျော့ပေးပြေငြိမ်းတတ်သော
အနုပညာသမားတယောက်ဖြစ်သည်
ကျွန်တော်မသိသောကျွန်တော်က
ကျွန်တော်သိသောကျွန်တော်ကိုမကြိုက်ပါ
ကျွန်တော်သိသောကျွန်တော်ကလည်း
ကျွန်တော်မသိသောကျွန်တော်ကိုမကြိုက်ပါ
သို့သော်သိသောကျွန်တော်နှင့်မသိသောကျွန်တော်
ဘယ်သောအခါမှခွဲခြား၍မရပါ
သူတို့နှစ်ယောက်သည်
ဒင်္ဂါးပြားတခု၏ခေါင်းနှင့်ပန်းလိုဖြစ်ပြီး
ကျွန်တော့်ဘ၀ကိုချုပ်ကိုင်ထားကြသူများဖြစ်သည်

မမျှော်လင့်ထားပဲ ငါတို့ဆုံဆည်းခဲ့ကြတယ်
အကြောင်းကြောင်းကြောင့် စကားတွေပြောမိကြတယ်
ထင်မှတ်မထားပဲ သူငယ်ချင်းတွေဖြစ်ခဲ့ကြတယ်
နီးလိုက်ဝေးလိုက်နဲ့ ငါတို့ဖြတ်သန်းကြတယ်
အဲ့ဒီနေ့ရက်တွေဟာ ပျော်ရွှင်ခြင်းအတိမပြီးပေမယ့်
နွေးထွေးမှုတွေဝေမျှ ခိုလှုံခဲ့ကြတယ်
ပခုံးတွေငှားခဲ့၊ရင်ဘတ်တွေဖွင့်ခဲ့ကြတယ်
ဘယ်လောက်အံ့သြစရာကောင်းခဲ့လဲ
တနယ်တရပ်စီက တမိပေါက်တယောက်တွေလေ
တယောက်ကိုတယောက်ရွေးချယ်ခဲ့တယ်
ဘယ်လိုပဋိပက္ခတွေရှိခဲ့လည်း လက်တွဲမဖြုတ်ခဲ့ကြဘူး
အကောင်းဆုံးသူငယ်ချင်း မဟုတ်ခဲ့ရင်တောင်မှ
ကောင်းသောသူငယ်ချင်းတွေ ဖြစ်ခဲ့ကြတယ်
ဒီလိုနေ့ရက်တွေကို ငါတို့ပိုင်ဆိုင်ခဲ့ကြတယ်
ဒီလိုနေ့ရက်တွေကုန်ဆုံးသွားမှာကို ကြောက်ရွံခဲ့ကြတယ်
ဒါပေမယ့် ဘ၀ရဲ့လမ်းတွေက မတူညီကြဘူး
တယောက်ဟာတယောက်ရဲ့ တစိတ်တပိုင်းစီဖြစ်ခဲ့ကြပေမယ့်
ဘ၀ရဲ့လမ်းတွေပေါ်မှာ တပိုင်းတစစီ
ငါတို့ပြန့်ကျဲ ဝေးကွာခဲ့ရတယ်
ဘယ်လိုမှ ဘယ်တော့မှ မေ့မသွားပေမယ့်
အရင်လိုအချိန်တွေက ပြန်မရနိုင်တော့ဘူး
အိပ်မက်တခုလို၊ဒဏ္ဌာရီတပုဒ်လို
ကိုယ်စီရင်ဘတ်တွေထဲစွဲထင်နေခဲ့ပြီ။ ။


ဒီကဗျာလေးကို ကျွန်တော်အမည်ပေးမထားပါဘူး၊ကိုယ့်ခံစားချက်နဲ့ကိုက်ညီမယ်ဆိုရင်
comment နေရာမှာ အမည်ပေးသွားစေလိုပါတယ်။

to my friend

နှုတ်ဆက်ပါတယ်
ခွဲခွာဖို့ငါတို့ခင်မင်ခဲ့ကြ
ရည်ရွယ်မထားပေမယ့်
အားလုံးဟာသူ့အလိုလို
အချိန်ကိုတားလို့မရဘူး
လမ်းချိုးတခုပါသူငယ်ချင်း
အပြောင်းအလဲလေးတခုလို့မင်းလက်ခံထား
အရာရာဟာကိုယ့်အပေါ်မှာတည်တယ်

ငါတို့ပျော်ဝင်ခဲ့ဘူးကြတယ်
နေ့ရက်များစွာကျော်ဖြတ်ခဲ့ကြတယ်
လမ်းတွေအတူတူလျှောက်
သီချင်းတွေအတူတူဆို
သုခ၊ဒုက္ခတွေကိုမျှဝေ
ဒေါသတွေသင့်ခဲ့ကြတယ်
မုဒိတာတွေပွားခဲ့ကြတယ်
ကရုဏာတွေထားခဲ့ကြတယ်
တယောက်ဟာတယောက်ရဲ့
တစိတ်တပိုင်းစီဖြစ်ခဲ့ကြတယ်

ဇာတ်လမ်းကတော့တခန်းရပ်သွားပြီ
ရင်ထဲမှာဘာတွေကျန်ခဲ့လဲ
ကျေးဇူးပြုပြီးငါ့ကိုထားခဲ့ပါ
ဒါပေမယ့် မင်းရင်ထဲကတော့
ဘယ်တော့မှမောင်းမထုတ်ပါနဲ့
တခါတုန်းက
ရင်ဘတ်ချင်းခလုတ်တိုက်မိခဲ့တဲ့ကောင်က
သူ့ရင်ဘတ်ထဲအမြဲရှိနေလိမ့်မယ်
နှုတ်ဆက်ပါတယ်သူငယ်ချင်း
မင်းရဲ့ဘ၀ဟာမင်းရဲ့ဆန္ဒနဲ့
တသားတည်းကျပါစေ