Jul 26, 2009

ကုန်ကြမ်း

တချို့က အောင်မြင်ကျော်ကြားမှုအတွက်
တချို့က ထင်ရှားပေါ်လွင်မှုအတွက်
တချို့က ဥစ္စာကြေးငွေအတွက်
တချို့က အတ္တရမ္မက်အတွက်
သူတို့...ရက်ရောကြတယ်
တော်တော်များများကတော့
လွတ်လပ်ပေါ့ပါးမှုအတွက်တဲ့
ပြောကြတာပဲ...
ကြည့်သောသူမြင်၏တဲ့
မကြည့်ချင်ပေမယ့် မြင်နေရတယ်
မမြင်ချင်ပေမယ့် ကြည့်နေရတယ်
ခက်တယ်ကွယ်...ခက်တယ်
လွန်တာရှိရင်လည်း ၀န္ဒာမိပါပဲ
ဝါးလုံးရှည်ကြီးနဲ့ ချီးသုတ်မရမ်းပါဘူး
ဒူရင်းသီးဆွဲပြီး(ဆူးလှည်းမောင်းပြီး)လူကြားထဲဖြတ်မိတယ်
မကျေနပ်လို့ဆဲမယ်ဆိုရင်လည်း...ခံပါတယ်
သြော်...
ကိုယ်ကကိုက အနေအထိုင်မတတ်တာကိုး...။ ။

take my soul

နောက်ဆုံးရှင်သန်ခြင်းအလင်း
ပိတ်ထားတဲ့တံခါးတွေရိုက်ချိုးရင်း
အမှောင်မှာငါ့ကိုယ်ငါထွန်းညှိလိုက်တယ်
မင်းတို့ကျေနပ်နိုင်မလား။

တောင်းဆိုမှုတွေများလာတဲ့အခါ
ဘ၀မှာပေးဆပ်ဖို့ကအသက်ပဲကျန်တော့တယ်
ပေးနိုင်သမျှငါပေးဆပ်ခဲ့ပြီးပြီ
ဒီထက်မကထပ်လိုချင်သေးတယ်ဆိုရင်တော့
ဟောဒီမှာ...ငါ့ဝိဉာဉ်ကိုယူပါ။ ။

အမေ

စုန်ကန်ကာခုန်မထွက်ပေမယ့်
အားယူပြီး...ကျွန်တော်ပျံသန်းခဲ့တယ်
ဘ၀ရဲ့လိုအင်အတွက်
ခဏတော့ခွဲကြမယ်။
ကံကြမ္မာရဲ့အလှည့်အပြောင်းတစုံတရာနဲ့
ဘ၀ရဲ့အချိုးအကွေ့များမှာ
အမေ့ရဲ့မေတ္တာနဲ့
အမေ့ရဲ့အားမာန်များ
ကျွန်တော်တမ်းတတယ်အမေ။
မှားနေလည်းအမှန်ကိုလျှောက်မယ်
လဲကျလည်းကျွန်တော်ပြန်ထမယ်
ကောင်းကင်နဲ့...ကမ္ဘာမြေရဲ့ကြားထဲ
အားတင်းနေဆဲ...
အမေ့ရဲ့ယုန်ဆိုးလေး...အိမ်ကိုသတိရတယ်အမေ။ ။

အချစ်

အပါနဲ့...မမထား
အတွတ်နဲ့...မွှေး
အတူးနဲ့...အသက်
ကိုယ်နဲ့..မင်း
ဇာတ်သိမ်းခန်းမှာ မလွမ်းပါရစေနဲ့
ညီမလေးရယ်...။ ။

ဗိုလ်တထောင်(၅)

အနော်ရထာလမ်းနဲ့၄၅လမ်းထောင့်က
စိတ်ထဲမှာထောင်ကြီးနဲ့တူတယ်လို့
ထင်ခဲ့ဘူးတဲ့ကျောင်းတော်မှာ
တခါတုန်းကအဖြူရောင်ကြယ်ကလေးတွေ
တချို့ကအမှောင်ထဲမှာကြွေသွားတယ်
တချို့ကမှိတ်တုတ်မှိတ်တုတ်မထင်မရှား
တချို့ကလင်းလက်တောက်ပနေကြတယ်
အခုလည်းကျောင်းတော်ရဲ့ရင်ခွင်ထဲ
ဖြူစင်ပျော်ရွှင်စွာနဲ့ကြယ်ပွင့်များအားယူဆဲ
ပြန်မြင်ယောင်မိတယ်...ဟိုးအရင်နေ့စွဲတွေ။ ။

Jul 22, 2009

ညေစ်း

အရောင်တွေစုံတဲ့ည
အသံတွေစုံတဲ့ည
အပေါ်ယံအလှအပတွေနဲ့
ရီဝေယစ်မူးတဲ့ည
မြူးသူမြူးကာကသူကကြ
တဒင်္ဂပျော်ရွှင်မှုများနဲ့ည
လှလှပပကြွကြွရွရွ
အမှောင်ထဲကည။ ။

အတိုအစများ

အိပ်စက်လိုက်ရမှာ နှမျောပေမယ့် ညက ငါ့အလိုကျမလှပခဲ့ဘူး။
ဟိုးအဝေးကိုငေးပြီး အနာဂါတ်ကို လွမ်းချင်ပေမယ့် မှားနေတဲ့စိတ်ကူးဆိုတာ တွေးမိတော့ ကိုယ့်ကိုကိုယ်စိတ်ပျက်တယ်။ဝင်သက်ထွက်သက်မှတ်လည်း ပျံ့လွင့်နေတဲ့စိတ်ကို မစုစည်းနိုင်ဘူး။ဘယ်နှစ်ကြိမ်မြောက်မှန်းမသိတော့တဲ့ အဆိပ်ငွေ့တွေ ငါရှုရှိုက်ရင်း ငါ့ရင်ဘတ်က အောင့်တတ်လာပြီ။ငါဟာဘာလို့ မိုက်လို့ကောင်းနေတာလဲ။ အချိန်အလေအလွင့်များစွာ၊ဒဏ်ရာဒဏ်ချက်များစွာ၊လေထဲမှာတည်ဆောက်ခဲ့တဲ့ စိတ်ကူးအိပ်မက်များစွာ၊ဟောဒီအသုံးမ၀င်တဲ့ငါ။ခဏခဏပြန်စရပေါင်းများနေတဲ့ဘ၀မှာ၊
အနေအထိုင်မတတ်လို့ ပျက်ခဲ့ရတဲ့ဘ၀မှာ၊နားလည်သိတတ်ပြီလို့ ထင်မိနေတဲ့ဘ၀မှာ ဘယ်မှာလဲ စိတ်ရဲ့ငြိမ်းချမ်းမှုတွေ။အတ္တ၊ရမ္မက်၊သာယာပျော်ရွှင်မှု၊အတိုအစတွေနဲ့ တည်ဆောက်ထားတဲ့ဘ၀ ဘယ်မှာလဲ အနှစ်သာရတွေ။ဖြုန်းတီးနေခဲ့ရင်းနဲ့ပဲ ဘ၀ကဒုတိယ အရွယ်၊သေပါမယ်ဆိုရင်တောင်မှ ဘ၀ကလောက်လောက်လားလား သေလို့မရသေးဘူး။
ကိုယ့်အကြောင်းကိုယ်သိတော့ သေဖို့တောင်ကြောက်နေရတဲ့ ဘ၀ တွေးမိတိုင်း ရှက်နေရတယ်။
အမှားကိုမြင်ပေမယ့် အမှန်မရောက်သေးတဲ့ ဘ၀ အသုံးမကျတဲ့ အတိုအစ ဒီလိုနဲ့ ပြီးသွားရမှာလား။မေးခွန်းပေါင်းများစွာ၊အတွေးပေါင်းများစွာ၊အိပ်မရတဲ့ညပေါင်းများစွာ၊အတိုအစ
ပေါင်းများစွာ၊လိုအပ်မှုများစွာ၊ခါးသီးမှုများစွာ၊မုန်းတီးမှုများစွာ၊ကြီးစွာသောနောင်တပေါင်းများစွာ၊
မနက်ဖန်ပေါင်းများစွာ၊.......................................................။
ညကမလှပပေမယ့် ငါကအိပ်စက်လို့ မရဘူး။

*****

တောင်ပံခတ်သံတွေကြားတယ်
ရီဝေအကြည့်ရဲ့ဖူးကြွနှုတ်ခမ်း
မွတ်သိပ်တဲ့အနမ်းတွေ
ငါအသက်သွင်းမိ
အသွေးအသားဆန္ဒများ
သိစိတ်တခုနဲ့အိပ်စက်
အာရုံသစ်တခုနောက်ကိုစီးမျော
အနားမှာဘာမှမရှိတော့ဘူး
နတ်သမီးအိပ်မက်
ခံစားချက်အငြိမ်
အတက်...
အကျ...
အခေါ်...
အမျော...။ ။

my family tree

FAMILY TREE
ဦးဘိုးထောင်+ဒေါ်မေမေ ဦးကြွား+ဒေါ်နှင်းခိုင်
ဦးလေတင်+ဒေါ်ရီရီ ဦးမောင်မောင်လတ်+ဒေါ်အေးအေးကြည် ဦးစိန်ဖိုး+ဒေါ်ခင် ဦးရွှေမောင်+ဒေါ်သင်းလှိုင်
ဗိုလ်တင်အောင်လှ(လေ)+ဒေါ်ခင်မကြီး ဗိုလ်မှူးညို(ကြည်း)+ဒေါ်သန်း
ဦးခင်မောင်မောင်+ဒေါ်ခင်မာဌေး
သက်နိုင်ထွန်း(TOM)၊ဥာဏ်လင်းထူး(ခ)ပေါ်ကြီး(NORMAN)၊အောင်ခန့်
ဦးဘိုးထောင်+ဒေါ်မေမေ
ဦးစိန်ဖိုး၊??????????????
ဦးကြွား+ဒေါ်နှင်းခိုင်
ဦးကျော်သာ(ဇံ)၊ဦးသာဒွန်း၊ဦးဘိုးထိုက်၊ဦးအောင်မြတ်၊ဦးဘိုးဝင်း၊ ဒေါ်ခင်
ဦးစိန်ဖိုး+ဒေါ်ခင်
ဒေါ်ညွန့်ညွန့်၊ဗိုလ်မှူးညို၊ဒေါ်ကျင်နု၊ဦးမောင်ဘို၊ဒေါ်တင်မေ
ဦးရွှေမောင်+ဒေါ်သင်းလှိုင်
ဒေါ်ကြည်ကြည်၊ ဒေါ်သန်း၊ဦးမောင်မောင်
ဗိုလ်မှူးညို+ဒေါ်သန်း
ဒေါ်ခင်မြင့်မြင့်၊ဦးတင်ထွဋ်(ခ)မြတ်ထွဋ်၊ဦးတင်မောင်(ခ)မောင်ကျော်၊ ဒေါ်ယဉ်ယဉ်မြ၊ဦးဖေသန်း၊ဒေါ်ချိုချိုသန်း၊ဒေါ်ညိုညိုသက်(ခ)ပိုပို၊ဦးအုန်းသွင်၊ ဒေါ်ခင်အုန်းမြင့်၊ဒေါ်တင်မေလေး(ခ)ပွားပွား၊ ဒေါ်ခင်မာဌေး(ခ)ခင်မာထွေး၊ဦးခင်မောင်အေး(ခ)လုံးဖြူ၊ဒေါ်စုစုထွေး
ဦးလေတင်+ဒေါ်ရီရီ
ဗိုလ်တင်အောင်လှ(လေ)အပါအဝင်သားသမီး၇ဦးရှိ
ဦးမောင်မောင်လတ်+ဒေါ်အေးအေးကြည်
ဒေါ်ခင်မကြီး(Dolly)၊ဒေါ်ခင်မလေး(Dorathy)၊ဒေါ်ခင်မာထွေး(Eiver)၊ဒေါ်ခင်နုနု(Shelly)
ဗိုလ်တင်အောင်လှ(လေ)+ဒေါ်ခင်မကြီး
ဒေါ်ခင်လှဝင်း(Babra)၊ဒေါ်ခင်လှနွယ်(Suzie)၊ဦးခင်မောင်မောင်(Tommy)၊ဒေါ်ခင်လှဌေး(Alice)၊ဒေါ်ခင်လှမော်
(Glarace)၊ဦးအောင်ချမ်းသာ(Victor)

Jul 8, 2009

wave

wave
အရိုးသားဆုံးပြောရရင်တော့
ကိုယ်ဘယ်လိုမေ့နိုင်မှာလဲကွယ်
တဖတ်သက်ဆန်တဲ့အကြောင်းပြချက်တွေနဲ့
ရုတ်တရက်မင်းကနှုတ်ဆက်တော့
မရက်စက်ပါနဲ့ရယ်လို့
ကိုယ်ကတောင်းပန်မိနေသူပါ။
ဘယ်လိုကြမ္မာဆိုးပါလဲကွယ်
ကိုယ့်ကိုမှတမင်တကာငြှိုးလေသလား
သူ့ကိုကိုယ်ကချစ်မိနေတော့မှ
မျက်ဝန်းမိုးတွေသွန်းစေရက်တယ်
ကိုယ်ဘယ်လိုပြောရမှာလဲရယ်...။
ဘာကိုမှလည်းအပြစ်မတင်ချင်တော့ပါဘူး
ချစ်မိခဲ့တဲ့အတွက်အပြစ်ရှိခဲ့ရင်လည်း
ဒီဘ၀...ဒီမျှနဲ့...ကျေပါစေတော့ကွယ်။ ။

speeches

“ရုပ်၏ဖေါက်ပြန်ခြင်း၊နာမ်၏ခံစားခြင်းတို့ ချုပ်ငြိမ်းရာ
နိဗ္ဗာန်ရောက်ကြောင်း တရားကို ကောင်းမွန်စွာ အားထုတ်ရပါလို၏”
အထက်ပါ စကားစုလေးသည် သဲအင်းဂူမှဆရာတော်တပါး၏ မိန့်မှာချက်မှ ကောက်နှုတ်ထားခြင်း
ဖြစ်ပါသည်။ဒါနကုသိုလ်ပြုရာတွင် ရုပ်နှင့်နာမ်ကိုသိပြီး လှူဒါန်းစေလိုသောကြောင့် ဟောသောတရားမှ ကောင်နှုတ်ထားခြင်းဖြစ်ပါသည်။ဆရာတော်ဟောသော တရားအား လုံးစေ့ပတ်စေ့ မမှတ်မိတော့သော်လည်း ကျွန်တော်၏စိတ်နှလုံးတွင် ထိုစကားစုလေးသည် အစဉ်စွဲငြိနေပါသည်။
အောက်ပါစကားစုလေးသည် ဆရာမကြီးဒေါ်ခင်နှင်းယု၏ “ကုသိုလ်ကြမ္မာမမီပါခဲ့” ဝတ္ထုမှ
ကောင်နှုတ်ထားခြင်းဖြစ်ပါသည်။လူကြီးမှ လူငယ်သို့ ဆုပေးသော စကားဖြစ်ပါသည်။
“ဆင်းရဲနှင့်ငရဲကင်း၍ သံသရာဝဋ်ဆင်းရဲမှ လွတ်မြောက်ရာ
နိဗ္ဗာန်ရောက်ကြောင်း တရားကို ကောင်းမွန်စွာ အားထုတ်နိုင်ပါစေ”
အဓိပ္ပါယ်နက်ရှိုင်းသော စကားများဖြစ်ပါသည်။ဗုဒ္ဓဘာသာဝင်များတွင် ဆုပန်(တောင်း)ခြင်း၊ ဆုပေးခြင်းများစွာ ရှိသည့်အနက် ကျွန်တော်အနှစ်သက်ဆုံး ဤစကားစုများကို ဝေမျှပေးလိုက်
ပါသည်။
(အပ္ပမာဒေန သမ္ပာဒေထ)

just lose reputation

အမှောင်မှာရှိတဲ့အလင်း
အလင်းထဲကအမှောင်
ငါက...ငါ့ကို
ဘယ်လိုခြယ်သရမလဲ...
ကန့်သက်အမြင်တွေနဲ့ အကြည့်ခံရမှာထက်စာရင်
အတိုင်းမရှိတဲ့လောကကို ခဏရောက်ချင်တယ်...
အိပ်ဆေးတွေကုန်သွားတဲ့အခါ
ညတာတွေ ပိုပိုရှည်လာတယ်...
ကျွန်တော်က ဘာကြောင့်
ဆရာဝန်နဲ့ ဆွေးနွေးရမှာလဲ အမေ
medical check up ပဲလုပ်ချင်တာပါ...
ကျွန်တော်ဘုရားမရှိခိုးတာ အပြစ်လားအမေ
ဘုရားတ လိုက် ကားရားက လိုက် မိမှာစိုးတာပါ
ကျွန်တော့်ကိုယ်ကျွန်တော်သိနေတယ်လေ...
ကျေးဇူးပြုပြီးကျွန်တော့်ကို မသနားကြပါနဲ့
ကျေးဇူးပြုပြီးကျွန်တော့်ကို အရမ်းတွေမမျှော်လင့်ပါနဲ့
ကျွန်တော်ဟာ ဗွေဖေါက်တတ်တဲ့ ငုပ်ကောင်တကောင်ပါ...
အဲ့ဒါကြောင့်ပဲ
ပုတ်သင်ညိုတကောင်လိုနေဖို့ ကြိုးစားနေရတယ်...
ကြိုးစားနေရတယ်...
ကြိုးစားနေရတယ်...
ကြိုးစားနေရတယ်...။ ။

depression

အစီအစဉ်မကျတဲ့ နေ့နဲ့ညတွေအတွက်
ခေါင်းစဉ်တပ်စရာ ရောဂါလိုနေတယ်
နွံနစ်နေတဲ့ ငါ့စိတ်ဓါတ်တွေ
ပြင်ဆင်ရင်းနဲ့မှ နစ်မွန်းနေရ
ကိုယ့်ကိုကိုယ်ပဲ ပြန်ပြန်ပြီးခံစားနေမိတဲ့ ငါ
လက်ထဲမှာရေရာသေချာမှုတွေ နတ္တိ
ကြောက်စိတ်တခုဟာ ငါ့ရင်ထဲမှာ
မသိမသာလေးပါပဲ
ငါဟာအရာရာကိုစိုးရွံ့နေခဲ့တယ်
ဒါမှမဟုတ်
တစုံတခုကို မုန်းတီးနေတယ်။ ။

Jul 2, 2009

ချစ်ညီလေးသို့

ညီလေးရေ...
တချိန်တခါတုန်းက ငါဟာမင်းလိုပဲ လူငယ်လေးတယောက်ပေါ့
ပုန်ကန်ချင်တဲ့စိတ်တွေနဲ့ လောကကိုအမြင်တွေစောင်းခဲ့ဘူးတယ်
မပြည့်စုံတဲ့ဘ၀ကြောင့် သိမ်ငယ်ခဲ့ရဘူးတယ်
ကောင်းစေချင်လို့ ပြောတဲ့စကားတွေ ဆိုဆုံးမမှုတွေကို
ချုပ်ချယ်တယ်လို့ ထင်မြင်ခဲ့ဘူးတယ်
အိမ်ကိုအရွဲ့တိုက်ရင်း စိတ်တွေလေခဲ့ဘူးတယ်
ဥာဏ်လေးကောင်းတယ်ဆိုပြီး ကိုယ့်ကိုကိုယ်အထင်ကြီး
သင်ခန်းစာတွေကို မလေ့ကျင့်ပဲ အပျင်းထူခဲ့ဘူးတယ်
တနှစ်တတန်း ပုံမှန်အောင်ရင် တာဝန်ကျေပြီလို့ ယူဆခဲ့ဘူးတယ်
ကိုယ်ဖြစ်ချင်တာ ကိုယ်လုပ်ချင်တာပဲသိပြီး မိဘအပေါ်နားမလည်တတ်ခဲ့ဘူး
နှစ်ခြင်းပေါက် ဆယ်တန်းအောင်ခဲ့ပေမယ့် ပညာဆက်သင်ရမှာကို ငြီးငွေ့ခဲ့တယ်
ဘ၀မှာအတိုင်းအတာတခုထိ ရောက်ခဲ့တယ်လို့ပဲ ကျေနပ်နေမိခဲ့တယ်
ငါ့အပေါ်မျှော်လင့်ထားတဲ့ လူတွေရဲ့အိပ်မက်ကို ငါရိုက်ချိုးမိခဲ့တယ်
အဲ့ဒီတုန်းကတော့ မှားတယ်လို့မထင်ပဲ ကျေနပ်ပျော်ရွှင်ခဲ့တယ်လေ
အသက်အရွယ် အတွေ့အကြုံရလာတဲ့အခါမှာ
ငါ့ထင်မြင်ယူဆချက်တွေ မမှန်ပဲမှားခဲ့တယ်ဆိုတာ သိခဲ့ရတယ်
အဲ့ဒီအချိန်ဟာ နှောင်းသွားပြီညီလေး
ပေးခဲ့တုန်းက မယူမိခဲ့တော့
ပြန်လိုချင်တဲ့အခါမှာ ရနိုင်ဖို့ကခဲယဉ်းသွားပြီပေါ့
တကယ်လို့ ငါသာကြိုးစားခဲ့ရင်ဆိုတဲ့ အတွေးနဲ့
နောင်တတွေရပြီး ကိုယ့်ကိုကိုယ်အပြစ်မြင်မိနေပြီလေ
ခါးသီးတဲ့အတွေ့အကြုံတခုပေါ့ကွာ
အဲ့ဒီလိုမျိုးတွေပေါ့ကွာ ငါ့ရင်ထဲမှာမင်းကို ပြောချင်နေတဲ့ စကားတွေရှိတယ်
ငါဖြတ်သန်းလာခဲ့တဲ့ ဘ၀အတွေ့အကြုံတွေကို ဝေမျှရင်း
ငါ့လိုမျိုး ဘ၀မှာ လမ်းတွေမမှားစေချင်ဘူး
ငါမင်းကို ပြောဆိုဆုံးမတယ်ဆိုတာ
ဖိနှိပ်ချုပ်ချယ်တာမဟုတ်ဘူးဆိုတာ မင်းနားလည်ပေးပါ
အရာရာမှာ မင်းကိုအပြစ်မြင် မကောင်းထင်နေတာမဟုတ်ဘူး
မင်းတန်ဖိုးထား နားလည်တတ်အောင် သွန်သင်နေတာပါ
သူများတကာလောက် မပြည့်စုံပေမယ့်
မင်းမျက်နှာမငယ်ရအောင် ငါကြိုးစားနေပါတယ်
အကိုတိုင်းမှာ ညီတွေအတွက် မျှော်လင့်ချက်တွေရှိကြတယ်
ငါဟာဘာကောင်မှ မဟုတ်ပေမယ့်
ငါ့ညီမင်းကိုတော့ ထွန်းထွန်းပေါက်ပေါက်ရှိစေချင်တယ်
ငါဟာဆိုးသွမ်းကောင်း ဆိုးသွမ်းလိမ့်ပေမယ့်
ငါ့ညီမင်းကိုတော့ လူတော်လူကောင်းပဲ ဖြစ်စေချင်တယ်
မင်းရဲ့ရှေ့မှာစောက်သုံးမကျတဲ့အမှားတွေ ငါလုပ်နေမိပေမယ့်
မကောင်းဘူးမှန်း မင်းသိပြီး ရှောင်ကြဉ်စေချင်တယ်
ပြောရရင်တော့ ငါဟာမီးပြတိုက် တခုလိုပေါ့ကွာ
အန္တရယ်များတဲ့ကျောက်ဆောင်တွေကြားမှာ
ဘ၀ပင်လယ်ရဲ့ ခပ်ကြမ်းကြမ်းလှိုင်းတွေနဲ့
အမှောင်ထဲမှာ ငါရှိနေပေမယ့်
မင်းဘ၀ရဲ့ လမ်းတွေမမှားရအောင်
အန္တရယ်အမှောင်တွေကြားထဲ မနစ်မွန်းရအောင်
ငါကလမ်းပြ အလင်းရောင်လေးပေးချင်သူပါ
ကိုယ်တိုင်ပန်းမဖြစ်နိုင်ရင်လည်း
ပန်းတွေပွင့်အောင် ပြုစုပေးချင်သူပါ
ငါ့အတွေးခံစားချက်တွေကို တနေ့
မင်းအရွယ်ရောက်လာတဲ့အခါ နားလည်လာမှာပါ
ခွင့်သာခိုက်မှမလိုက်ချင် ကဗျာလိုပေါ့
ပေး/ရနိုင်တုန်းမှာ ရအောင်ယူထားတတ်ရတယ်
ဥာဏ်ဘယ်လောက်ကောင်းကောင်း ပျင်းနေရင် ဖျင်းသွားတတ်တယ်
ဓါးဆိုတာသွေးနေမှ ထက်သလို
ပညာဆိုတာ လေ့ကျင့်နေမှ ထက်မြက်မယ်
ငါ့ဘက်ကပေးနိုင်တာကတော့ ချစ်ခြင်းမေတ္တာနဲ့ အလင်းရောင်ပါ
မင်းဘ၀တိုးတက်ကောင်းစားဖို့ မင်းကိုယ်တိုင်ပဲ ကြိုးစားရမှာ
ငါမင်းကို ဆူတယ်ဆုံးမတယ်ဆိုတာ
မင်းကိုမုန်းလို့ ပြစ်တင်ငြူစူနေတာမဟုတ်ဘူး
မင်းကိုချစ်လို့ ကောင်းစားစေချင်လို့ပြောနေတာပါ
ကိုယ့်ကိုကိုယ်တန်ဖိုးထားပြီး နားလည်စမ်းပါကွာ။ ။