အချစ်≠ဘဝ

ဘဝကိုတည်ဆောက်နေရင်း
အချစ်ကိုခဏမေ့ထားခဲ့တယ်
သတိရမိတဲ့အချိန်မှာ
ညီမလေးက ကိုယ့်အနားမှာ။

မချစ်တတ်ခဲ့တာမဟုတ်ပါဘူးကွယ်
ကိုယ်မချစ်ရက်ခဲ့တာပါ
ကိုယ့်ရဲ့ဘဝကြမ်းကြမ်းထဲ
ညီမလေးရဲ့ဘဝနွမ်းမှာ စိုးတယ်။

အချစ်ကို ကိုးကွယ်ရအောင်လည်း
အသက်အစိတ်ဆိုတဲ့အရွယ်က
အသက်၂၀လောက်တော့
ရင်ခုန်သံတွေ မနူးညံ့နိုင်တော့ဘူးကွယ်။

သုခတဝက်ကို ဝေမျှချင်ပေမယ့်ကွယ်
ဒုက္ခတဝက်ကိုတော့ မခွဲဝေချင်ဘူး
ကိုယ့်ကိုကိုယ်တောင်မှ မပိုင်တဲ့ဘဝမှာ
နောက်ထပ်ဘဝတွေကိုလည်း မချည်နှောင်ချင်ဘူး။

အချစ်မရှိတဲ့သူမဟုတ်ပါဘူးကွယ်
အချစ်မသိချင်တဲ့သူပါ
ရင်ထဲမှာ အချစ်ရှိပေမယ့်
အချစ်တွေ အပြစ်ဖြစ်သွားမှာ ကြောက်တယ်။

နားလည်ပေးပါ ညီမလေးရယ်
ရက်စက်တာမဟုတ်ပါဘူး
ပြတ်သားရမယ့် အခြေအနေမှာ
ဘယ်လိုကြိုးတွေကိုမှ မချည်နှောင်ချင်ဘူး
ကိုယ့်ရဲ့ဘဝက ကြမ်းတယ်ကွယ့်။

လာခဲ့ပါလို့ မခေါ်ခဲ့မိပေမယ့်
ပြန်ပါတော့လို့လည်း မနှင်ရက်ဘူး
ဒါပေမယ့် ညီမလေးရယ်
နှလုံးသားကိုတော့ သော့ခတ်ထားပါရစေ။   ။

မိုး

မိုးမိုးဘာလို့ရွာ..ဖားအော်လို့ရွာ
ဖားဖားဘာလို့အော်..မြွေလိုက်လို့အော်
မြွေမြွေဘာလို့လိုက်...ဖားအော်လို့လိုက်
ဖားဖားဘာလို့အော်...မိုးရွာလို့အော်

မိုးရွာလို့ မိုးရေချိုးခဲ့သူပါ
တဘဝလုံးစာ စိုခဲ့ပြီးပြီပဲမိုးရယ်
ဘဝတွေက နာခဲ့ပါတယ်

ဘုရားသခင်
တရားမဝင်ပေမယ့် တရားဝင်နေတဲ့
အဖဘုရားသခင်
ဒီဘဝမှာ ဒီခန္ဓာနဲ့ ပူဇော်ပသပါတယ်အရှင်
မနက်ဖန်များကို စောင့်ရှောက်တော်မူပါ

အသက်နဲ့လူလုပ်လို့မဖြစ်တဲ့ဘဝမှာ
အရှက်နဲ့ရင်းပြီးလူလုပ်ရတယ်
ကိုယ့်ထမင်းကိုယ်စားပြီး
သူများကိုလက်ညှိုးမထိုးချင်တော့ဘူး

ညိုမှာလေလား...ပြိုမှာလေလားမိုးရယ်
စိုနေတဲ့သူမှာတော့.....။   ။

၂၀.၁၁.၁၉၈၄/၂၀.၁၁.၂၀၁၀

   ၂၀.၁၁.၁၉၈၄
သေဖို့တရက်နီးလာပြီ
ဘ၀ကူးတံခါးအဖွင့်မှာ
ဝါးကနဲငိုသံကြားလိုက်ရတယ်
ငါဟာလူဆိုတဲ့သတ္တ၀ါဖြစ်ခဲ့
ငိုကြွေးတတ်တယ်
ဆာလောင်တတ်တယ်
ဒုက္ခတွေကိုယူဆောင်ခဲ့တယ်
တရက်ပြီးတရက်
တနှစ်ပြီးတနှစ်
ငါဖွံဖြိုးကြီးထွားလာခဲ့
ဆယ်စုနှစ်၂စုနဲ့တ၀က်ကျိုးတော့မယ်
ငါငိုကြွေးနေတုန်း
ငါဆာလောင်နေတုန်း
ငါဒုက္ခတွေကိုရှာနေတုန်းပဲ
တစတစညစ်ထေးစွန်းပေလာတာကလွဲရင်
ဘ၀ကဘာမှမထူးခြားခဲ့
လိုအပ်ချက်တွေနဲ့အသက်ဆက်
ရမ္မက်တွေကနေ့ညမပြတ်
ငါ့ကိုတောက်လောင်ခဲ့တယ်
နောက်ထပ်တံခါးတချပ်ကိုဖွင့်ဖို့
နောက်ထပ်ငိုသံတွေဟာမိုနီကျဖို့
ပြက္ခဒိန်စာရွက်တရွက်ကိုဆုတ်ဖြဲ
နားထဲမှာဥသြသံတွေကြားတယ်
ဂဏာန်းတခုကြီးသွားပြန်ပြီ။   ။

လွန်ခဲ့တဲ့၂နှစ်ကရေးခဲ့တဲ့ကဗျာလေးပါ။

   ၂၄
ဒီနေ့ရွာတဲ့မိုးဟာ
လွန်လေပြီးသောတခါကမိုးလို
ငါ့ကိုငါမရွဲစိုစေနိုင်ဘူး
သက်တမ်းရင့်လာတာနဲ့အမျှ
တိုင်းတာမှုစံညွှန်းတွေကွဲပြား
တချို့သောပိုးတွေမျိုးသုဉ်းသွားတယ်။

ဟောဒီရင်ဘတ်ထဲမှာ
တောင့်တမှုတွေများလွန်းလို့
ဗလာကျင်းနေတဲ့အခန်းငယ်ထဲမှာ
ငါဟာပျောက်ရှနေတဲ့သတ္တ၀ါတကောင်
ဆာလောင်ငတ်မွတ်နေတဲ့အရိုင်းတကောင်။

ဦးတည်ရာမဲ့ငါရွက်လွင့်ရင်း
နီးရာကမ်းကိုထိုးကပ်လိုက်ဖို့
သတ္တိ/ခွန်အားတွေငါ့မှာမသေချာဘူး
မျောနေရတာကိုကခံစားတတ်ရင်ကဗျာတပုဒ်
တခါတလေကျတော့ငြီးငွေ့ခြင်း
ဒါပေမယ့်
ဘ၀ကဟောင်းနွမ်းမသွားသေးတာတော့သေချာတယ်။

ကျွန်တော်၁၀နှစ်လောက်ပြန်ငယ်လိုက်ချင်တယ်မေမေ
အခုထက်ပိုပြီးနည်းနည်းအရောင်ထွက်ဖို့
အဲ့ဒီကတည်းကကိုယ့်ကိုကိုယ်တိုက်ချွတ်ဆေးကြောဖို့လိုမှန်း
ကျွန်တော်အခုမှသိနေရပြီမေမေ။   ။

လွန်ခဲ့တဲ့၂နှစ်ကပါပဲ။
မနှစ်က ဘာမှမရေးဖြစ်ပါဘူး။
လွန်ခဲ့တဲ့ july လတုန်းကတော့ ဟော့ဒီကဗျာလေးကို ရေးဖြစ်ခဲ့တယ်။

    ၂၆
လွန်ခဲ့တဲ့ ၁၀နှစ်တုန်းက
ကျနော်ဟာ ပျော်ရွှင်တက်ကြွတဲ့ ချာတိတ်လေးတယောက်
လွန်ခဲ့တဲ့ ၁၀နှစ်တုန်းက
ကျနော်ဟာ အိပ်မက်ရောင်စုံနဲ့ ချာတိတ်လေးတယောက်
လွန်ခဲ့တဲ့ ၁၀နှစ်တုန်းက
ကျနော်ဟာ အရောင်တွေမပေစွန်းသေးတဲ့ ချာတိတ်လေးတယောက်
လွန်ခဲ့တဲ့ ၁၀နှစ်တုန်းက
ကျနော်ဟာ ရင်ခုန်တတ်စ ချာတိတ်လေးတယောက်
လွန်ခဲ့တဲ့ ၁၀နှစ်တုန်းက
ကျနော်ဟာ ပုန်ကန်ချင်တတ်တဲ့ ချာတိတ်လေးတယောက်
လွန်ခဲ့တဲ့ ၁၀နှစ်တုန်းက
ကျနော်ဟာ လောကကြီးအကြောင်းမသိသေးတဲ့ ချာတိတ်လေးတယောက်
......
၁၀နှစ်တာကာလအတွင်းမှာ
ကျနော်ဟာ တစစ...နဲ့
ကျနော့်ကိုယ် ကျနော်
ကျ
ပျောက်
ခဲ့...။   ။

မွေးနေ့ဆိုတာကို ဘာမှန်းမသိခဲ့ရတဲ့နှစ်တွေ များနေပြီ။
၆နှစ်လုံးလုံး အိမ်နဲ့အဝေးမှာ။
ဒီနှစ်လည်း မနှစ်ကလို။
မနှစ်ကလည်း တနှစ်ကလို။
အဲ့သလိုပါပဲ ကျန်ခဲ့တဲ့နှစ်တွေ။
နောက်နှစ်လည်း ဒီနှစ်လိုပဲလား။
ဒါဟာဘဝဆိုလည်း ကျနော်ကျေနပ်ပါတယ်။

အနန္တော၊အနန္တဂိုဏ်းဝင်များနဲ့ ကျေးဇူးရှင်ပါပါနဲ့မေမေကို ဒီနေရာကနေ ကန်တော့လိုက်ပါတယ်။
ကာယကံ၊ဝစီကံ၊မနောကံနဲ့ ပြစ်မှားခဲ့မိသမျှတွေကို အခွင့်လွှတ်ဖို့ တောင်းပန်ပါတယ်။
အကိုဖြစ်သူကိုလည်း ဒီနေရာကနေ ကန်တော့လိုက်ပါတယ်။
ကာယကံ၊ဝစီကံ၊မနောကံနဲ့ ပြစ်မှားခဲ့မိသမျှတွေကို အခွင့်လွှတ်ဖို့ တောင်းပန်ပါတယ်။
ကျေးဇူးရှိခဲ့သူများကိုလည်း ဒီနေရာကနေ ကန်တော့လိုက်ပါတယ်။
ကာယကံ၊ဝစီကံ၊မနောကံနဲ့ ပြစ်မှားခဲ့မိသမျှတွေကို အခွင့်လွှတ်ဖို့ တောင်းပန်ပါတယ်။
ဆွေမျိုးအသိုင်းအဝိုင်းထဲက ကျနော့်ထက်ကြီးသောသူများကိုလည်း ဒီနေရာကနေ ကန်တော့လိုက်ပါတယ်။
ကာယကံ၊ဝစီကံ၊မနောကံနဲ့ ပြစ်မှားခဲ့မိသမျှတွေကို အခွင့်လွှတ်ဖို့ တောင်းပန်ပါတယ်။
ညီဖြစ်သူကိုလည်း သူ့အပေါ်မကောင်းခဲ့တာတွေ အနိုင်ကျင့်ခဲ့တာတွေ
တာဝန်မကျေခဲ့တာတွေအတွက် ဒီနေရာကနေ တောင်းပန်လိုက်ပါတယ်။
မိတ်ဆွေ၊သူငယ်ချင်းများကိုလည်း ပြုခဲ့တဲ့အမှားတွေအတွက် ဒီနေရာကနေ တောင်းပန်လိုက်ပါတယ်။
ရေးခဲ့၊ပြုခဲ့သည်များအတွက် အပြစ်တွေရှိခဲ့ရင်လည်း အားလုံးကို ဒီနေရာကနေ တောင်းပန်လိုက်ပါတယ်။
ဖြစ်သည်ဖြစ်စေ၊မဖြစ်သည်ဖြစ်စေ ကျနော်ချစ်သော အနုပညာကိုလည်း အမြဲဖက်တွယ်သွားမည်ဖြစ်ကြောင်း ပြောလိုပါတယ်။

ဒီလိုနဲ့ ဖြစ်ခဲ့၊ပျက်ခဲ့ ဒီလိုနဲ့ ဖြစ်နေ၊ပျက်နေ

ငယ်ငယ်ကအကြောင်းတွေပြန်တွေးမိတော့ စိတ်ထဲကြည်နူးမိတယ်။ကြာခဲ့ပြီဆိုပေမယ့်ရင်ထဲမှာရှိနေတုန်းပဲ။
ခုတလောအိပ်မက်တွေခဏခဏမက်တယ်။မက်တဲ့အိပ်မက်တိုင်းမှာသူမပါပေမယ့်သူပါတဲ့အိပ်မက်တွေကများ
များလာတယ်။ဘာကြောင့်လဲလို့တော့ ကိုယ်အဖြေမရှာတော့ဘူး။

          အဲ့ဒီတုန်းက တော်တော်ငယ်သေးတာပေါ့။ဆယ်ကျော်တဲ့အသက် ရင်ခုန်တတ်စအရွယ် ဆိုရမှာပေါ့။
ကိုယ်မညာပါဘူး။ကိုယ်သူ့ကိုအဲ့ကတည်းကရင်ခုန်မိခဲ့တယ်။မသိတဲ့သူရှိသလို၊သိတဲ့လူလည်းသိကြလိမ့်မယ်။
သူသိမသိတော့ ကိုယ်မသိဘူး။သူသိအောင်လည်း ကိုယ်မကြိုးစားခဲ့ဘူး။

     ဒီလိုနဲ့...အချိန်တွေကုန်ခဲ့တယ်။ဒီလိုနဲ့...အသက်တွေကြီးခဲ့တယ်။ဒီလိုနဲ့...အချစ်ကိုကိုယ်ထိတွေ့ခဲ့တယ်။ ဒီလိုနဲ့...အသည်းကွဲတယ်ဆိုတာ ကိုယ်ခံစားခဲ့ဘူးတယ်။ဒီလိုနဲ့...ဖြစ်ခဲ့တယ်၊ပျက်ခဲ့တယ်။ဒီလိုနဲ့...ဖြစ်နေ၊ပျက်
နေတယ်။ဒီလိုနဲ့...သူနဲ့ကိုယ်မတွေ့တာ ဆယ်စုနှစ်တခုနဲ့တဝက်မက။အမြဲလိုလိုမဟုတ်ပေမယ့်လည်း ကိုယ်သူ့ကိုသတိရ ရနေမိတယ်။သူကိုယ့်ကို သတိရတယ်၊မရဘူးဆိုတာတော့ သူကိုယ်တိုင်ပဲ သိလိမ့်မယ်။

   သူဘယ်မှာရှိမယ် ကိုယ်မသိဘူး။သူဘာတွေလုပ်ပြီး ဘာတွေဖြစ်နေတယ် ကိုယ်မသိဘူး။သူ့အကြောင်း ကိုယ်ဘာမှကောင်းကောင်းမသိဘူး။ကိုယ်သိတာတခုပဲရှိတယ်။သူကိုယ့်ရဲ့အိပ်မက်တွေကို လာလာသိမ်းပိုက်
တယ်။ပြန်ဆုံဖြစ်ဖို့ ကိုယ်မမျှော်ချင်လင့်ပေမယ့်၊သူနဲ့တွေ့ခဲ့ရင်ဆိုပြီး ကိုယ်စိတ်ကူးယဉ်မိ နေတတ်ပြီ။

   ဟုတ်တယ်။ကိုယ်ရူးနေပြီ။ဒါပေမယ့် ကိုယ့်ရဲ့ရူးသွပ်ခြင်းတွေဟာ ဖြူစင်ပါတယ်။ရိုးသားပါတယ်။ကိုယ်ဟာ
လျှို့ဝှက်တတ်သူတယောက် မဟုတ်ပေမယ့်၊မျိုသိပ်နိုင်တဲ့သူတယောက်ပါ။မပြောဖြစ်ခဲ့တဲ့စကားကိုလည်း ဒီအတိုင်းရှိနေစေလိုက်ပါမယ်။

သူဟာ ကိုယ့်အနားရှိသည်ဖြစ်စေ၊မရှိသည်ဖြစ်စေ ကိုယ့်ရင်ထဲမှာသူရှိနေပြီ။အရာရာဟာ ကြာခဲ့ပါပြီ။ကြာခဲ့ပြီ
ဆိုပေမယ့်လည်း...ရှေးဟောင်းပစ္စည်းများလိုပေါ့.....။   ။

မုန်တိုင်းပမာ စောင့်ကြည့်စရာ

တယောက်အမြင်တယောက်မပေါက်တဲ့အခါ
တယောက်ကိုတယောက်လေ့လာ
တယောက်စိတ်တယောက်ဖတ်ရင်း
တယောက်ကိုတယောက်ချဉ်းကပ်
တယောက်ပျော့ကွက်တယောက်နင်း
တယောက်ကိုတယောက်လက်ညှိုးထိုး
တယောက်ဂုဏ်တယောက်ဖော်
တယောက်ကရိတယောက်ကထေ့
တယောက်စကားတယောက်ခါး
တယောက်အကွက်တယောက်ချောင်း
တယောက်အမှားကိုတယောက်ထောက်
ဒီလိုနဲ့ပဲ
တယောက်တဘက်လူတွေကွဲ(ခွဲ)
ကဲကဲကဲ...
ကြိုက်တဲ့ဘက်ကိုမဲပေးကြနော်
ပြီးသွားတော့လည်း...ဟဲဟဲဟဲ
ပြီးသွားတာပါပဲ။   ။

ကိုယ်ပြောချင်တာက ကိုယ်ဟာစံလွဲနေတယ် ဆိုတာပါပဲ

             ညနေက ဟိုတယောက်နဲ့တွေ့တယ်။''ဘယ်လိုလဲ တယောက်တည်းပဲလား။ဘာမှလည်း မပြောင်းလဲဘူးနော်။ဒီအတိုင်းပဲ နေသွားတော့မှာလား''တဲ့။သူမေးချင်ရာတွေမေး၊သူပြောချင်ရာတွေပြောပြီး သူနှုတ်ဆက်သွားတော့ ကိုယ်ပြုံးမိတယ်။အကြောင်းမသိတာလည်းမဟုတ်၊ကိုယ့်အကြောင်းကို သူကောင်းကောင်းသိတာပေါ့။သိလို့လည်း သူနဲ့ကိုယ် လမ်းခွဲခဲ့တာပဲ။ပြီးခဲ့တာတွေက ပြီးခဲ့ပြီလေ။ခုမှပြန်ပြီး လွမ်းဆွေးနေရလောက်အောင် ကိုယ်က၁၆နှစ်သား မဟုတ်တော့ဘူး။ပြောမယ့်သာပြောတာ သူလည်းအခုဆို နောက်တယောက်နဲ့ပါပဲ။ကြည့်ရတာတော့ အဆင်ပြေတဲ့ပုံပေါက်သား။ဒီတယောက်နဲ့ပဲ သူအိမ်ထောင်ပြုသင့်ပါတယ်။ အနည်းဆုံးတော့ ကိုယ့်လိုကောင်မျိုး မဟုတ်တဲ့အတွက် သူစိတ်ချမ်းသာရမှာပါ။ထင်တာပဲလေ။လက်တွေ့ကတော့ သူ့ကိစ္စပဲ။
            ဟိုတယောက်နဲ့တွေ့ပြီးတော့ဟိုကောင်နဲ့ထပ်တွေ့တယ်။''ဘယ်လိုလဲဟေ့ကောင်၊မင်းသတင်းတွေ ငါကြားတယ်၊ ဘယ်လိုတွေ ဖြစ်နေတာလဲ၊မင်းကွာ ငါတို့ထက်ပိုပြီး လေ့လာခဲ့၊သင်ယူခဲ့ပြီးတော့မှ''တဲ့။ ပြောတဲ့ပုံက စိတ်ထဲမသတီချင်စရာကောင်းလို့ ဘာမှမပြောပဲနေဦးမလို့။ တော်ကြာ ဒီကောင်ကြိတ်ပျော်နေမှာစိုးလို့'' ဒီလိုပါပဲ၊ဘဝက ဒီလိုပါပဲ''လို့ ပြန်ပြောလိုက်တယ်။''အေးကွာ မင်းကိုငါနားလည်ပါတယ်''တဲ့။ဘာကိုနားလည်တာလဲ လို့တော့ ကိုယ်မမေးလိုက်တော့ဘူး။မေးစရာလည်း မလိုပါဘူးလေ။ကိုယ့်ကိုနားလည်ကြပါတယ်ဆိုတာ တကယ်တော့ ကိုယ့်ကိုနားမလည်ကြဘူးမှန်း ကိုယ်ကောင်းကောင်းသိခဲ့တာ ကြာပြီ။ငါ့ကိုနားလည်မယ့်အစားကိုယ့်ကိုကိုယ်ပဲ နားလည်အောင် အရင်ကြိုးစားပါကွာလို့ စိတ်ထဲကနေပဲပြောလိုက်တယ်။အကြောင်းသိတွေပဲ။သူဘာကောင်လဲ ကိုယ်ဘာကောင်လဲဆိုတာ သူရောကိုယ်ပါ သိနေကြတာပဲ။ကိုယ့်စိတ်ကိုယ်လုံနေရင် ပြီးတာပဲလေ။
             ညက အိပ်မပျော်ဘူး။တွေးတယ်၊မရေရာဘူး။ကိုယ်ဘာဖြစ်နေလဲ ကိုယ်ဘာဖြစ်ချင်နေတာလဲ ကိုယ်မသိဘူး။သိလည်း မသိချင်ဘူး။လောလောဆယ် ကိုယ်ဟာလွတ်လပ်တယ်။အိမ်...အိမ်ကိုသတိရတော့  အိမ်ပြန်ရင်ကောင်းမလား တွေးမိတယ်။ ကိုယ်အိမ်မပြန်တာ ဘယ်လောက်ကြာပြီလဲ။အိမ်မှာမနေချင်အောင် ကိုယ့်စိတ်ကိုဘာက ခိုင်းစေခဲ့တာလဲ။ကိုယ်ဘာကြောင့် အိမ်ကနေ ခွဲထွက်ခဲ့တာလဲ။သေချာတယ်၊ဒီညတော့ ကိုယ်အိပ်ပျော်မှာမဟုတ်ဘူး။ကိုယ်ညမအိပ်တာ တော်တော်ကြာနေပြီ။ကိုယ်သတိရတာက အိမ်က ကိုယ့်ကိုဆရာဝန်နဲ့ဆွေးနွေးစေချင်တယ်။ကိုယ်က medical check up လုပ်ပြီး အိမ်ကနေ ထွက်လာခဲ့တယ်ဆိုတာပဲ။
            မနက်က လင်းခဲ့ပြန်ပြီ။ကမ္ဘာ့အရှေ့ခြမ်းမှာ နေ့ ကမ္ဘာ့အနောက်ခြမ်းမှာည။ကိုယ့်အတွက်ကတော့
တခုခုပဲ။ ဘာတခုခုလဲဆိုတာတော့ ကိုယ်ရှာဖွေနေဆဲပဲ။သေချာတာကတော့ ခုတလော ကိုယ်သိပ်နေမပျော်တော့ဘူးဆိုတာပဲ။လူတွေ အဓ္ဓိပ္ပါယ်အမျိုးမျိုးဖွင့်ကြတဲ့ ဘဝဆိုတာ ကိုယ့်အတွက်တော့ ငြီးငွေ့ဖွယ်ရာ။ဒီဘဝ ဒီခန္ဓာကြောင့် ဒီအကြောင်းအခြင်းအရာတွေ ခံစား၊ ဒါတွေကနေလွတ်မြောက်အောင် ကိုယ်ရပ်လိုက်မှရမယ်။ကိုယ်သိတယ် နောက်ဘဝ၊နောက်ခန္ဓာနဲ့ နောက်ထပ်ခံစားရဦးမယ့် နောက်ထပ် အကြောင်းအခြင်းအရာတွေ။ဆိုလိုတာက ကိုယ့်ကိုအကြောင်းပြချက်တွေ လာလာမပေးဖို့ပါပဲ။ ကိုယ်လိုချင်တာက လက်ရှိဘဝရဲ့ ဧရိယာပြင်ပ။ကိုယ်တွေးနေမိတာက ဟိုတဘက်ကမ်း၊ ဟိုတဘက်ကမ်းမှာ ဘာတွေရှိမလဲဆိုတာကိုယ်သိချင်နေတယ်။
            ကိုယ်ဟာ မငြိမ်သက်ဘူး။ပူလောင်တယ်။ကျေးဇူးပြုပြီး ကိုယ့်ကိုမနှောင်ဖွဲ့ကြပါနဲ့။   ။

စက်ဆန်နေတဲ့ဘဝမှာ ဆက်ဆံနေရသော အခြားသောဆက်စပ်မှုများ

စိတ်ကိုခဏခဏထိန်းတယ်၊ခဏခဏလွတ်တယ်၊ပြောရရင်တော့ကျနော်ဟာတရက်ကိုအနည်းဆုံး ၂ခါလောက်တော့စိတ်ဖောက်ပြန်တယ်၊မပြေလည်တတ်တာငါတယောက်တည်းလားဝေဝေဝါးဝါး၊ တခါတလေကိုယ့်အကြောင်းကိုယ်ပြန်တွေးမိတဲ့အခါအားမလိုအားမရ၊တခါတလေဘဝရှေ့ရေးဆိုတာ တွေးမိတဲ့အခါဂယောင်ချောက်ခြား၊တခါတလေကိုယ့်အသိုင်းအဝိုင်းအကြောင်းတွေးမိတဲ့အခါ ပြုံးတမဲ့မဲ့၊တခါတလေကိုယ်နဲ့မဆိုင်တာတွေတွေးမိတဲ့အခါလွင့်လွင့်ပါးပါး၊အတွေးတွေများလာတဲ့အခါ စိတ်ကူးယဉ်တတ်၊အတွေးတွေများလာတဲ့အခါညတာတို၊အတွေးတွေများလာတဲ့အခါအကဲဆတ်၊
အလိုလိုနေရင်းပွားနေမိတဲ့မစ္ဆိရစိတ်များ၊ချို့ယွင်းလာသောလူမှုဆက်ဆံရေး၊ချို့ယွင်းလာသော အကျင့်သိက္ခာ၊ချို့ယွင်းလာသောစိတ်/လူကျန်းမာရေး၊ခေါင်းပါးလာသောနားလည်မှုများ၊
မတည်ဆောက်ချင်တော့သောယုံကြည်မှု/ချစ်ခြင်းမေတ္တာ၊မယုံကြည်ချင်တော့သောဘာသာတရား၊
ဘာကိုမှမနှောင်ဖွဲ့ချင်လောက်အောင်ဘဝကိုငြီးငွေ့မှု၊အကြည်ဓါတ်ခန်းနေသောခံစားမှုများ၊သိစိတ် မသိစိတ်အမုန်းပြိုင်ပွဲများ၊ကွဲလွဲနေသောအယူအဆ/အမြင်များ၊မရေးချင်/မဖတ်ချင်တော့သော ကဗျာများ၊မမြင်/မကြား/မတွေး/မသိ/မထိတွေ့ချင်သော စက်ဆန်နေတဲ့ဘဝမှာ ဆက်ဆံနေရတဲ့ အခြားသော ဆက်စပ်မှုများ၊အိပ်၊စား၊ကာမ မလွတ်မြောက်နိုင်သေးသော စက်ဆန်နေတဲ့ဘဝမှာ ဆက်ဆံနေရသော အခြားသောဆက်စပ်မှုများ၊စက်ဆန်နေတဲ့ဘဝမှာ ဆက်ဆံနေရသော အခြားသောဆက်စပ်မှုများ၊စက်ဆန်နေတဲ့ဘဝမှာ ဆက်ဆံနေရသော အခြားသောဆက်စပ်မှုများ၊
စက်ဆန်နေတဲ့ဘဝမှာ ဆက်ဆံနေရသော အခြားသောဆက်စပ်မှုများ.......................................၊
စက်ဆန်နေတဲ့ဘဝမှာ ဆက်စပ်နေရသော အခြားသောဆက်ဆံမှုများ.......................................၊
ဆက်စပ်နေတဲ့ဘဝမှာ စက်ဆန်နေရသော အခြားသောဆက်ဆံမှုများ.......................................၊
ဆက်စပ်နေတဲ့ဘဝမှာ ဆက်ဆံနေရသော အခြားသောစက်ဆန်မှုများ.......................................၊
ဆက်ဆံနေတဲ့ဘဝမှာ စက်ဆန်နေရသော အခြားသောဆက်စပ်မှုများ.......................................၊
ဆက်ဆံနေတဲ့ဘဝမှာ ဆက်စပ်နေရသော အခြားသောစက်ဆန်မှုများ........................................။   ။

ကြေးစား

လူခြင်းတူပေမယ့် အသက်ရှုကွဲတယ်အကို
ကျမတို့ဘဝတွေက ငတ်လို့ ပျက်ခဲ့ရတာပါ
နာမည်ရချင်လို့ ပျက်နေတာမဟုတ်ဘူး
တူတာလေးတွေတော့ ရှိမှာပေါ့အကို
အထက်တန်းစားကြေးစားနဲ့ ညဉ့်ငှက်
ကကြတဲ့ဇာတ်ခြင်းကတော့ အတူတူပါပဲ
လူတွေရဲ့အမြင်ကသာ ခွဲခြားကြတာ
ညဉ့်ငှက်ဆို အထင်သေးချင်ကြတယ်အကို
ဆန္ဒရှိမှသာ အာသာဖြေတတ်ကြတာ
မဟုတ်ရင်တော့ သိတဲ့အတိုင်းပဲလေ
အထက်တန်းစားကြေးစားတွေကတော့
လူချစ်ကြတယ်အကို
သူတို့ရဲ့ ကျော်ကြားမှုကို ကိုးကွယ်ကြတယ်
မျက်စိ/နား/ပါးစပ်သာ အရသာခံတတ်ကြတာ
အကိုသိပါတယ်လေ
 တကယ်တမ်းတော့ အကိုရယ်
ဘဝပေးမကောင်းလို့သာ လုပ်စားနေရတာပါ
အထက်တန်းစားကြေးစားတွေလိုတော့ စိတ်ပါ(သာယာ)လို့မဟုတ်ဘူး။   ။

ကိုယ်ဟာ...

ကိုယ်ဟာ ကြိုးတချောင်းပါ
ရစ်ပတ် နွယ်တတ်တယ်။

ကိုယ်ဟာ အလင်းတစပါ
ဆင့်ကဲ ဝေမျှချင်ခဲ့တယ်။

ကိုယ်ဟာ ကြယ်တပွင့်ပါ
မထင်ရှားပေမယ့် လင်းတယ်။

ကိုယ်ဟာ.....
..... .....။

.....   .....
.....   .....။

.....   .....
.....   .....။

ကိုယ်ဟာ လူတယောက်ပါ
နည်းနည်းတော့ အကဲဆတ်တယ်။   ။

အတိတ်အကျဉ်းသား

တိုက်ဆိုင်တတ်တဲ့ အကြောင်းတွေက များလွန်းတော့
အလိုလိုမှ လွမ်းချင်သူရဲ့စိတ်မှာ သူ့အရိပ်တွေ
အရိပ်တွေ...အရိပ်တွေ...
အတိတ်ရဲ့  အရိပ်တွေလေ...
ကိုယ့်စိတ်တွေက အမျှင်တန်းနေလေရဲ့
ဘဝကိုရင်းပြီး ချစ်ခဲ့မိတော့လည်း
လွယ်လွယ်နဲ့ ကိုယ်မမေ့ရက်ဘူး
တည်ငြိမ်ဖို့ ကိုယ်ကြိုးစားနေရင်း
ရင်မှာဝေဒနာတွေ ပိုများလာတယ်
ပြန်မလာတော့ဘူးဆိုတာ ကိုယ်သိနေပေမယ့်
ကိုယ့်ရင်ထဲမှာ (သူ့ကို)ရှိနေစေချင်သေးတယ်
နာကျင်နေလျက်နဲ့ ကိုယ်သာယာနေမိတယ်
အိပ်မက်ဆိုးဖြစ်ခဲ့ရင်တောင်မှ ကိုယ်မနိုးပါရစေနဲ့
ဒီစိတ်ဟာ ဒီအရိပ်နဲ့ ဒီအတိတ်ကို ငြိတွယ်
(ကိုယ်လေ)ဒီခံစားချက်နဲ့ပဲ ရှင်သန် ကိုယ့်ကိုကိုယ် မြှုပ်နှံထားချင်တယ်
ကျေးဇူးပြုပြီး ကိုယ့်ကိုမျက်ကွယ်ပြုထားကြကွယ်။   ။

sudah makan,ta faham

ဆူဒါမာကန်း၊သာပါဟန်း ရူးသလိုပေါသလိုနဲ့ ဆူဒါမာကန်း၊သာပါဟန်း အပြောကတော့
ကျလောက်တယ် ကိုယ့်လူ ပြီးတော့မှသာ ဆူဒါမာကန်း၊သာပါဟန်း ငိုပြတတ်တယ်၊
ရယ်ပြတတ်တယ် ဆူဒါမာကန်း၊သာပါဟန်း ပြောဖူးခဲ့တဲ့ ကတိတွေ ဆူဒါမာကန်း၊သာပါဟန်း
တိုင်တည်ဖူးခဲ့တဲ့ သစ္စာတွေ ဆူဒါမာကန်း၊သာပါဟန်း ပေးထားခဲ့တဲ့ မျှော်လင့်ချက်တွေနဲ့
ဆူဒါမာကန်း၊သာပါဟန်း လုပ်ပါ၊ထင်သလိုသာလုပ်ပါ ဆူဒါမာကန်း၊သာပါဟန်း ဖမ်းနေတုန်းလား၊
ဖမ်းနေဆဲလား ဆူဒါမာကန်း၊သာပါဟန်း မိနေပြီလား၊မိနေဆဲလား ဆူဒါမာကန်း၊သာပါဟန်း 
စားမြုံများပြန်နေလား ဆူဒါမာကန်း၊သာပါဟန်းသားကောင်တွေများနေပြီလား 
ဆူဒါမာကန်း၊သာပါဟန်း နောက်ပစ်မှတ်က ဘယ်သူလဲ ဆူဒါမာကန်း၊သာပါဟန်း လုပ်ပါ၊အေးဆေးလုပ်ပါ၊စိတ်ကြိုက်လုပ်ပါ ဆူဒါမာကန်း၊သာပါဟန်း
ဘီးတပါတ်ပြည့်တော့မှသာ... ။   ။
 

အမည်မပေးရသေးပါ

သူနဲ့ပတ်သက်တဲ့ အမှတ်တရတွေများစွာထဲမှာ
ကိုယ့်ကိုကိုယ်ချုပ်နှောင်နေမိတော့လည်း
ဒီရင်ထဲအလွမ်းတွေက သည်းလွန်းတယ်

အနားမှာသူမရှိပေမယ့်
ရင်ထဲမှာ သူအမြဲရှိတယ်
ဒါကို သူမသိနိုင်တော့

အရင်လိုပါပဲ
အရာရာဟာ အရင်ကလို
သူမရှိတာကလွဲလို့

ချစ်တတ်အောင် သင်ယူခဲ့ရင်းနဲ့
ကိုယ်လွမ်းတတ်ခဲ့တယ်
နေသားကျဖို့ ကြိုးစားနေရင်းနဲ့မှ
ဒီရင်က ထိလွယ်ရှလွယ်

ကိုယ်ဟာကြေကွဲလွယ်ပါတယ်
ထားခဲ့တဲ့အတိုင်းလည်း နေခဲ့ပါတယ်
ပြန်ခဲ့မယ်ဆိုလည်း ကြိုနေမယ့်သူပါ

မင်းသဘောပါပဲကွယ်။   ။

ရေးတော့ရေးလိုက်မိတယ်။ခေါင်းစဉ်ကို စဉ်းစားမရပြန်ဘူး။
အကယ်၍ ဖတ်မိခဲ့တဲ့သူတွေထဲက နာမည်လေး စဉ်းစားပေးမယ်ဆိုရင်
ကျေးဇူးတင်နေမှာပါ။   ။

ပန်းကြွေပုံပြင်

ခူးခဲ့မှတော့ ခြွေရင်လည်းကြွေ
နမ်းရင်လည်းနွမ်း မနမ်းလည်းနွမ်း
ပန်းဆိုသည်မှာ ဘယ်မှာအစဉ်လန်းနိုင်ပါ့မည်လဲ

ချစ်ခဲ့ပြီးမှတော့ကွယ် ယုံမှတ်လို့ ဘဝကိုပုံအပ်ခဲ့တယ်
မင်းအနမ်းနဲ့ ဘဝကိုနွမ်း မင်းခြွေလို့ကြွေတဲ့ပန်းပါ
မင်းတန်ဖိုးထားသင့်တယ်

မပန်ချင်ရင် မခူးပါနဲ့
ခူးခဲ့မှတော့ ပန်ဆင်သင့်တယ်
ပန်းကြွေမျက်ရည် သံသရာသက်သေ

အသွေးယူယူ အသားယူယူ
အသက်ကိုပင် ကြည်ဖြူခဲ့သူပါ
ဆန်ဆုံလို့စား ကံကုန်တော့မှသွားရမှာလား

ထားခဲ့ရင်လည်း နေခဲ့ပါမယ်
ပြုဖူးတဲ့ကံ ဖြစ်တဲ့ဘဝ
ချစ်မိတဲ့သူမှာတော့...
သြော်...နွမ်းလျသည်းကြေ။   ။

နှလုံးသားအယူခံ

မခိုင်လုံတဲ့အကြောင်းပြချက်တခုနဲ့မင်းကိုယ့်ကိုရက်စက်တယ်
တကယ်ဆို မချစ်ခဲ့မိရင်အကောင်းသား
ယုံမှတ်လို့ ပုံအပ်ခဲ့မိကာမှကွယ်

အပြစ်တွေရှိခဲ့လို့လား
ချစ်ခဲ့ကြတာလေးကို ငဲ့ညှာပါ
လိုချင်တာကိုယူခဲ့ပြီးမှကွယ်
လွယ်လွယ်နဲ့မစိမ်းကားလိုက်ပါနဲ့

ဘာတွေကို ဘယ်လိုရင်ဆိုင်နေရမှာလဲ
မင်းနားလည်တတ်ဖို့ကောင်းတယ်
ချစ်လို့မရတော့ဘူးဆိုတဲ့ စကားတခွန်းက
ခံစားတတ်တဲ့သူအတွက် သေလို့ရတယ်

ကိုယ်ဘာလုပ်ရမှာလဲကွယ်
ချစ်ခဲ့ပြီးမှတော့ မုန်းမေ့ဖို့ဆိုတာ
ကိုယ့်အတွက်တော့ မကြံစည်ကောင်းတဲ့အရာတခုလို
ကိုယ်က တသက်မှာတယောက်ပဲ ချစ်ခဲ့ချင်သူပါ

ကိုယ့်ခံစားချက်ကို မင်းမြင်တတ်မယ်ဆိုရင်
မင်းကိုယ့်ဆီပြန်ခဲ့ပါ
သိသိရက်နဲ့မှ မင်းရက်စက်မယ်ဆိုရင်လည်း
အကြောင်းဆက် ပေါင်းဖက်ဖို့အတွက်
ကိုယ်တို့ဘဝတွေ ကံမစပ်ခဲ့ဘူးလို့ပဲ
ကိုယ်ဘက်ကမှတ်ယူလိုက်ပါမယ်

ဒါပေမယ့်ကွယ်...ဒါပေမယ့်
ရင်ထဲမှာတော့ တိတ်တခိုးမျှော်လင့်နေမိတယ်။   ။

အစအနများ

ငါရူးနေပြီဘေဘီ။ငါ့ကိုထားခဲ့ပါ။ငါတယောက်တည်း ကြေကွဲနေပါရစေ။မင်းလာလာမရှုပ်ပါနဲ့။
ဒီရင်မှာ မီးတောက်နေလို့ ငါအရက်ကိုသောက်တယ်။ဝယ်သောက်တယ်။ထိုင်ဂေါက်တယ်။
နည်းနည်းရစ်မယ်။များများပြောမယ်။မကျေနပ်ရင်လည်း ခဏလောက် ပါးစပ်ပိတ်ထားပေး။
ဒီမှာ...ငါပြောချင်တာက မင်းငြိမ်ငြိမ်နေပေးဖို့ပါပဲ။ဒီအချိန်မှာ မင်းအနမ်းတွေ ငါမလိုသေးဘူး။
လိုအပ်လာတဲ့အခါ တညတာရင်းနှီးကြတာပေါ့။ခုတော့ ငါ့ကိုငါနဲ့ထားခဲ့ပါ။  ။