Jun 19, 2011

နွံ

ဒီလိုနဲ့ပဲ ကျနော်တို့ဝေးခဲ့ကြပေါ့။

ပျိုရွယ်မှုနဲ့အတူ ပေးဆပ်လိုက်ရတဲ့
ကျနော်တို့ရဲ့ လွတ်လပ်ပျော်ရွှင်မှုများ
ကျနော်တို့ဟာ ဘဝအမောတွေကြားမှာ
ရုန်းကန်ရင်းနဲ့
မနက်ဖန်ကိုပဲ မျှော်နေမိကြ
မျှော်နေမိရတယ်။

အရင်လိုနွေးထွေးမှုတွေ
အရင်လိုဖြူစင်မှုတွေ
တစစမှုန်ဝါးပျောက်ကွယ်
ကျနော်တို့ ဟက်ဟက်ပက်ပက်မရယ်ခဲ့ရတာ
ဘယ်လောက်များကြာခဲ့ပြီလဲ။

ကျနော်တို့ မိုက်မဲခဲ့ကြတယ်
ကျနော်တို့ မှားယွင်းခဲ့ကြတယ်
ကျနော်တို့ ရူးသွပ်ခဲ့ကြတယ်
အခုတော့  အရာရာချင့်ချိန်နေရတဲ့ ဘဝမှာ
စိတ်သွားတိုင်းလည်း ကိုယ်မပါနိုင်တော့ဘူး။

ဒီလိုနဲ့ပဲ
မျိုသိပ်ရင်း၊ကြိတ်မှိတ်ရင်းနဲ့
ငြီးငွေ့မှုနဲ့အတူ
ငြီးတွားတတ်၊အဆိုးမြင်တတ်
သံသယတွေနဲ့ ဘောင်ခတ်ပြီး ကြည့်တတ်ခဲ့ပြီ
ရင်ထဲကမပါလည်း စကားကိုချိုအောင်ပြောတတ်ခဲ့ပြီ
ဒုတိယမျက်နှာနဲ့လည်း အသားကျတတ်ခဲ့ပြီ။

လောကဓံကိုခုခံ
လောကဓံကိုတွန်းလှန်ရင်း
ဘဝဝင်္ကပါထဲမှာ
ကျနော်တို့ဟာ ကျနော်တို့ကိုပြန်ရှာရင်း
ကျနော်တို့ဟာ ကျနော်တို့နဲ့ ဝေးခဲ့ရပေါ့။   ။

Jun 18, 2011

သို့ မစံပါယ် (မပြောဖြစ်ခဲ့တဲ့ ပြောဖြစ်မှာမဟုတ်တဲ့ တကိုယ်ရည်ခံစားမှု)

ရိုးရိုးလေးပါပဲ မစံပါယ်
ဆန်းကျယ်တဲ့ ကိစ္စမဟုတ်ပါဘူး
ပန်းတွေပွင့်လာကြတယ်
ပန်းတွေကြွေသွားကြတယ်
ကျနော်မစံပါယ်ကိုချစ်တယ်
သဘာဝရဲ့အလိုအလျောက်ဖြစ်တည်မှုမှာ
တုံ့ပြန်မှုတစုံတရာအတွက်
ဘယ်အရာက မျှော်လင့်ချက်ရှိခဲ့လို့လဲ
လူတွေအသိအမှတ်ပြုဖို့အတွက် ပန်းတွေပွင့်လာတာမဟုတ်သလို
မစံပါယ်သိဖို့အတွက်လည်း ကျနော်ချစ်ခဲ့တာမဟုတ်ဘူး
ဒါပေမယ့် ပန်းတွေပွင့်ကြတယ်
ကျနော် မစံပါယ်ကိုချစ်တယ်
ရိုးရိုးလေးပါပဲ မစံပါယ်
ကျနော်မစံပါယ်ကို ချစ်တယ်ဆိုတာ
တကယ့်ကို ရိုးရိုးသားသားပါ။   ။

Jun 17, 2011

အချစ်ဆိုတာ

အချစ်ဆိုတာ လမ်းပေါ်ကဝေါဟာရဖြစ်တယ်
အချစ်ဆိုတာ ကျောင်းအိမ်သာနံရံပေါ်ကစကားလုံးဖြစ်တယ်
အချစ်ဆိုတာ ကန်းစေတတ်တဲ့အရာတခုဖြစ်တယ်
အချစ်ဆိုတာ ငတ်မပြေတဲ့ပင်လယ်ရေဖြစ်တယ်
အချစ်ဆိုတာ မူးယစ်ဆေးတမျိုးဖြစ်တယ်
အချစ်ဆိုတာ လူသတ်လက်နက်တခုဖြစ်တယ်
အချစ်ဆိုတာ တရားဝင်ကာမဆက်ဆံခွင့်လိုင်စင်ဖြစ်တယ်
အချစ်ဆိုတာ ကံ၅ပါးကိုချိုးဖေါက်စေနိုင်သောအရာဖြစ်တယ်
အချစ်ဆိုတာ ကိုယ့်လည်ပင်းကိုကိုယ်ချည်တဲ့ကြိုးဖြစ်တယ်
အဲ့ဒီအချစ်ဆိုတာနဲ့ပဲ...
ခင်ဗျားရဲ့စိတ်ကို ကျနော်ထောင်ဖမ်းခဲ့တာ
တကယ်တော့ဒါဟာ အပျင်းပြေရေးမိတဲ့ ကဗျာပါ
အထက်ပါအကြောင်းအရာများနဲ့ ခင်ဗျားငြိသွားခဲ့ရင်တော့
ကိုယ့်ဒေါသနဲ့ကိုယ်ပဲကိုယ့်လူ။   ။

Jun 16, 2011

ကြေးစား

ဒုတိယဘုရားခင်ရဲ့ ထိန်းချုပ်မှုမှာ
ပျော်ရွှင်မှုအတုတွေနဲ့ ဖျားယောင်း
ခံစားချက်အတုတွေနဲ့ စိတ်ဖြေ
ဘာသာတရားအတုကို ကိုးကွယ်
ယဉ်ကျေးမှုအတုမှာ စီးမျော
နိုင်ငံရေးအတုမှာ မိန်းမော
အနုပညာအတုမှာ ယစ်မူး
ဘဝက စက်ဆန်လာခဲ့ပြီ။   ။

Jun 15, 2011

ကျောမွဲ

နောက်မှာကျောပဲရှိတဲ့ဘဝမှာ
ကျနော်တို့ရင်းနှီးခဲ့သမျှဟာလည်း
လူမှုဒုက္ခတွေကြားမှာ
ကျနော်တို့မျှော်လင့်ခဲ့သမျှဟာလည်း
နှစ်ကာလတွေကြားမှာ
လက်ဖဝါး၊ခြေဖဝါးနဲ့တင်
ဘဝဟာ ခရီးအတော်ပေါက်ခဲ့ပြီ။   ။

Jun 14, 2011

ယေဘူယျများ

ည၊အမှောင်၊အိပ်မက်၊အသံ၊
ဆေးလိပ်၊မီးခိုး၊အချစ်၊
လိင်ကိစ္စ၊သေဆုံးခြင်း၊အလွမ်း၊
ဖဲချပ်၊ကံကြမ္မာ၊
မူးယစ်ဆေး၊စိတ်ရောဂါ၊
အဆင်မပြေမှု၊ဆင်းရဲခြင်း၊
သစ်ရွက်၊တိမ်တိုက်၊လေပြေ၊
ပန်း၊ရနံ့၊ဆံပင်၊သနပ်ခါး၊
နိုင်ငံရေး၊ဘာသာတရား၊သဘာဝ၊
မျက်ရည်၊အပြုံး၊အမှိုက်၊
မသိခြင်း၊မသေချာမှု၊အချိန်၊
လျှို့ဝှက်ခြင်း၊ပျောက်ဆုံးခြင်း၊ကူးစက်ခြင်း၊
ဘာသာစကား၊သဒ္ဒါအထားအသို၊ပုံစံ၊...။   ။

အသံတွေ ကြား ကြား နေရတာက စတာပဲ

အသံတွေ ကြား ကြား နေရတာက စတာပဲ
အလိုလိုနေရင်းနဲ့မှ အသံတွေ ကြား ကြား နေရတယ်
နှလုံးခုန်သံ
သွေးခုန်သံ
အသက်ရှုသံ
လေလည်တဲ့ အသံ
နားရွက်ခတ်တဲ့ အသံ
ချောင်းဟန့်တဲ့ အသံ
ဟိုဘက်ခန်းက သီချင်းသံ
သီချင်းထဲက bassသံ
အပြင်က စကားသံ
air conက အသံ
ရေခဲသေတ္တာ စက်သံ
မီးဖိုခန်းက အသံ
စိတ်ထဲက အသံ
အသံတွေကြား ကြားနေရတော့
ကြားနေရတဲ့ အသံတွေနောက်ကို
စိတ်ကလိုက်
လိုက်နေတဲ့စိတ်ကို သတိနဲ့ထိန်းတုန်းမှာ
အသံတွေ ပြန်ကြားတော့တာပဲ။   ။