the ant n the grasshopper

ပုရွက်ဆိတ်နှင့်နှံကောင်ပုံပြင်ကိုကြားဖူးကြမှာပေါ့။ကျွန်တော်ငယ်ငယ်ကကျောင်းမှာသင်ခဲ့ရတယ်။ရိုးရှင်းလွန်းတဲ့ပုံ ပြင်လေးပါ။အလုပ်ကြိုးစားတဲ့သူကတနေ့မှာအောင်မြင်ပြီးတော့၊အလုပ်မကြိုးစားတဲ့၊ပျင်းရိငြီးငွေ့တဲ့သူကတနေ့မှာဒုက္ခရောက်တယ်ဆိုပြီးကလေးတွေကိုသင်ခန်းစာပေးဖို့ရည်ရွယ်ထားတဲ့ပုံပြင်လေးပေါ့။
ပုံပြင်ထဲမှာပုရွက်ဆိတ်ကအရမ်းအလုပ်ကြိုးစားတယ်။အစားအစာတွေကိုနေ့တိုင်းစုဆောင်းတယ်။နွေကုန်မိုးရောက်တော့သူ့မှာစားစရာ တွေစုဆောင်းပြီးသားအသင့်ပေါ့။နှံကောင်ကတော့တနွေလုံးဘာမှမလုပ်ပါဘူး။သူကသီချင်းဆိုလိုက်ကလိုက်နဲ့တနွေလုံးပျော်ရွှင်စွာနဲ့ဖြတ်သန်းတယ်။မိုးလည်းကျရောသူ့မှာစားစရာမရှိဖြစ်တော့တာပေါ့။ဒါကြောင့်ပုရွက်ဆိတ်ထံမှစားစရာသွားချေးတာပေါ့။
''တနွေလုံးမင်းဘာလုပ်နေလဲ''ပုရွက်ဆိတ်ကမေးတဲ့အခါ
''ငါသီချင်းတွေဆိုပြီးနေရောင်အောက်မှာကနေတယ်လေ"လို့နှံကောင်ကပြန်ဖြေတယ်
"အေးဒါဆိုအခုလည်းသီချင်းဆိုပြီးသွားကပေတော့"လို့ပြောပြီးပုရွက်ဆိတ်ကမောင်းထုတ်လိုက်တယ်။
ဒီပုံပြင်ကိုကျွန်တော်ခံစားလို့မရဘူး။ကျွန်တော့်ကိုအလုပ်မကြိုးစားစေတဲ့အပြင်ပုရွက်ဆိတ်တွေကိုမုန်းစေတယ်။ပုရွက်ဆိတ်ကရက်စက်
တယ်လို့ကျွန်တော်ထင်တယ်။ဒါကြောင့်ပုရွက်ဆိတ်တွေတွေ့တာနဲ့ခြေနဲ့လိုက်နင်းချေတယ်။အဲ့ဒါကနှံကောင်တွေကိုရက်စက်ဖို့မုန်းဖို့သင်
ပေးတာပဲလို့ကျွန်တော်ထင်တယ်။
ဟိုတလောကတောင်အဲ့ဒီပုံပြင်ကိုသတိရမိသေးတယ်။စားသောက်ဆိုင်တခုမှာနေ့လည်စာသွားစားတုန်းကပေါ့၊သူငယ်ချင်းဂျော့ရမ်ဆီနဲ့
တွေ့တယ်။စားပွဲတလုံးမှာတယောက်တည်းထိုင်နေတယ်။သူ့ကြည့်ရတာလောကကြီးကိုစိတ်ကုန်နေတဲ့ပုံ။
"ဟယ်လိုဂျော့၊နေကောင်းတယ်နော်"
"နေလို့သိပ်မကောင်းပါဘူးကွာ"
"ဘာဖြစ်နေတာလဲပြောဦးလေကွာ"သူ့စားပွဲမှာကျွန်တော်ဝင်ထိုင်လိုက်တယ်။
"ဘာလဲမင်းညီတွမ်ပဲလား၊ဘာဒုက္ခပေးပြန်ပြီလဲ"
"ဒီကောင်ပဲရှိတာကွာ"
တွမ်အကြောင်းနည်းနည်းတော့ပြောဦးမှပဲ။ဆွေကြီးမျိုးကြီးတွေတိုင်းမှာငုပ်ကောင်၊တမိပေါက်တယောက်ထွန်းတွေရှိတတ်ကြတယ်မလား။တွမ်ဆိုတဲ့ကောင်ကအဲ့လိုကောင်စားမျိုး။ပထမတော့အလုပ်လေးဘာလေးလုပ်ပြီးအဆင်ပြေပါတယ်။အိမ်ထောင်ကျပြီးကလေးတောင်နှစ်
ယေက်ရနေပြီ။တရက်ထူးထူးဆန်းဆန်းသူအလုပ်မလုပ်ချင်တော့ဘူးတဲ့။ဘကိုသူပျော်သလိုပဲဖြတ်သန်းသွားချင်တော့တယ်တဲ့။အလုပ်ကထွက်၊သူ့မိသားစုကိုလည်းခဲ့ပြီးဥရောပကိုသူထွက်သွားတယ်။သူ့မှာရှိတဲ့ပိုက်ဆံအနည်းငယ်နဲ့စိတ်ထင်တိုင်းသုံးတော့တာပဲ။အကောင်းဆုံးဟိုတယ်မှာနေတယ်။ဈေးကြီးတဲ့စားသောက်ဆိုင်တွေမှာစားတယ်။ပါတီတကာတက်ပြီးမိန်းမလှလှတွေနဲ့ကဲတယ်။သူကိုသူတော့စိတ်ချမ်းသာအောင်နေတယ်။သူ့အကြောင်းကိုသူ့မိသားစုကကြားတော့စိတ်ပျက်မ်းနည်းကြတာပေါ့။ပိုက်ဆံကုန်ရင်သူဘာလုပ်မှာလဲလို့တွေးပူကြတယ်။
နောက်တော့လည်းပြန်သိကြတယ်။တွမ်ကအကောင်းကြိုက်လေ။ပြီးတော့လူပျော်တယောက်၊အပေါင်းအသင်းကလည်းများတယ်။သူ့မှာ
ပိုက်ဆံပြတ်တာနဲ့သူ့မိတ်ဆွေတွေဆီကချေးတော့တာပဲ။ဒါပေမယ့်များများတော့မချေးဘူး။ဒါကြောင့်လည်းသူ့မိတ်ဆွေတွေကပြန်ပေးဖို့မတောင်းကြဘူး။သူနဲ့ကျွန်တော်မကြာခဏဆုံတတ်တယ်။တွေ့တိုင်းလည်းကျွန်တော့်ဆီကသူပိုက်ဆံချေးတတ်တယ်။သူကလူပျော်တ
ယောက်ဆိုတော့ကျွန်တော်လည်းသူ့ကိုခင်ပါတယ်။တွမ်ကသူ့မိတ်ဆွေတွေဆီကပိုက်ဆံနည်းနည်းနည်းနည်းပဲချေးတတ်ပေမယ့်တကယ့်အရေးအကြောင်းကြုံလာရင်တော့သူ့အကိုဂျော့ဆီကလာချေးတတ်တယ်။
ဂျော့ကတော့လေးစားဖို့ကောင်းတဲ့သူပါ။အလုပ်ကိုကြိုးစားတယ်၊ပိုက်ဆံကိုတန်ဖိုးထားတယ်။သူ့ညီကိုလည်းသူ့လိုလူလေးစားတဲ့သိက္ခာရှိတဲ့သူတယောက်ဖြစ်စေချင်တယ်။ဂျော့ကပိုက်ဆံပေးလိုက်တာနဲ့တွမ်ကသူပြောင်းလဲမှာပါလို့ဂျော့ကိုဂတိပေးတယ်။အခုပဲဘ၀သစ်စမယ်အလုပ်ကိုကြိုးစားမယ်ပေါ့။တခါကလည်းဂျော့ပိုက်ဆံနဲ့ဈေးကြီးကြီးကားဝယ်စီးတယ်။ပြီးတော့ကားရောင်းပြီးပြင်သစ်က
ဟိုတယ်မှာသွားနေတယ်။ဂျော့ကတော့တွမ့်ရဲ့မတည်တဲ့ဂတိတွေကြောင့်တော်တော်စိတ်ညစ်နေရတယ်။ဒါကြောင့်တွမ်ပိုက်ဆံတောင်းတိုင်းသူမပေးတော့ဘူး။တခါတလေတွမ်တယောက်ငွေချေးပြီးပြန်မဆပ်လို့အမှုရင်ဆိုင်ရတဲ့အခါဆိုဂျော့ကပဲစိုက်လျော်ရတယ်။သူလည်းတော်တော်လေးကိုစိတ်ပျက်နေပြီ။တွမ်ကြောင့်သူရောသူတို့အမျိုးပါအရှက်တကွဲအကျိုးနည်းဖြစ်ရပေါင်းများပြီ။
တခေါက်လည်းခရောင်းဆောဆိုတဲ့လူဆီကငွေလိမ်လို့ဆိုပြီးအမှုရင်ဆိုင်ရတယ်။ငွေပမာဏကတော်တော်လေးကိုများတယ်။တွမ်လည်းအချုပ်တွေဘာတွေကျလို့။အဲ့ဒါနဲ့ဂျော့ကပဲခရောင်းရှောကိုပေါင်၅၀၀လျော်ပေးလိုက်ရတယ်။ဂျော့လျော်ပေးပြီးတာနဲ့ခရောင်းရှောနဲ့တွမ်
်မွန်တီကာလိုကိုသွားတယ်။မွန်တီကာလိုမှာသူတို့နှစ်ယောက်တတွဲတွဲနဲ့ဂျော့ရဲ့ပိုက်ဆံတွေကိုအတူတူသုံးပြီးပျော်နေကြတယ်။အဲ့ဒီတုန်းကဂျော့တော်တော်စိတ်ဆိုးတာပေါ့။ဒါပေမယ့်သူဘယ်တော့မှစိတ်နာလောက်တဲ့အထိတော့မဖြစ်ဘူး။
နှစ်ပေါင်း၂၀လုံးလုံးတွမ်ဘ၀ဟာပျော်စရာအတိချည်းပဲ။နှစ်ပေါင်း၂၀လုံးလုံးအကောင်းဆုံးဆိုတဲ့ဟိုတယ်တွေမှာနေ
၊အကောင်းဆုံးဆိုတဲ့စားသောက်ဆိုင်တွေမှာစား၊မိန်းမလှလေးတွေနဲ့တွဲပြီးဘ၀ကိုပျော်သလိုဖြတ်သန်းတယ်။သူ့အသက်က၄၆နှစ်ဆိုပေမယ့်သူ့ကြည့်ရတာအသက်၄၀တောင်ရှိတယ်မထင်ရဘူး။အပေါင်းအသင်းတွေလည်းများမှများ။
ဂျော့ကတော့ဘ၀တလျှောက်လုံးအလုပ်ကိုကြိုးစားလုပ်တယ်။ရုံးကို၉နာရီထိုးတာနဲ့ရောက်ပြီးညနေဆို၆နာရီကျော်တဲ့အထိအလုပ်လုပ်တယ်။ပိုက်ဆံကိုစုပြီးမိသားစုကိုကောင်းကောင်းစောင့်ရှောက်တယ်။
သူ့မှာပျော်ရွှင်ဖို့အချိန်ဆိုတာမရှိသလောက်ပဲ။သူ့အသက်က၄၇နှစ်ပေမယ့်သူ့ကြည့်ရတာ၆၀လောက်ထင်ရတယ်။ဂျော့ကသူအိုဇာတာကိုပဲဂုဏ်ယူနေတဲ့သူ။
"တွမ်တယောက်လည်းအိုဇာနေမှာပဲနော်"လို့ကျွန်တော်ကိုသူတခါပြောတယ်။
"ငယ်တုန်းမှာတော့အဖော်အပေါင်းရှာရလွယ်တာပေါ့"
"နောက်၎၊၅နှစ်ဆိုတွမ့်အသက်၅၀ပြည့်မှာ၊အဲ့ဒီကျရင်သူဘာလုပ်မှာလဲ"
"ငါ့အသက်၅၀ဆိုငါ့မှာပေါင်၃၀၀၀၀စုပြီးဖြစ်နေပြီ၊တွမ့်မှာတော့လက်ဖ၀ါးခြေဖ၀ါးပဲ"
"အလုပ်ကြိုးစားတာနဲ့အပျော်အပါးလိုက်စားတာဘယ်ဟာပိုကောင်းတယ်ဆိုတာနောက်တော့မှသိလိမ့်မယ်"
တရက်ဂျော့နဲ့ဆုံတော့သူ့ရဲ့ငြှိုးငယ်နေတဲ့ပုံကိုကြည့်ရင်းကျွန်တော်သူ့ကိုတော်တော်သနားမိတယ်။
"ဘာတွေဖြစ်ပြန်ပြီလဲဂျော့"တွမ်တော့ပြဿနာတက်ပြန်ပြီလားမသိဘူး။အမှုတွေဘာတွေဖြစ်ပြီးအဖမ်းခံနေရလားမသိဘူး။
"ငါ့ဘ၀တလျှောက်လုံးအလုပ်ကိုကြိုးစားခဲ့ပါတယ်ကွာ"
"ဟုတ်တယ်လေ၊ဘာဖြစ်လို့လဲ"
"မင်းသိပါတယ်၊တွမ်ဆိုတဲ့ကောင်ကအနှစ်၂၀လုံးဘာမှလုပ်ခဲ့တာမဟုတ်ဘူး။ဘ၀တလျှောက်လုံးသက်တောင့်သက်သာနဲ့နေလာတဲ့ကောင်"
"ဟုတ်တယ်လေ၊ဘာဖြစ်လို့လဲ"
ဂျော့ရဲ့မျက်နှာကြီးကရဲတွတ်ပြီး၊ဒေါသတော်တော်ထွက်နေတယ်။ဒေါသကြီးလွန်းတော့စကားတောင်မပြောနိုင်တော့ဘူး။
"ပြီးခဲ့တဲ့အပါတ်ကတွမ်အဘွားကြီးတယောက်နဲ့ယူလိုက်တယ်၊သားအမိလောက်တောင်အသက်ကွာတယ်၊ခုအဲ့ဒီအဘွားကြီးဆုံးပြီ၊
အဘွားကြီးဆုံးတော့သူပိုင်သမျှတွမ်ရလိုက်တာပေါ့၊အဘွားကြီးကပေါင်သန်းချီပြီးထားခဲ့တာ၊ပြီးတော့လန်ဒန်မှာအိမ်ကြီးတလုံး
၊ငါတို့နိုင်ငံထဲမှာအကြီးဆုံးအိမ်ကွ"
ပြောလည်းပြောပြီးခုံကိုတဒုံးဒုံးနဲ့ထုပြီးဂျော့တယောက်ဒေါသတွေထွက်လို့။သူ့ကိုကြည့်ပြီးကျွန်တော်ရယ်ချင်စိတ်ကိုထိန်းမရတော့
အတောမသတ်ရယ်မိတယ်။ကျွန်တော်ကြားဖူးသမျှထဲမှာတော့ဒီအဖြစ်ဟာရယ်စရာအကောင်းဆုံးပဲ။
နှံကောင်ကပုရွက်ဆိတ်ကိုရိုက်ချသွားတာလေ။
အဲ့လိုရယ်တာနဲ့ပတ်သက်ပြီးဂျော့ကကျွန်တော့်ကိုစိတ်ဆိုးတယ်။သူ့ကိုလှောင်တယ်ထင်ပြီးဘယ်လိုမှတောင်းပန်မရဘူး။
တွမ်ကတော့ကျွန်တော့်ကိုသူ့အိမ်မှာညစာလာစားဖို့အမြဲဖိတ်တယ်။လန်ဒန်တမြို့လုံးမှာအကြီးဆုံးအိမ်ကြီးမှာပေါ့။ဒါပေမယ့်
သူဘာမှမပြောင်းလဲပါဘူး။ကျွန်တော်နဲ့တွေ့တိုင်းအရင်တုန်းကလိုသူပိုက်ဆံချေးမြဲပါပဲ။ ။

Written by W.SOMERSET MAUGHAM
Translated from Heinemann Guided Readers

ဒီဝတ္ထုတိုလေးကိုဖတ်ဖူးတာတော်တော်ကြာပါပြီ။ကျွန်တော့်စိတ်ထင်၁၀နှစ်နီးပါးရှိလိမ့်မယ်။
ကျွန်တော့်အကိုရဲ့စာအုပ်လေးပါ။အလုပ်နဲ့အချိန်ုကုန်နေတာနဲ့နိုင်ငံခြားမှာ၅နှစ်လောက်သောင်တင်နေတာနဲ့
ဒီစာအုပ်လေးကိုပြန်မဖတ်ဖြစ်ဘူး။အလုပ်ထဲမှာအဆင်မပြေတိုင်း၊မိဘလုပ်စာထိုင်စားနေတဲ့ကောင်တွေ၊
နိုင်ငံခြားမှာကျောင်းတက်နေတဲ့ကောင်တွေကိုမြင်ပြီးမနာလိုတိုင်းဒီစာအုပ်လေးကိုသတိအမြဲရမိတယ်။
ကျွန်တော်လည်းပုရွက်ဆိတ်တကောင်/ဂျော့လိုခံစားရမိတယ်။ဘယ်လိုပဲဖြစ်ဖြစ်ပါ။သေချာတာကတော့"မွန်"ဟာဒီဝတ္ထုလေးကိုalternative vision/thought နဲ့ လောကကြီးကိုသရော်ထားတာပါ။
နားလည်သလိုတော့ဘာသာပြန်လိုက်တယ်။အဆင်မှပြေပါ့မလားမသိဘူး။အဆင်မပြေရင်တော့မူရင်းကိုရှာဖတ်ကြပါတော့။
ဥာဏ်လင်းထူး@နော်မာန်