Apr 28, 2010

"သူရဲကောင်း"

နောင်ဘ၀မှပဲ နောင်တရတော့မယ်
ယုံကြည်ချက်ကိုမူ ငါမစွန့်လွှတ်
တရားမျှတမှုအတွက် ငါ၏အသက်ကိုစွန့်၏
စိတ်ဓါတ်နှင့်လုပ်ရပ်ကိုမူ
မည်သူမျှ ကြက်ခြေခတ်၍မရနိုင်
သံတိုင်တွေကိုငါမမှုခဲ့
လွတ်လပ်မှု၏ အသီးအပွင့်များအတွက်
ငါ၏ဘ၀ကိုစတေးပါ၏
ပြည်သူလူထုကိုကား ဘယ်တော့မှသစ္စာမဖေါက။   ။

Apr 27, 2010

သားမိုက်တယောက်၏ နေ့ရက်များ

အရင်လိုမမိုက်တော့ပေမယ့်အမေ့ရဲ့သားဟာအရင်လိုခေါင်းမာနေတတ်ဆဲပါအမေ။ကျွန်တော်ဟာ အမေမျှော်လင့်ထားသမျှကျိုးကြေပျက်စေခဲ့သူပါ။အမေမှာတဲ့စကားမှန်သမျှခဏခဏချိုးဖောက်တတ်တဲ့ ကျွန်တော်ဟာအမေ့ရဲ့သားအလတ်ကောင်။တမိပေါက်တယောက် ဆိုတဲ့အတိုင်းပါပဲ။
အမေ့သားသုံးယောက်ထဲမှာ အလတ်ကောင်ကျွန်တော်ဟာအမြဲလိုလို ဂြိုဟ်မွှေတတ်တဲ့ကောင်ပါ။
ရောက်လေရာရာမှာပြဿနာရှာတတ်လွန်းလို့ အမေ့ရဲ့သားဟာ လူမုန်းများတယ်။
လိမ္မာဖို့၊ရင့်ကျက်ဖို့ ကြိုးစားနေရင်းနဲ့မှ စိတ်ကိုအလိုလိုက် တခါတခါထထမိုက်တတ်တဲ့ အမေ့ရဲ့သားပါ။
တအူတုံဆင်းချင်းတူပေမယ့် ဘ၀အကျိုးပေးမတူပုံများ ကျွန်တော်ဟာအမေနဲ့အမြဲအဝေးမှာ။
ဒါပေမယ့်အမေရယ် အဝေးရောက်သားဆိုးတယောက်ရဲ့ရင်ထဲမှာလည်းအမေဆိုတာရှိတယ်။
တောင့်တတတ်တယ်အမေ။သတိမရအောင်နေတတ်နေပေမယ့် မငိုပဲစိုတဲ့မျက်ရည်၊မခေါ်ပဲ
ကြားနေမိတဲ့အသံ၊အလိုလိုထင်တဲ့မြင်ကွင်း ဒီချစ်ခြင်းတရားတွေကဘယ်တော့မှ
ခြောက်ခမ်းမသွားဘူးအမေ။အမေ့ရဲ့အိမ်ဟာ ကျွန်တော့်အတွက်နားပူပေမယ့် အရာရာမှာ
လုံခြုံအေးမြတယ်အမေ။ကျောတခင်းစာနေရာချင်းတူပေမယ့် အမေ့ရဲ့အရိပ်အောက်မှာလောက်
ဘယ်နေရာမှာမှ ကျွန်တော်အိပ်ရေးမ၀ခဲ့ဘူးအမေ။ကျွန်တော့်အတွက်တော့ ဘ၀မှာ
တန်ဖိုးအကြီးဆုံးပေးလိုက်ရတဲ့ သင်္ခန်းစာတခုပါအမေ။ကိုငှက်ရဲ့သီချင်းလိုပေါ့။

"အားလုံးထက်ပိုပြီး နွေးထွေးလုံခြုံတဲ့နေရာက အမေ့အိမ်လေးပဲဆိုတာ သိလိုက်ရတဲ့အချိန်မှာ
ကျွန်တော်က...ဟိုးအဝေးကြီးကို ရောက်လို့နေခဲ့ပါပြီ"
အမေနဲ့ဝေးတော့မှ ကျွန်တော်ဟာအမေ့ရဲ့မေတ္တာတရားကို နားလည်တတ်ခဲ့ပြီ။
ကိုယ့်ကိုကိုယ်ပြုပြင်ပြောင်းလဲရင်းနဲ့ အချိန်တန်တဲ့တနေ့ ကျွန်တော်အမေ့ရင်ခွင်မှာ
တခါခိုလှုံခွင့်ရချင်သေးတယ်အမေ။ချစ်သောမေမေ သာယာပျော်ရွှင်ပါစေ။ ။

Apr 24, 2010

ရင်ဘတ်ပြတိုက်

ငါဟာ မှော်ဆရာ
ရင်နာစရာ ပုံပြင်တွေကိုမှ
အသက်သွင်းနေမိသူပါ
လာပါ...ကကြပါ
ဟော့ဒီမှာ ငါ့ဝိဥာဉ်နဲ့အတူ
ပျော်ပါ...ပါးပါ
လိုရာကို အသုံးချခဲ့ကြပါ
ဆန္ဒတွေ ပြည့်ဝသွားတော့မှ
ငါ့ကို ထားခဲ့ကြပါ
ရက်စက်ကြပါ
နောက်ကျောကိုထိုးမယ့် ဓါးအတွက်လည်း
ငါ့ဘက်က အရာရာပြင်ဆင်ပေးလျက်ပါ
ငါဆိုတဲ့ သီချင်းဟာ
ငါ့နှုတ်ခမ်းထက်က ကျိန်စာ
ငါဟာငါ့ကိုယ်ငါပဲ
ဒါဏ်ခတ်တတ်တဲ့ မှော်ဆရာ
ဟော့ဒီရင်ဘတ်ကြီးနဲ့ပဲ ခင်းကျင်းလိုက်တယ်
သင့်တော်သလို ခံစားကြလော့။ ။

Apr 21, 2010

ကလေးတယောက်ရဲ့ ဆန္ဒ

အမေ ဘယ်မှာလဲ
အဖေ ဘယ်မှာလဲ
ကျွန်တော်ဟာ ဘယ်သူလဲ။

ပြန်စရာနေရာ မရှိပါ
ဘယ်သူလာခေါ်မယ် မသိပါ
ဒီအသိုက်အမြုံလေးဟာ ကျွန်တော့်ရဲ့ ကမ္ဘာ။

တခါတခါလည်း အိပ်မက်တွေထဲမှာ
ဖေဖေမေမေက ကျွန်တော့်ရဲ့ဘေးမှာ
ဒါပေမယ့်လည်း ပုံရိပ်တွေက မပြတ်သားခဲ့ပါ။

ငိုချင်ပေမယ့်လည်း မျက်ရည်တွေက မရှိတော့ပါ
ခေါ်ချင်ပေမယ့် အဖေအမေဘယ်သူဆိုတာ ကျွန်တော်မသိပါ
ကျွန်တော်သိတာ ကျွန်တော်ဟာတယောက်တည်းမဟုတ်ပါ
ကျွန်တော့်မှာ ဘ၀တူသူငယ်ချင်းတွေများစွာ။

အိပ်ရာဝင်တဲ့ အခါတွေတိုင်းမှာ
နေ့သစ်တခုရဲ့ အစတွေတိုင်းမှာ
ကျွန်တော်အမြဲ ဆုတောင်းနေလျက်ပါ။

နောက်ထပ်တခါ ဒီလိုဘ၀မျိုးကို မရောက်ချင်တော့ပါ
နောက်ထပ်တခါ ဒီလိုဘ၀မျိုးတွေ မမွေးဖွားချင်ပါ
ဒီဘ၀မှာပဲ ဒီအကြွေးတွေကြေပါစေ ဘုရား...။ ။

ငှက်ငယ်သို့

ဝမ်းစာရှာတဲ့ ညည့်ငှက်ငယ်ရယ်
ဘယ်လိုအမှောင်မျိုးကိုမှ
ဘ၀မှာ မင်းကြောက်ရွံ့ပါသလဲကွယ်
မင်းပျော်ဝင်ကျင်လည်နေတဲ့
အမှောင်ထုရဲ့ ရက်စက်စွာ ၀ါးမျိုခြင်းကို
မင်းကိုယ်တိုင်မှ သိပါရဲ့လားကွယ်
ပေးလိုက်ရတာနဲ့ ပြန်ရလိုက်တာနှိုင်းရင်
ညမှာကျတဲ့ မျက်ရည်စက်တွေဟာ
အမှောင်ထဲမှာပဲ တိုးတိတ်ပျောက်ကွယ်သွားလေရဲ့
အိုငှက်ငယ်ရယ်
မင်းရင်ထဲမှာဖြင့် အလင်းတွေရှိရင်လေ
အချိန်တွေမနှောင်းသေးခင်
သာယာတဲ့ ဘ၀လေးတခုကိုတည်ဆောက်
နွေးထွေးတဲ့နေရောင်အောက်မှာပေါ့။ ။

Apr 17, 2010

အိမ်ပြောင်းမယ်

အရင်အိမ်ကဖွင့်ရတာခက်လွန်းလို့ အိမ်သစ်ရွေ့ပါတယ်။


လာခဲ့ကြပါလို့ဖိတ်ခေါ်ပါတယ်။ ။
နှစ်သစ်မှာ blog အသစ်နဲ့ပေါ့။ ။

Apr 13, 2010

မှတ်တမ်း

ယုံကြည်ချက်တခုအတွက်
အစဉ်အလာဂုဏ်သိက္ခာအတွက်
ထန်းတက်လက်မှတ်တွေ မလိုချင်ပါ
လူကိုသာသတ်ပါတော့
စိတ်ဓါတ်ကမသေ
ကျိုင်းအုပ်ကတစ်ရာနှစ်ရာ
စပါးခိုင် မာန်ကိုမလှဲ
သည်မြေမှာ အမြစ်တွယ်ဆဲ။ ။

Apr 3, 2010

ညနေ

ညနေ
ရွက်ကြွေတို့ လဲလျောင်းလျှက်
လေပြေ
ညင်သာစွာ ထိတို့ဆော့ကစား
ဆည်းဆာ
အမှောင်တွေက လက်တကမ်းမှာ
ဆိုညည်းကြပါ
နှုတ်ဆက်တဲ့အခါ ကြေကွဲသီချင်းတွေ
ငါက နားတွေခါးနေရတယ်
အလင်း
ငါ့ရင်ထဲက စူးရှဖောက်ထွက်သွား
နှုတ်ခမ်း
အညင်သာဆုံး နူးညံ့မှုတွေနဲ့
အနမ်း
ငါ့ဝိဥာဉ်တခုလုံး ပျက်ကြွေခဲ့တယ်
ဆန္ဒတွေ မတူညီကြတော့တဲ့အခါ
ကြိုးမျှင်တွေလို တစစီ(ငါတို့တွေလေ)
အနီးဆုံးဝေးခဲ့ရတယ်
(ပြီးတော့)အဝေးဆုံးဝေးသွားခဲ့ရ
ငါ့ရဲ့ရင်ဘတ်တခြမ်းက သေသွားပြီ
ညနေခင်းကို ကဗျာနဲ့မြည်းတယ်
မပီမသ သီချင်းတွေဆိုတယ်
ညအိပ်ရာဝင်တိုင်း အိပ်မက်မမက်ဖို့
ငါဆုတောင်းတယ်
ဖရိုဖရဲ ဖြစ်တည်မှုတွေနဲ့ ငါ
တော်တော်လေးတော့ ကျင့်သားရနေပြီ

တိတ်ဆိတ်၊နက်ရှိုင်း၊ခြောက်ခြား
အမှောင်မှာ ငါ့ကိုယ်ငါလင်းထားတယ်
ဘာကိုမှ မလိုတော့ဘူး။ ။