ငါမုန်းတဲ့ ဘဝ

အတွေးနည်းနည်းများသွားတဲ့ည
ငါမလင်းစေချင်တဲ့မနက်ခင်း
သက်ပြင်းနဲ့အတူအိပ်ရာထတယ်
ပုံမှန်အတိုင်းပါပဲ
မကြည်လင်တဲ့အမြင်တွေနဲ့
မြင်လေသမျှဟာစိတ်ပျက်ငြီးငွေ့ဖွယ်
လုပ်ရိုးလုပ်စဉ်အလုပ်တွေလုပ်တယ်
ပြောနေကျစကားတွေကြားတယ်
မဆာပေမယ့်လည်းစားချိန်စားခဲ့တယ်
ဘယ်မှာလဲငါ့အတွက်ပျော်ရွှင်မှုတွေ
ဆာလောင်မှုတွေနဲ့ငါ့နှလုံးသားဟာငတ်မွတ်
ငါ့အထင်ပြောရရင်ငြီးငွေ့နေတဲ့ငါ
ငါ့ကိုယ်ငါသတ်သေတာပဲကောင်းမယ်
စိတ်နဲ့ရုပ်နဲ့အဆင်မပြေဘူး
ဘယ်နဲ့ညာနဲ့အချိတ်အဆက်မမိဘူး
ကိုယ့်ကိုကိုယ်မသတီဘူး
ငါ့ရဲ့အတွေးတွေအဆိပ်သင့်
ကိုယ့်ကိုကိုယ်ကျိန်စာတိုက်နေမိတယ်
ဆုပ်လို့လည်းစူးစားလို့လည်းရူး
ငါဟာရူးနေတဲ့ကောင်
ဦးနှောက်ထဲမလိုအပ်တာတွေထည့်ထားတဲ့ကောင်
အချိန်မှားနေရာမှားနေတဲ့ကောင်
ခံစားချက်တွေသေနေတဲ့ကောင်
အိပ်မက်ထဲအိပ်မက်ပြန်မက်တဲ့ကောင်
ယုံကြည်ချက်တွေပျောက်ဆုံးနေတဲ့ကောင်
အနာဂါတ်မရှိတဲ့ကောင်
လူမုန်းများတဲ့ကောင်
အလင်းပျောက်နေတဲ့ကောင်
အသိတွေကန်းနေတဲ့ကောင်
စိတ်မပါပဲအိပ်ရာဝင်ခဲ့တယ်
အာရုံမှာအလိုလိုထင်တဲ့အမြင်တွေနဲ့
မနက်ခင်းဟာအလိုမတူပဲလင်းခဲ့။ ။ 

လွန်ခဲ့တဲ့ ၂နှစ်လောက်က ရေးထားတဲ့ကဗျာဆိုပါတော့။
ကျနော်ဟာ ဝေဒနာဝေမျှသူ ဖြစ်နေမလားပဲ။
ဒီစိတ်ခံစားချက်တွေက အမြဲလိုလို။

အသစ်တဖန်

မချစ်ရဲပါဘူးခင်
အရင်လူပေးတဲ့ဝေဒနာ
စိတ်ဒဏ်ရာတွေက
အသက်ပါလွန်းခဲ့တော့လည်း
သည်မောင်ရင်မှာနောက်ထပ်
မချစ်ရဲဘူး...ခင်။

မဝံ့မရဲပါပဲခင်
ခင့်အနားကိုသွား
ခင်မသိအောင်ကြည့်
ခင်မိတော့လည်း
သည်မောင်က ရှက်ချင်သူပါ။

ဒီရင်ကို ဖြတ်သန်းကြည့်ပါခင်
မျိုသိပ်ထိန်းချုပ်နေရင်းနဲ့မှ
နှလုံးသားက အရိုင်းဆန်ချင်နေတုန်းပါ။

နားလည်ပေးပါခင်
မငယ်တော့တဲ့အရွယ်မို့
တွေဝေမိနေသူပါ။

မချစ်ရဲပေမယ့်
ချစ်အားပိုလာတော့လည်း
ခင်ရယ်
ရွှေစိတ်တော်ညို
အလိုမကျမှာကို စိုးလှပေမယ့်
ဖွင့်ဟလို့ ပြောပါရစေ။

ချစ်တယ်ခင်။   ။

ငယ်အိမ်မက်ကလေး

ငယ်အိမ်မက်ကလေးကို သူအိမ်မက်အမြဲမက်တယ်။
ငယ်အိမ်မက်ကလေးကို သူရှာနေခဲ့တာ ကြာပြီ။
ငယ်အိမ်မက်ကလေးလို့ ထင်ရတာတွေ သူတွေ့မိတယ်။
ငယ်အိမ်မက်ကလေးကို သူတွေ့ပြီ။
သူကြည်နူးမိတယ်။
ငယ်အိမ်မက်ကလေးကို သူနှုတ်ဆက်လိုက်တယ်။
ငယ်အိမ်မက်ကလေးက ပြောတယ်။
ငယ်ငယ်တုန်းက ကျောင်းမှာ သူ့လိုနာမည်နဲ့ သူငယ်ချင်းတယောက် ရှိခဲ့တယ်တဲ့။
အဲ့ဒါ သူပါပဲလို့ ငယ်အိမ်မက်ကလေးကို ပြောလိုက်တယ်။
ငယ်အိမ်မက်ကလေး အံ့သြသွားတယ်။
ပြန်တွေ့ရတာ ဝမ်းသာပါတယ်တဲ့ ငယ်အိမ်မက်ကလေးကပြောတယ်။
ငယ်အိမ်မက်ကလေးနဲ့ သူ ကျောင်းတုန်းက သူငယ်ချင်းတွေအကြောင်း မေးမိပြောမိတယ်။
အဲ့နောက်တော့ ငယ်အိမ်မက်ကလေးနဲ့ သူနဲ့ မဆုံဖြစ်ဘူး။
ငယ်အိမ်မက်ကလေးကို သူအမြဲစောင့်ကြည့်တယ်။
ငယ်အိမ်မက်ကလေးရဲ့ ဓါတ်ပုံတွေကို ကြည့်ပြီး ငယ်ငယ်တုန်းကအကြောင်းတွေကို သူသတိရတယ်။
ငယ်အိမ်မက်ကလေး ရုပ်မပြောင်းဘူး။
ငယ်အိမ်မက်ကလေးက ငယ်ငယ်တုန်းကအတိုင်းပဲ။
ငယ်အိမ်မက်ကလေးမှာ ရည်ရွယ်ထားသူရှိတယ်။
သူ ကြေကွဲမိတယ်။
ဒါပေမယ့် သူဝမ်းသာပါတယ်။
ငယ်အိမ်မက်ကလေးနဲ့ သူနဲ့က အနေအထားချင်းမတူဘူး။
ဝေးဝေးကနေ သူ လွမ်းတယ်။
သူ့ကြောင့် ငယ်အိမ်မက်ကလေး စိတ်အနှောင့်အယှက်ဖြစ်မှာ သူမလိုလားဘူး။
သူ့အိမ်မက်ထဲရောက်ရောက်လာတဲ့ ငယ်အိမ်မက်ကလေးကိုပဲ သူမျှော်နေမိတယ်။
ငယ်အိမ်မက်ကလေးရဲ့သတင်းတွေကို သူအမြဲနားစွင့်တယ်။
သူ့အိမ်မက်ထဲမှာပဲ ငယ်အိမ်မက်ကလေးကို သူကသူ့ရင်သူဖွင့်ပြချင်တယ်။
လားရာလမ်းချင်းမတူတဲ့အလျှောက် ရောက်တဲ့ခရီးချင်းကမတူဘူး။
ငယ်ငယ်ကမက်ခဲ့တဲ့ အိမ်မက်ကို ငယ်ဘဝမှာ မထားခဲ့နိုင်သူ။
ကိုယ့်ဒါဏ်ရာကိုယ်ပြန်ရှာရင်း တိတ်တိတ်ကလေးနဲ့ ရူးနေရတဲ့သူ။
ငယ်အိမ်မက်လေးကတော့ ဘာကိုမှ သိမှာမဟုတ်ပါဘူး။
ငယ်အိမ်မက်ကလေးရယ် မတူတာတွေကို မတုချင်ပါဘူး။
ဝေးဝေးက ကြည့်
ဝေးဝေးက လွမ်း
ဝေးဝေးကနေပဲ တမ်းတနေပါရစေ။
ငယ်အိမ်မက်ကလေးရေ...
ဟော့ဒီကမ္ဘာကြီးရဲ့တနေရာမှာ
မင်းနဲ့သာသက်ဆိုင်တဲ့
အရောင်မပါတဲ့အချစ်တခု ရှိခဲ့တယ်ဆိုတာ
မင်းသိခဲ့မယ်ဆို ကျေနပ်ပေးပါ။
နားလည်ပေးပါ။
ငယ်အိမ်မက်ကလေးရေ...
ဟောဒီသံသရာစက်ဝန်းတနေရာရာမှာ
အခွင့်သာရှိခဲ့မယ်ဆိုရင်
အသစ်တခါပြန်ဆုံချင်သေးတယ်။
ငါ့ညတွေထဲ
အရိုးသားဆုံးမျှော်လင့်လိုက်ပါရဲ့
ငယ်အိမ်မက်ကလေးရယ်...။   ။

အမှတ်တရ ဟာသ/အစအန

ဆယ်တန်းအောင်ကာစမှာ အလှကုန်ကုမ္ပဏီတခုမှာ သူအလုပ်ဝင်လုပ်တယ်။
အလုပ်ထဲမှာ ကောင်မလေးတယောက်ကို သူသတိထားမိတယ်။
ထိုကောင်မလေးကို ရင်းရင်းနှီးနှီး မြင်ဘူးတယ်လို့ သူထင်တယ်။
တနေ့မှာ ကောင်မလေးက သူ့ကိုမေးလာခဲ့တယ်။
"နင်ဗိုလ်တထောင်(၅)ကမလား နင့်ကိုငါမြင်ဘူးတယ်"
"ဟုတ်တယ် ကျနော် ဗိုလ်တထောင်(၅)ကပါ၊ဘာဖြစ်လို့လဲ"
"နင် နေခြည်မေကို သိလား"
"သိတယ်၊သူက နာမည်ကြီးပဲ"
"ဘယ်လို နာမည်ကြီးတာလဲ"
"ချောတယ်၊ရည်းစားများတယ် လို့ပဲ သိတယ်"
"နင်သူ့ကိုတွေ့ရင် မှတ်မိလား"
"မှတ်တော့မမှတ်မိပါဘူး၊သိတယ်မဟုတ်လား၊ကျနော်က အေးတယ်လေ၊ကျောင်းမှာ အေးဆေးပဲနေတာဆိုတော့ လူသိပ်မသိဘူးဗျ"
"ဘာ နင်လားအေးတာ၊နင်အကြောင်း ငါသိပါတယ်၊ကျောင်းထဲမှာ လျှောက်လျှောက်သွားနေတဲ့ကောင်ကများ၊ဟိုလူ့နောက်လိုက်၊ဒီလူ့နောက်လိုက်နဲ့၊တကယ့်ဗရုတ်"
"ဟီးဟီး အဲ့လောက်မဟုတ်ပါဘူး"
"ဘာမဟုတ်တာလဲ၊ထားပါလေ။နင်နေခြည်မေကို တကယ်မသိဘူးလား"
"မမှတ်မိတော့ဘူး၊အခန်းချင်းမှမတူတာ"
"နင် ငါ့ကိုရော သိလား"
"ကျောင်းကပဲမလား၊မြင်ဘူးတယ်"
"မြင်ဘူးရုံပဲလား၊နာမည်ကော မသိဘူးလား"
"မသိပါဘူးဗျာ"
"နေခြည်မေဆိုတာ ငါပဲဟဲ့ အကောင်ရဲ့၊ဘယ်လိုလေးလဲမသိပါဘူး၊အူကြောင်ကြောင်နဲ့"
ကောင်မလေးပေါက်ကွဲပြီး ထွက်သွားတယ်။
သူလည်းကြောင်ပြီးကျန်ခဲ့တယ်။နောက်မှ နာမည်နဲ့လူနဲ့ ပြန်တွဲမိတယ်။ဖြစ်မှဖြစ်ရတတ်ပလေတယ်။
ကာယကံရှင်ရှေ့မှာမှ သူ့ကျော်ဇောသတင်းတွေ သွားပြောမိတာကိုး။
ကောင်မလေးက ဘာသဘောနဲ့ မေးတယ်ဆိုတာတော့ သူမသိဘူး။
သူကတော့ အားနာတာရော၊ရှက်တာရော၊လန့်တာပါပေါင်းပြီး ကောင်မလေးအနားက ဖြတ်မသွားမိဖို့ တော်တော်ရှောင်မိတယ်။
သိပ်တော့မကြာလိုက်ပါဘူး။ရက်ပိုင်းအတွင်းမှာပဲ သူအဲ့ဒီအလုပ်ကနေ ထွက်ခဲ့တယ်။
ကောင်မလေးနဲ့တော့ မဆိုင်ပါဘူး။အကြောင်းပြချက်က ပင်ပန်းလို့တဲ့။
ကုမ္ပဏီက ပြန်ခေါ်ပေမယ့် သူမသွားတော့ဘူး။သူမှ မပျော်တာ။

ငယ်ငယ်ကအကြောင်လေးတွေ သတိရလို့ ပြန်ရေးလိုက်တယ်။
အဲ့တုန်းက ကျနော့်အသက်က ၁၆နှစ်ပြည့်ကာစလေးပဲ ရှိသေးတယ်။
အလုပ်ဝင်လုပ်လိုက်၊ပြန်ထွက်လိုက်နဲ့ အချိန်ပေါ့။
သက္ကရာဇ်၂၀၀၀ ဒီဇင်ဘာလမှာ အလုပ်ဝင်တယ်။
၂၀၀၁ ဇန်နဝါရီ ပထမအပါတ်အကုန်မှာ အလုပ်ကထွက်ခဲ့တယ်။
company က tafa trading company ။follow me,secret,v5,pepsodent အစရှိတဲ့ အလှကုန်တွေ ဖြန့်/ထုတ်တဲ့ company ပေါ့။
ကျနော်လုပ်ရတဲ့အလုပ်ကတော့ ဘယ်လိုခေါ်ရမှန်းတောင်မသိပါဘူး။sale man လို့ ခေါ်ရမလားပဲ။
v5 shampooတွေနဲ့ pepsodent သွားတိုက်ဆေးတွေကို အိတ်ကြီးနဲ့လွယ်ပြီး ရပ်ကွက်တွေထဲက အိမ်ဆိုင်တွေကို လိုက်ရောင်းရတာ။
ပင်ပန်းတယ်။ဈေးကြီးတွေကို ဝင်ရောင်းခွင့်မရှိဘူး။ဈေးကြီးတွေကို company ကကားနဲ့ လာဖြန့်တယ်။
ကျနော်တို့က တယောက်တမြို့နယ်စီ လျှောက်ရောင်းရတာ။အလုပ်က နေ့စားလရှင်း။ခရီးစရိတ် ပြန်ပေးတယ်။
တပါတ်ကို တနင်္ဂနွေတရက် ပိတ်တယ်။ကျန်တဲ့ရက်တွေ မပိတ်ဘူး။
အလုပ်ရဖို့ အသိအမတယောက်ပြောပေးတာ၊သူ့မောင်လေးဆိုပြီး။ပြန်ထွက်တော့ သူတောင်မသိလိုက်ဘူး။
သူ့ကိုအလုပ်က ဖုန်းဆက်ပြီး မောင်လေးကို ပြန်လာဆင်းခိုင်းပါတဲ့။အဲ့အမက အိမ်လာပြောတယ်။
ကျနော်က မလုပ်တော့ဘူး။အရမ်းပင်ပန်းတယ်လို့ ပြောလိုက်တယ်။
အဲ့အမကလည်း အဲ့လိုပြန်ပြောလိုက်တော့ အလုပ်ကဘာပြန်ပြောလည်းဆိုတော့ ပြန်လာလုပ်ပါ၊ကားပေါ်တင်ပေးပါမယ်တဲ့။
၂ခါ၊၃ခါလောက် ဖုန်းဆက်ခေါ်တယ်။ကျနော်ကတော့ နိုးပဲ။ပြန်ကိုမသွားတော့တာ။ဟုတ်တယ်။
အဲ့အချိန်တုန်းက အလုပ်ထက် လူငယ်သဘာဝ လွတ်လပ်မှုကို ပိုမက်မောခဲ့တယ်။

အပေါ်ကအကြောင်းလေးကို ခုထိမှတ်မိနေတုန်းပဲ။ဘာလို့မှန်းတော့မသိဘူး။
နေခြည်မေကို အခုနေပြန်တွေ့ရင်လည်း မှတ်မိမှာ မဟုတ်ဘူး။
သူကလည်း သူ့ကိုသူ နေခြည်မေပါလို့ ပြောလိုက်ရင်ပြီးတာကို ဘာလို့အဲ့လိုမေးလဲဆိုတာ အခုထိစဉ်းစားမရဘူး။
သူပြောတာလည်း မှန်ပါတယ်။ကျောင်းတုန်းက ကျနော်က လူဆိုးထဲမှာ မပါပေမယ့် လူအေးထဲမှာလည်း မပါဘူး။
ဆရာမတွေက ကျနော်တို့ကို လူကြည့်ရင် အေးတိအေးစက်နဲ့ စီကနဲဆို သူတို့နေရာကပဲ၊ကုပ်ကမြင်းတွေတဲ့။
စကားတအားများတယ်။ပေါက်ကရလုပ်တယ်။ဆော့တယ်။လျှောက်သွားတယ်။နောက်တယ်။ပြောင်တယ်။
ဒါပေမယ့် မကောင်းတာ ဘာမှမလုပ်ဘူး။စာမကြိုးစားခဲ့တာတခုပဲ နောင်တရမိတယ်။
ဆယ်နှစ်တောင်မှ ရှိခဲ့ပြီ။ကျနော်ကတော့ ခုချိန်ထိ ဘာကောင်မှကို မဖြစ်ခဲ့သေးပါ။

နိုဝင်ဘာကဗျာ

အိတ်ပေါက်နဲ့ ဖားကောက်သလိုပါပဲ
စိတ်ကိုအလိုလိုက် ငါကမိုက်ပစ်ချင်နေတဲ့ကောင်
ကံကြမ္မာက မြေနိမ့်ရာလှံစိုက်တတ်လွန်းတယ်
စကော်ဆာဂျီယို ဘွန်း
အကောင်းတွေက ကုန်ခဲ့ပြီလား
အဆိုးမြင်ဝါဒီအတွက်
အဆိုးတွေကိုပဲ ကြုံနေရမှာလား
သိပ်ကို ခံစားတတ်လွန်းတော့လည်း
ဘဝက ခါးတယ်
အမှားတွေက များတယ်။   ။

ယောက်ဖရေ

ယောက်ဖရေ
ကြယ်နီလေးခဲပြီး
ဆဲဗင်းဆီးလေးသောက်
ဂစ်တာတီးပြီး သီချင်းဆိုချင်သေးတယ်။

ယောက်ဖရေ
အချိန်တွေလည်း ကုန်ခဲ့ပြီ
နေရာတွေလည်း စုံကြပြီ
ကိုယ့်လမ်းကိုယ်လျှောက်ကြရင်းနဲ့ပဲ
ပြန်ဆုံကြဖို့ မလွယ်တော့ဘူး။

ယောက်ဖရေ
သတိရတာတော့ သတိရတာပေါ့ကွာ
ဒါပေမယ့်
ရောက်တဲ့အရပ် ဖြစ်တဲ့ဘဝမှာ
ပျော်အောင်သာနေကြတာပေါ့
အသက်တွေက မငယ်တော့ဘူး။

ယောက်ဖရေ
ဆိုးခဲ့ပြီးပြီ မိုက်ခဲ့ပြီးပြီ
ဘဝကို ကျေနပ်သလို ဖြတ်သန်းခဲ့ပြီးပြီပဲ
ပြောင်းလဲသင့်တာလေးတွေ ပြောင်းလဲကြတာပေါ့။

ယောက်ဖရေ
ဘဝရဲ့ နှောင်ကြိုးတွေနဲ့
မနက်ဖန်များစွာကို ငါတို့ရုန်းရဦးမယ်။

ယောက်ဖရေ
နည်းပညာခေတ်ကြီးထဲမှာ
ဆက်သွယ်ရေးတွေက လွယ်ကူလာပေမယ့်
တချိန်ချိန်တနေ့နေ့တော့ ပြန်ဆုံချင်သေးတယ်ကွာ။

ယောက်ဖရေ
ဘယ်သူဟာဘာကောင်ဆိုတာထက်
အသက်ကြီးလာတဲ့အခါမှာ
သူငယ်ချင်းတွေကိုပြန်တွေ့ရတာ
စိတ်ပျိုကိုယ်နုပေါ့။

ယောက်ဖရေ
ဘာတွေဘယ်လိုပဲပြောင်းလဲလဲပေါ့
မင်းတို့ငါတို့ရဲ့ တချိန်ကပုံရိပ်တွေကိုတော့
ဘယ်တော့မှ မပြောင်းလဲလိုက်နဲ့။

ယောက်ဖရေ
သူငယ်ချင်းဆိုတာ
ဝေးရင်မေ့ပြီး တွေ့ရင်သေအောင်လွမ်းပေမယ့်
ရင်ထဲမှာအမြဲရှိတယ်ဆိုတာတော့
ကိုယ့်ကိုကိုယ်အသိဆုံးပါ။

ယောက်ဖရေ
ယောက်ဖရေ
ယောက်ဖရေ
ငါမရှိတော့ရင်လည်း
မင်းရင်ထဲမှာ ငါကိုရှိနေပေးပါ။   ။

ငယ်သူငယ်ချင်းများ
ကျောင်းနေဘက်များ
လုပ်ဖော်ကိုင်ဘက်များ
ဘဝတကွေ့မှာ ထိတွေ့ခဲ့တဲ့ သူငယ်ချင်းများကို သတိတရနှင့်...

ပြောဖြစ်ကြတော့လည်း စကား

ဘယ်လိုလဲအခြေအနေ
ဒီလိုပါပဲ
အရင်အတိုင်းပဲလား
အရင်အတိုင်းပဲဆိုပါတော့
ကြည့်ရတာရင့်ကျက်လာတဲ့ပုံပဲ
အသက်ကြီးလာတာပါ
ဟိုတယောက်နဲ့တွေ့သေးလား
နိုး တော်တော်ကြာပြီ
သတိမရဘူးလား
အစတွေ ဆွဲမထုတ်နဲ့တော့
ခုဘာတွေလုပ်နေလဲ
အလုပ်ကိုမေးတာလား တခြားတခြားတွေလား
ဆိုပါတော့
ပြန်ထွက်ဖို့လုပ်နေတယ်
အဆင်ပြေရဲ့လား
ပြေပါတယ်
ဒီတခါသွားရင်ကြာဦးမှာလား
အခြေအနေအရပဲ
ပြန်တော့လာဦးမှာမလား
ပြန်တော့လာရမှာပေါ့
အေးလေ
အေးပေါ့
အရင်တုန်းကအကြောင်းတွေ သတိရမိတယ်
ဟုတ်တယ် အမြဲလိုလိုပဲ
တယောက်တည်းပဲ နေသွားတော့မှာလား
နေသားကျနေပြီ
အသက်ကြီးလာပြီနော်
နည်းနည်းတည်ငြိမ်လာတာပေါ့
အိမ်ထောင်ပြုသင့်နေပြီ
ကိုယ့်ကိုကိုယ်မချည်နှောင်ချင်တော့ဘူး
သူများတွေကို အားမကျဘူးလား
နိုး ရင်မောတယ်
ဖြစ်ရမယ်
ကြောင်တယ်လို့ မထင်ဘူးလား
မထင်ပါဘူး ငါသဘောပေါက်တယ်
ကောင်းပါတယ်
အဆက်အသွယ်တော့ မပြတ်ပါစေနဲ့
စိတ်ချ
စကားတွေအများကြီး ပြောချင်သေးတယ်
အချိန်တွေ ရှိပါသေးတယ်
ကျန်းမာရေးလည်း ဂရုစိုက်ဦး
အေးပါ
ဘုရားတရားလည်းမမေ့နဲ့
ဘုရားမရှိခိုးဖြစ်တာ ဘယ်လောက်ကြာပြီလဲမသိတော့ဘူး
သိတယ် အချိုးများပြောင်းနေမလားလို့
ဘာမှ မပြောင်းလဲပါဘူးဆို
အေးလေ စိတ်ချမ်းသာသလိုပေါ့
ဒီလိုပါပဲ
ဒီလိုပါပဲတွေ များနေပြီ
ဒီလိုပါပဲ အရာရာဟာ ဒီလိုပါပဲ။   ။

YEAR 30

We have no time,
In the bit moment of life.
All we want to be,
All we should be,
Were through over.
We are surviving for what?
For two meals,
For clothes which were cover our ashamed,
For a place to sleep.
Only one thing we forgot is,
We never did to share our times for beloved one.
Whatever will be, will we?
The future is not ours to see.
But we have no time.
We ought to be Humanitarian,
While we live in the world for a while.
We all are travel to find out the way to survive,
Is that for whom? Whom? Whom?
All should be for the people we love.
Under the blessing of all gods,
Let’s make,
We are going to be HUMANITARIAN.
                                                         by   alientom@thet naing tun

ကျနော့်အကိုရေးတဲ့ ကဗျာလေးပါ။ကျနော်တို့ ညီအကို တော်တော်များများတူကြပါတယ်။
ကျနော်ကလည်း အေးစေငြိမ်းစေဆိုပြီး ကဗျာလေးတခုရေးထားခဲ့ပါတယ်။
အတွေးမျိုးစေ့ကတော့ အကိုနဲ့ပြောဖြစ်တဲ့ စကားတွေက ရပါတယ်။
ကဗျာတွေမရေးဖြစ်တော့တဲ့ အကိုဆီကနေ ကဗျာတပုဒ်ထွက်ကျလာတာကို
ဝမ်းမြောက်ဝမ်းသာနဲ့ ခံယူလိုက်ပါတယ်။လူမသိသူမသိ တယောက်တည်းဖြတ်သန်းရတဲ့
ကျနော့်ရဲ့မွေးနေ့အတွက် အကောင်းဆုံးလက်ဆောင်လေးပါ။

လွှတ်ချလိုက်တော့ ဗလာ

ပြုဖူးခဲ့တာတွေလည်း မေ့လိုက်ပြီ
ဖြစ်ဖူးခဲ့တာတွေလည်း မေ့လိုက်ပြီ
ဘာကိုမှလည်း မမျှော်လင့်ချင်တော့ပါ
ဖြစ်သမျှအကြောင်းတွေထဲမှာ
ဘဝကိုကောင်းအောင်ပဲ ရှင်သန်တော့မယ်
ကိုယ့်ကြောင့်သူတပါးကို မထိခိုက်စေချင်သလို
သူတပါးကြောင့်လည်းကိုယ့်ကို မထိခိုက်စေတော့ဘူး
ကင်းသင့်တာတွေကို ကင်း
ရှင်းသင့်တာတွေကို ရှင်း
စိတ်ကို လင်း ထားတယ်။   ။

ကဗျာ

ကဗျာတပုဒ်ရေးမယ်
ဒါဟာကဗျာပါလို့ ပြောဖို့အတွက်
ပထမဆုံးအနေနဲ့
ကဗျာလို့ ခေါင်းစဉ်တပ်တယ်
သဘောတူရင် ဆက်လက်ဖတ်ရှုနိုင်ပါတယ်
ဒါဟာကဗျာပါ
အကြောင်းအရာအနေနဲ့
စိတ်ထဲရှိတာတွေကို ခံစားရသလိုရေးတယ်
မိုးရွာရင် မိုးရွာသလို
နေသာရင် နေသာသလို
ရာသီစာ လတ်လတ်ဆတ်ဆတ်တွေဖြစ်တယ်
ပုံသဏ္ဍာန်အနေနဲ့
ကြိုက်သလိုသတ်မှတ်နိုင်ပါတယ်
ငြင်းချက်ထုတ်ရန် စိတ်မဝင်စားပါ
စိတ်ဆာတဲ့အတွက်
ဟော့ဒီကဗျာဆိုတာကို ရေးပါတယ်
လက်ခံတယ်၊မခံဘူးဆိုတာကတော့
လူတကိုယ် အကြိုက်တမျိုးပါ
ပြောချင်တာကတော့
ဗိုလ်၊ကျား၊သေနတ် ကိုယ်ကြိုက်တာကိုယ်လုပ်
ကိုယ်ဖြစ်ရင်တော့ ကိုယ်ခံဖို့ပါပဲ
ကဲကဲ...ကဲ
ဒီကဗျာကို ဒီတင်အဆုံးသတ်ပါတယ်
အလှည့်ကျရင် နာမည်ခေါ်လိုက်ပါ။   ။

အေးစေငြိမ်းစေ

ဖြစ်ချင်တာတွေ ဖြစ်သင့်တာတွေ ဖြစ်သွားတာတွေ
အားလုံးဟာပြီးခဲ့ပြီ
မောဟတွေနဲ့ ကိုယ့်ကိုကိုယ် မပင်ပန်းချင်တော့ဘူး
ရိုးရိုးလေးတွေးမယ် ရိုးရိုးလေးမြင်ကြည့်မယ်
ဘဝကို ရိုးရိုးသားသားပဲဖြတ်သန်း
နေတတ်ဖို့ သေတတ်ဖို့
ပြီးတော့ လူဖြစ်ရတာကို ကျေနပ်တတ်ဖို့
တနေ့ကိုထမင်း၂နပ်စားတယ်
အရှက်လုံတဲ့ အဝတ်ဝတ်တယ်
ကျောခင်းစရာ တနေရာရှိတယ်
သင့်တင့်တဲ့ အလုပ်တခုရှိတယ်
ကိုယ့်ကို ချစ်တဲ့သူတွေရှိတယ်
ကိုယ်က ချစ်တဲ့သူတွေရှိတယ်
ကိုယ်တတ်နိုင်သလောက် လောကကောင်းကျိုးပြုမယ်
ဒီလောက်ပါပဲ
ဘဝဟာ ဒီလောက်ပဲ။   ။

သတိ

ငါတို့ဘာလုပ်ကြမှာလဲ
ငါတို့ဘာလုပ်သင့်ပြီလဲ
အဆိုးဆုံးကိုလည်းကြုံခဲ့ပြီးပြီ
ဒီအကြောက်တရားထဲမှာ
ငါတို့ရဲ့အနာဂါတ်ကိုဘယ်လောက်ထိပေးနေဦးမှာလဲ။

အရေးကြီးပြီ
ညီညွတ်ကြဖို့အချိန်တန်ပြီ
အသက်တွေလည်းပေးခဲ့ပြီးပြီ
ဘဝတွေလည်းစတေးခဲ့ပြီးပြီ။

ကိုယ့်ရင်ဘတ်ကိုကိုယ်လှုတ်ခတ်နှိုးကြပါ။   ။

တော်လှန်ရေး

ဒီလမ်းမှာ
လူငယ်တယောက် ဘဝပျောက်ခဲ့တယ်။
ဒီလမ်းမှာ
အမေတယောက် သားပျောက်ခဲ့တယ်။
ဒီလမ်းမှာ
ဆရာတယောက် တပည့်ပျောက်ခဲ့တယ်။
ဒီလမ်းမှာ
ချစ်သူတယောက် ရင်ဘတ်ပျောက်ခဲ့တယ်။
ဒီလမ်းမှာ
မျက်ရည်စက်တွေ ရှိတယ်။
ဒီလမ်းမှာ
သွေးနဲ့ရေးတဲ့မှတ်တမ်းတွေ ရှိတယ်။
ဒီလမ်းမှာ
ယုံကြည်မျှော်လင့်ချက်တွေ ရှိတယ်။
ဒီလမ်းမှာ
အမှောင်ကိုခွင်းဖို့ အလင်းတွေရှိတယ်။
ဒီလမ်းမှာ
အမှန်တရားအတွက် ဘဝတွေရင်းတယ်။
ဒီလမ်းကို
မျိုးဆက်တွေအား လက်ဆင့်ကမ်းတယ်။   ။

ကြောင်သံကြားတယ်

ကြောင်သံကြားတယ်
ကြောင်အိမ်ထဲကလား
ကြောင်အိမ်အပြင်ကလား။

ကြောင်သံကြားတယ်
ငါးကြော်မကြိုက်တဲ့ကြောင်လား
ကြွက်မခုတ်တတ်တဲ့ကြောင်လား။

ကြောင်သံကြားတယ်
ကျားဆရာကြောင်လား
စားနေကျကြောင်ဖါး(ပါး)လား။

ကြောင်သံကြားတယ်
ကြောင်သူတော်ကြွက်သူခိုးလား
ကြောင်ခံတွင်းပျက်လား။

ကြောင်သံကြားတယ်
ကြောင်မြီးတိုကြီးလား
ကြောင်စုန်းကြီးလား။

ကြောင်သံကြားတယ်
ကြောင်အသံတွေကြားတယ်
ကြောင်တွေအသံကြားတယ်။

ကြောင်သံကြားတယ်
ကြောင်နေလို့ပဲအသံတွေကြားတာလား
အသံတွေကြောင်လို့ပဲကြားတာလား
အသံတွေကြားလို့ပဲကြောင်တာလား။

ကြောင်သံတွေကြားတယ်။   ။

ရန်ကုန်

သူစိမ်းဆန်တဲ့အကြည့်တွေနဲ့ရန်ကုန်၊ပိုမိုပူပြင်းခြောက်သွေ့လာသောရန်ကုန်၊မနွေးထွေးတော့သောရန်ကုန်၊
တစစအသက်ရှုကျပ်လာသောရန်ကုန်၊ရူးချင်ယောင်ဆောင်နေသောရန်ကုန်၊ကိုယ့်ကိုကိုယ်ချကျွေးနေရသော
ရန်ကုန်၊ပျက်စီးနေသောရန်ကုန်၊ကြောက်နေသောရန်ကုန်၊အတိတ်မေ့နေသောရန်ကုန်၊ရုပ်ဖျက်ထားသောရန်
ကုန်၊ဒါဏ်ရာများနဲ့ရန်ကုန်၊အမှောင်ကျနေသောရန်ကုန်၊အစွယ်ကျိုးနေသောရန်ကုန်၊အထည်ကြီးပျက်ရန်ကုန်၊
သွေးစွန်းသောရန်ကုန်၊သွေးဆာသောရန်ကုန်၊အကျင့်ပျက်နေသောရန်ကုန်၊နာမည်ကြီးထမင်းငတ်ရန်ကုန်၊
ပျော်ရွှင်မှုအတုတွေနဲ့ရန်ကုန်၊ဘဝတွေပျက်တဲ့ရန်ကုန်၊ဘာဘာညာညာပေါတဲ့ရန်ကုန်၊ရေများရေနိုင်မီးများမီးနိုင်
ရန်ကုန်၊အပေါ်ယံများတဲ့ရန်ကုန်၊မရင့်ကျက်သေးတဲ့ရန်ကုန်၊အပြောင်းအလဲမြန်တဲ့ရန်ကုန်၊အတောင်ညှပ်ခံထား
ရတဲ့ရန်ကုန်၊ဆီတဝင်းဝင်းသဲတရှပ်ရှပ်ရန်ကုန်၊အညှီရှိရာယင်အုံတတ်တဲ့ရန်ကုန်၊မြေနိမ့်ရာလှံစိုက်တတ်တဲ့ရန်ကုန်၊
မလုံ့တလုံရန်ကုန်၊ဝဋ်ကြွေးတွေမကုန်တဲ့ရန်ကုန်၊အမေ့လျော့ခံရန်ကုန်၊အကဲဆတ်တဲ့ရန်ကုန်၊အရေထူသောရန်ကုန်၊
အတ္တကြီးသောရန်ကုန်၊မာန်တက်သောရန်ကုန်၊မျက်နှာများသောရန်ကုန်၊ပျောက်ဆုံးနေသောရန်ကုန်၊.....ရန်ကုန်၊
ရန်ကုန်ယောင်ဆောင်ထားတဲ့ရန်ကုန်၊ရန်ကုန်ဟာရန်ကုန်၊စာဖွဲ့လို့မကုန်တဲ့ရန်ကုန်။   ။

အချစ်

တယောက်ဟာတယောက်ကိုချည်တဲ့ကြိုး
ဖြည်းဖြည်းမျှင်းမျှင်းနဲ့
သူ့မျက်ဝန်းတွေမှာ ကိုယ့်ကိုကိုယ်တွေ့တယ်
အပြန်ပြန်အလှန်လှန်
တယောက်ကိုတယောက်နားလည်နေတော့လည်း
တရစ်ချင်းနှောင်တွယ်
ကိုယ်မပြောပေမယ့် သူ့ရင်ဘတ်ကကြားတယ်
နွယ်။   ။

ယားလို့ရေးတဲ့ ကဗျာ

ခေတ်မှီဖွံဖြိုးတိုးတက်သော ဖာနိုင်ငံတော်ကြီးဖြစ်ရန်
ရက်ပိုင်းမျှသာ လိုပါတော့သည်
ထိုအခါ ခေတ်မှီသူတိုင်း ဖာခံကြပေလိမ့်ဦးမည်
ခေတ်မှီဖွံဖြိုးတိုးတက်ရန် ခေတ်မှီသူတိုင်း ဖာခံကြသည်
ထိုအခါ ဖာနိုင်ငံတော်ကြီးဖြစ်ရန် ရက်ပိုင်းမျှသာ လိုပါတော့သည်
ဖာနိုင်ငံတော်ကြီးဖြစ်ရန် ခေတ်မှီသူတိုင်း ဖာခံကြသောအခါ
နိုင်ငံတော်ကြီးသည် ရက်ပိုင်းမျှအတွင်း ခေတ်မှီဖွံဖြိုးတိုးတက်မည်။   ။

WHEN I NEED U

 WHEN I NEED U
When I need you
I just close my eyes and I'm with you
And all that I so wanna give you
It's only a heartbeat away

When I need love
I hold out my hands and I touch love
I never knew there was so much love
Keeping me warm night and day

Miles and miles of empty space in between us
The telephone can't take the place of your smile
But you know I won't be travelin' forever
It's cold out but hold out and do I like I do

When I need you
I just close my eyes and I'm with you
And all that I so wanna give you babe
It's only a heartbeat away

It's not easy when the road is your driver
Honey that's a heavy load that we bear
But you know I won't be traveling a lifetime
It's cold out but hold out and do like I do

Oh, I need you

When I need love
I hold out my hands and I touch love
I never knew there was so much love
Keeping me warm night and day

When I need you
Just close my eyes
And you're right here by my side
Keeping me warm night and day

I just hold out my hands
I just hold out my hand
And I'm with you darlin'
Yes, I'm with you darlin'
All I wanna give you
It's only a heartbeat away

Oh I need you darling

U TOOK MY HEART AWAY

''You took my heart away''
Staring at the moon so blue
Turning all my thoughts to you
I was without hope or dream
Try to dull an inner scream
But you . . . saw me through . . .

Walking on a path of air
See your faces everywhere
As you melt this heart of stone
You take my hand to guide me home and now I’m in love

You took my heart away
When my whole world was grey
You gave me everything and a little bit more
And when it’s cold at night
And you sleep by my side
You become the meaning of my life . . .

Living in a world so cold
You were there to warm my soul
You came to mend a broken heart
You gave my life a brand new start
And now . . . I ’m in love

You took my heart away
When my whole world was grey
You gave me everything and a little bit more
And when it’s cold at night
And you sleep by my side
You become the meaning of my life . . .

Holding your hands
I won’t fear tomorrow
Here where we stand
We never be alone

You took my heart away
When my whole world was grey
You gave me everything and a little bit more
And when it’s cold at night
And you sleep by my side
You become the meaning of my life . . .
You become the meaning of my life . . .
You become the meaning
You become the meaning of my life . . .

ဒီဇာတ်လမ်းမှာ ခင်ဗျားနဲ့ကျနော် ၂ယောက်တည်းပဲ

ဒီဇာတ်လမ်းမှာ ခင်ဗျားနဲ့ကျနော် ၂ယောက်တည်းပဲ
ခင်ဗျားကြိုက်သလိုကဖို့ ကျနော်ခင်းကျင်း
ကျနော့်ရဲ့အခင်းအကျင်းမှာ  ခင်ဗျားကပစ်မှတ်
ဒီဇာတ်လမ်းမှာ ခင်ဗျားနဲ့ကျနော် ၂ယောက်တည်းပဲ
ကခြင်းမကခြင်းသည်က ခင်ဗျားကိစ္စ
ခင်းရကျင်းရမည်မှာ ကျနော်အလုပ်
ဒီဇာတ်လမ်းမှာ ခင်ဗျားနဲ့ကျနော် ၂ယောက်တည်းပဲ
ကျနော့်ဘက်က ကျနော့်ကိုယ်ကျနော်ရင်းတယ်
ကျန်တာကတော့ ခင်ဗျားအပိုင်းပဲ။   ။