"မေမေသို့ ..."(၂)

ရက်စက်ရတော့မယ်
ခွင့်လွှတ်ပါမေမေ
တကယ်ဆိုရင်ဒီလိုမဖြစ်သင့်မှန်း
ကျွန်တော်သေသေချာချာသိတယ်
ဒါပေမယ့်မေမေ
ကျွန်တော်အရာရာကိုငြီးငွေ့နေပြီ
အမှန်နဲ့အမှားကိုကျွန်တော်မတွေးချင်ဘူး
ကျွန်တော်လိုနေတာလွတ်လပ်မှုပါ
ဘ၀ကိုပေါ့ပေါ့ပါးပါးလေးပဲဖြတ်သန်းချင်တော့တယ်။ ။

သားမိုက်တယောက်၏ နေရက်များ

"မေမေသို့..."

ဒုက္ခမှန်းသိသိရက်နဲ့ပေါ့
ဘာကိုမှပြင်ဆင်မထားပဲ
ကျွန်တော်ရင်ဆိုင်လိုက်ပြီ
မေမေသိရင် ခွင့်လွှတ်မှာလား
ဒါမှမဟုတ် စိတ်ပျက်နေမလား။ ။

သားမိုက်တယောက်၏ နေရက်များ

"အရိုးရှင်းဆုံးပြဇာတ်"

ပြောမပြတတ်လောက်အောင် ကျွန်တော်သူ့ကိုချစ်ခဲ့ပေမယ့်
သူသိအောင် ကျွန်တော်မပြောပြတတ်ခဲ့ပါ
ကျွန်တော်နားလည်ထားသော အချစ်သည် ပေးဆပ်ခြင်းသက်သက်ဖြစ်သည်
သူနှင့်ကျွန်တော့်ကြားတွင် ပါးလှပ်ခိုင်မာသော အဖြူရောင်စည်းတခု ခြားထားသည်
ထိုစည်းကို ချနင်း၊ကျော်ဖြတ်ရန် ကျွန်တော့်မှာ အင်အားမရှိပါ
သူသည် ကျွန်တော်၏ သူငယ်ချင်းဖြစ်သည်
ထင်မှတ်မထားပဲ သူငြိုငြင်သွားမည်ကို ကျွန်တော်မလိုလားပါ
ထို့ကြောင့် ကျွန်တော်သည် မျိုသိပ်၊နှုတ်ဆိတ်တတ်ခဲ့သည်
သူ၏ခံစားချက်များကို ကျွန်တော် ကူးစက်ခံစားပေးတတ်ခဲ့သည်
အရိပ်ပမာအမြဲ သူ၏နံဘေးတွင် ကျွန်တော်ရှိနေပေးခဲ့သည်
သို့သော်...နောက်ဆုံးမတိုင်ခင် တနေ့ထိသာဖြစ်သည်
ကျွန်တော်မပြောပြတတ်ခဲ့သော ဘာသာစကားများကို
တစုံတဦးထံမှ သူနားလည်၊တတ်ကျွမ်းခဲ့ပါသည်
ထိုထိုခါက ကျွန်တော်၏အမြင်ကို သူတောင်းခံခဲ့ပါသည်
သူပျော်မည်ဆိုလျှင် ကျွန်တော်ကျေနပ်ကြောင်း ပြောပြဖြစ်ခဲ့သည်
ထိုစကားကြောင့် သူ့စိတ်တွင်အနာရသွားမှန်း
သူ့မျက်ဝန်းများမှတဆင့် ကျွန်တော်နားလည်လိုက်ချိန်တွင်
အရာရာနောက်ကျခဲ့ပြီး ဖြစ်တော့သည်
ထိုနေ့မှ စ၍ သူနှင့်ကျွန်တော် တစစ...ဝေးကွာခဲ့ရသည်
ကျွန်တော်ဝမ်းမနည်းတတ်ခဲ့ပါ
ဖြူစင်သော ကျွန်တော်၏ချစ်ခြင်းသည် ပေးဆပ်ခြင်းသာဖြစ်သည်
သူကျွန်တော့်ကို နားမလည်တတ်ခဲ့သော်လည်း
ကျွန်တော်သူ့အပေါ် နားလည်ပေးနိုင်ခဲ့သည်
အဘယ်မျှဝေးကွာနေသော်လည်း
ကျွန်တော့်ရင်ဘတ်တနေရာတွင် သူရှိသည်
ကျွန်တော့်ရင်နှလုံးသားသည် သူ၏ပြတိုက်ဖြစ်သည်
ကျွန်တော့်အခန်းနံရံတွင် သူ၏ဓါတ်ပုံများကို ချိတ်ဆွဲမထားသော်လည်း
ကျွန်တော့်နှလုံးသားပြတိုက်တွင် သူ၏ပုံရိပ်များကို ခင်းကျင်းထားသည်
အတူရှိခဲ့ဘူးသော နေရာများသည် ကျွန်တော့်ကို အမှတ်ရစေသည်
ထို့ထက်ပို၍ပြောရလျှင်မူ
သူနှင့်ပတ်သက်ခဲ့သမျှ အရာရာသည်
ကျွန်တော်၏ တသက်သာ အမှတ်တရများဖြစ်သည်
သို့သော်...သူမသိခဲ့ပါ
သူသိအောင်လည်း ကျွန်တော်က မပြောပြတတ်ခဲ့ပါ
အရာရာဟာ ပြီဆုံးခဲ့ပြီဖြစ်သည်။ ။

just lose reputation

အမှောင်မှာရှိတဲ့အလင်း
အလင်းထဲကအမှောင်
ငါက...ငါ့ကို
ဘယ်လိုခြယ်သရမလဲ...
ကန့်သက်အမြင်တွေနဲ့ အကြည့်ခံရမှာထက်စာရင်
အတိုင်းမရှိတဲ့လောကကို ခဏရောက်ချင်တယ်...
အိပ်ဆေးတွေကုန်သွားတဲ့အခါ
ညတာတွေ ပိုပိုရှည်လာတယ်...
ကျွန်တော်က ဘာကြောင့်
ဆရာဝန်နဲ့ ဆွေးနွေးရမှာလဲ အမေ
medical check up ပဲလုပ်ချင်တာပါ...
ကျွန်တော်ဘုရားမရှိခိုးတာ အပြစ်လားအမေ
ဘုရားတ လိုက် ကားရားက လိုက် မိမှာစိုးတာပါ
ကျွန်တော့်ကိုယ်ကျွန်တော်သိနေတယ်လေ...
ကျေးဇူးပြုပြီးကျွန်တော့်ကို မသနားကြပါနဲ့
ကျေးဇူးပြုပြီးကျွန်တော့်ကို အရမ်းတွေမမျှော်လင့်ပါနဲ့
ကျွန်တော်ဟာ ဗွေဖေါက်တတ်တဲ့ ငုပ်ကောင်တကောင်ပါ...
အဲ့ဒါကြောင့်ပဲ
ပုတ်သင်ညိုတကောင်လိုနေဖို့ ကြိုးစားနေရတယ်...
ကြိုးစားနေရတယ်...
ကြိုးစားနေရတယ်...
ကြိုးစားနေရတယ်...။ ။

ဒဿဂီရိ

အနုစိတ်ဆန်လွန်းတဲ့ သူမရဲ့အပြုံးတွေအတွက်
ကျွန်တော့်ဘက်က အရင်းအနှီးတွေကြီးခဲ့ရတယ်
သူမကတော့ ကလေးငယ်တယောက်လို...

ကြီးကျယ်ခမ်းနားလှပစွာ သူမကပြခဲ့
နှင်းဆီရိုင်းတပွင့်လို ခပ်ရဲရဲတောက်ပ
အချစ်နဲ့စစ်မှာ မတရားတာမရှိဘူး...

သီတာ
ငိုကြွေးနေတဲ့မျက်ဝန်းမှာ အမုန်းတွေ
ကျွန်တော်ရှုံးနိမ့်သွားတယ်...

အချစ်တွေနဲ့ နှောင်ဖွဲ့ထားခဲ့ချင်ပေမယ့်
မချစ်သင့်တဲ့အဖြစ်တွေကြောင့်
ရာဇ၀င်မှာ အပြစ်သင့်ခဲ့ရပြီ ။ ။

မိုးဆိပ်မိသူများ

မိုးရွာတုန်းရေခံတတ်ဖို့/ဖြစ်ဖို့
ဘ၀ကိုကြမ္မာကပြဋ္ဌာန်းထား
ဘယ်တော့မှကောမသွားတဲ့
ဆေးမြီးတိုနေ့ရက်များစွာ
နာကျင်လျက်အသက်ဆက်တယ်/
ပျော်ရွှင်လျက်အသက်ဆက်တယ်
မျက်ရည်စက်တွေကြားမှာ/
မိုးရေစက်တွေကြားမှာ
ဘ၀ကဘ၀ကိုသတ်တယ်/
ဘ၀ကိုငွေနဲ့ဆက်ရတယ်
မနက်ဖန်အတွက်မျက်စိမှိတ်
မိုးရွာထဲရပ်နေတုန်း/
မိုးရာထဲရပ်နေဆဲ
တိတ်တဆိတ်သိလိုက်ရတာ
မိုးဆိပ်မိခဲ့ပြီ ။ ။

အသစ်တွေမရေးဖြစ်လို့ အဟောင်းလေးပြန်တင်မယ်။ ။

လူကုန်ကူးမှုနှင့် အလုပ်ရှာဖွေရေးအေဂျင်စီ

ယေဘူယျအားဖြင့် ကျွန်တော်တို့ နားလည်ထားသော လူကုန်ကူးမှုဆိုသည်မှာ
အရွယ်မရောက်သေးသောသူများနှင့်အမျိုးသမီးများအား တဖက်နိုင်ငံတွင်
ဝင်ငွေကောင်းသောအလုပ်ရမည်ဟုဆိုကာ ဖျားယောင်းပြီး တဖက်နိုင်ငံသို့ပို့ဆောင်
ရောင်းချခြင်းဖြစ်သည်။တချို့ကားအခိုင်းအစေ၊တချို့ကား လိင်ကျေးကျွန်။
အလုပ်ရှင်၏ နှိပ်စက်မှုကြောင့် အသက်ဆုံးရသူကိုယ်အင်္ဂါ ချို့ယွင်းရသူများမှာ
မနည်းလှပေ။ထိုအလုပ်မှထွက်ပြေးသောသူများမှာလည်း တဖက်နိုင်ငံတွင်
တရားမ၀င်နေထိုင်မှုဖြင့် ဥပဒေအရ အရေးယူခံကြရသည်။
လူကိုလူချင်း ခေါင်းပုံဖြတ်အမြတ်ထုတ်သော ထိုလူမဆန်လှသည့်လူကုန်ကူးမှုကို
တိုက်ဖျက်ရမည်မှာ ကျွန်တော်တို့ လူသားတိုင်း၏တာဝန်ဖြစ်သည်။
နိုင်ငံရပ်ခြား အလုပ်အကိုင်ကြော်ငြာများကို သင်မြင်တွေ့ဖူးပေလိမ့်မည်။
မက်လောက်စရာလစာနှင့်ခံစားခွင့်များ၊ကောင်းမွန်သောလုပ်ငန်းခွင်များ
အစရှိသဖြင့် ဖော်ပြပြီး ၀န်ဆောင်ခယူကာ နိုင်ငံခြားသို့ ပို့ဆောင်ပေးနေသော
အေဂျင်စီများမှာတနေ့တခြားတိုးပွားလာသည်။အေဂျင်စီအချို့က
ကြော်ငြာထားသည့်အတိုင်း ၀န်ဆောင်မှုပေးသော်လည်း အများစုမှာ အပြောနှင့်
အလုပ် မတူညီတတ်ကြပေ။မည်သည့်အလုပ်လုပ်ရမည် လစာမည်မျှရမည်ဆိုသော်လည်း
လက်တွေ့တွင် ရသည့်လစာနှင့်အလုပ်မှာကောင်းမွန်ခြင်းမရှိပေ။ပို၍ဆိုးသည်မှာ
မည်ကဲ့သို့သောအလုပ်အမျိုးအစားဟု အေဂျင်စီကသိသော်လည်း ဟိုရောက်လျှင်တခြားသော
အလုပ်ပါဟုဆိုကာ( ပြည်တွင်းမှထွက်ခွာရလွယ်ကူသောအလုပ် သို့မဟုတ်
ဗီဇာအကျမြန်သောအလုပ်ဟုဆိုကာ)ထိုအလုပ်ကိုပင် လုပ်ကိုင်ရန်တိုက်တွန်းပြီး
စာချုပ်ချုပ်ထားလေ့ရှိကြသည်။အရေးပေါ်သော် သူတို့တာဝန်ကင်းစေရန်ဖြစ်သည်။
ဥပမာအားဖြင့်fast foodဆိုင် kitchenထဲတွင်လုပ်ရမည်ဖြစ်သော်လည်း
waiter,caisher အစရှိသောpost များလျှောက်သောသူများကို
ပြည်တွင်းမှထွက်ခွာရလွယ်ကူရန် သို့မဟုတ် ဗီဇာအကျမြန်ရန်ဟုဆိုကာ
ထိုappointmentနှင့်ပင် လက်မှတ်ထိုးခိုင်းပြီး စေလွှတ်ကြသည်။
ဟိုရောက်လျှင် မူရင်းpostရမည်ဟု လိမ်လည်ကြသည်။တကယ်တမ်းတွင် kitchenထဲတွင်လုပ်ရပြီး
မကျေနပ်လို့ပြောရာတွင်စာချုပ်ကိုပြ၍ အကျပ်ကိုင် ချိန်းခြောက်ကြသည်။
တနေ့၈နာရီသာ လုပ်ရမည်ဆိုသော်လည်း တကယ်တမ်းတွင် တနေ့၁၂နာရီလုပ်ရခြင်း၊
အချိန်ပိုလုပ်ခပေးမည်ဆိုသော်လည်း ILOမှသတ်မှတ်ထားသည့်
နှုန်းထားအတိုင်းမရပဲ မလုပ်မနေရလုပ်ကိုင်ရခြင်း၊နေရာထိုင်ခင်းစီစဉ်ပေးမည်ဆိုသော်လည်း
စီစဉ်ပေးသည်မှာ ကျန်းမာရေးနှင့်ညီညွတ်မှုမရှိခြင်း အစရှိသည်များအပြင်
အခြားအခက်အခဲများနှင့် ရင်ဆိုင်ရသည်။အလုပ်သမားမှ
မကျေနပ်၍ တိုင်တောသောအခါတွင် အလုပ်ရှင်မှ လူမိုက်ငှား၍ ရိုက်နှက်ခြင်း၊
ရဲခေါ်၍ဖမ်းဆီးခိုင်းခြင်း၊passport ပြန်မပေးပဲ
အလုပ်မှထုတ်ပစ်ခြင်းအစရှိသဖြင့် ပြုမူကြသည်။
လုပ်ချင်ချင် မလုပ်ချင်ချင် သက်တမ်းပြည့်သည့်အထိ လုပ်ကိုင်ပေးရသည်။
အေဂျင်စီများနှင့်ဆက်သွယ်သောအခါတွင်လည်း မည်သည့်အကူအညီမျှမရ
သူတို့နှင့်မဆိုင်သလို သဘောထားကြသည်။
တကယ်တမ်းတွင် ဤအလုပ်ကို လုပ်ကိုင်ရန် အမျိုးမျိုးသွေးဆောင်ပြီး
ဝန်ဆောင်ခယူထားသူများမှာ အေဂျင်စီများဖြစ်သည်။အလုပ်
သမားနှင့် အလုပ်ရှင်ကြားမပြေလည်မှုများ၊အလုပ်သမား၏လိုအပ်ချက်များကို
အေဂျင်စီများမှ တာဝန်ယူဖြေရှင်းပေးသင့်သည်။ယခု
တွင်မတော့ ပြောသည့်အလုပ်ကတမျိုး၊လုပ်ရသည်က တခြား၊ခံစားခွင့်ကတလွဲ။
ဤနေရာတွင် လူကုန်ကူးမှုဆိုသည်မှာ အဘယ်နည်းဟု ကျွန်တော်တို့ စဉ်းစားရမည်။
ယခုကဲ့သို့ ၀န်ဆောင်ခယူကာနိုင်ငံခြားတွင် ဖြစ်ချင်ရာဖြစ် သဘောထားသော
အေဂျင်စီများကိုလည်း လူကုန်ကူးသူများဟု ကျွန်တော်တို့မပြောနိုင်ပြီလော။
ထိုကိစ္စများကိုလည်း ကျွန်တော်တို့ ရှုတ်ချ၊အပြစ်မတင်သင့်ပြီလော။

စိတ်ဒဏ်ရာ

ကိုယ့်ကျင်းကိုယ်တူးရင်း

ဒုက္ခနဲ့လှလှရင်ဆိုင်

ကံဆိုးရှာသူလေးရဲ့

ရင်ဘတ်ငရဲပြခန်း

ဘယ်သူမျှဝေခံစားပေးမလဲ။ ။

ဒုတိယတိုက်ပွဲ

မွတ်ဆလင်ကမ္ဘာ
ကန္တာရမြို့ကြီးထဲမှာ
ပူပြင်းတဲ့ရာသီကိုအံတု
ရေပူပူကိုချိုးရင်း
မျက်နှာစာအသစ်တခုကိုဖွင့်လှစ်
ကိုယ့်ကိုကိုယ်မျှော်လင့်လိုက်တယ်။ ။

ညနေပုံပြင်

ညနေခင်းရဲ့လေညှင်းကသင်းသင်းသွဲ့သွဲ့
ကြွေနေတဲ့သစ်ရွက်တွေပေါ်မှာဖွဖွလျှောက်ရင်း
အိပ်တန်းဝင်ငှက်များရဲ့အသံကိုကြားတယ်။

မွန်းကျပ်တဲ့စိတ်ရဲ့ခံစားချက်များကိုရင်ဖွင့်ရင်း
ဘ၀ရဲ့အဓိပ္ပါယ်ကိုအဖြေရှာကြတဲ့
အဲ့ဒီညနေခင်းလေးမှာ
သူရယ်ကိုယ်ရယ်ရင်ဘတ်ချင်းထိစပ်ခဲ့တယ်။

အလင်းထဲမသိမသာရောတဲ့အမှောင်
ကြယ်တွေတောင်မစုံသေးဘူး
လမင်းကခရီးနှင်ခဲ့။ ။


နန်းညီရဲ့ဘလောဂ်မှာ commentအနေနဲ့ ရေးပေးထားဘူးတဲ့ ကဗျာလေးပါ။ ။