တောင်းဆိုမှုတွေများလာတဲ့အခါ
ဘ၀မှာပေးဆပ်ဖို့ကအသက်ပဲကျန်တော့တယ်
ပေးနိုင်သမျှငါပေးဆပ်ခဲ့ပြီးပြီ
ဒီထက်မကထပ်လိုချင်သေးတယ်ဆိုရင်တော့
ဟောဒီမှာ...ငါ့ဝိဉာဉ်ကိုယူပါ။ ။

ဆွံအနှလုံးသား

ရစ်ပတ်တိုးနွယ်သံယောစဉ်တွေနဲ့
နှောင်ကြိုးလေးတွယ်သူငယ်ချင်းရယ်
တနေ့မှာဖွင့်ပြောမယ်ငါလေရည်ရွယ်ထားလဲ
စိတ်ကူးများလဲပြိုသွားငါနောက်ကျခဲ့တယ်
ရင်မှာမျိုသိပ်ထားရင်းနဲ့မွန်းကျပ်နေခဲ့တယ်
မျှော်လင့်မိခဲ့သော်လည်းဟန်ဆောင်ကာနေရင်းနဲ့
ခံစားချက်ဖုံးကွယ်ထားရင်မှာဒါဏ်ရာများနဲ့
ငါမင်းအနားအမြဲရှိမယ်
လိုအပ်သမျှပေးဆပ်လို့နေမယ်
နင်သာပျော်ရွှင်မယ်ဆို
ငါ...ကျေနပ်ခဲ့
မင်းစိတ်ကူးများလှပစေ
မင်းလျှောက်မယ့်လမ်းချောမွေ့နေဖို့
အရာရာနင်ပျော်ရွှင်ပါစေဆုတောင်းရင်း
သူငယ်ချင်း.....
ငါမင်းအနားအမြဲရှိမယ်
လိုအပ်သမျှပေးဆပ်လို့နေမယ်
နင်သာပျော်ရွှင်မယ်ဆို
ငါ...ကျေနပ်ခဲ့။ ။

အရုပ်ကလေးသို့

အကြောင်းတိုက်ဆိုင်မှ
ငါကလွမ်းတတ်တာမဟုတ်ပါဘူးအရုပ်ကလေးရယ်
ဟန်ဆောင်မျိုသိပ်တတ်တာငါ့ရဲ့သဘာဝပါ

နှစ်ယောက်အတူတူလျှောက်ခဲ့တဲ့လမ်းတွေထက်မှာ
အတိုင်းအဆမသိငါကြည်နူးဘူးပါရဲ့
နင်မှတ်မိဦးမလားအရုပ်ကလေးရယ်

တခါတုန်းကအကြောင်းအရာတွေက
ငါ့စိတ်ထဲမှာလန်းဆန်းသစ်လွင်ဆဲပါ
ဘယ်လိုပျောက်ပျက်သွားမှာလည်းကွယ်

နီးခြင်းဝေးခြင်းတွေကမပြောပလောက်ပါဘူး
ပုံကြီးချဲ့ပြီးတော့လည်းငါကလွမ်းမပြတတ်ဘူး
နင်ယုံချင်ယုံမယုံချင်နေပါ
ငါ့ရင်ထဲမှာနင်ရှိတယ်ဆိုတာတကယ်ပါ

တခါတုန်းကငါ့ရဲ့အရုပ်ကလေးရယ်
ပြောင်းလဲတတ်တဲ့လောကကြီးထဲမှာ
ငါဘာကိုမှမပြောင်းလဲသေးပါဘူးကွယ်
အရင်လိုအတွေးခံစားချက်များနဲ့
အရင်လိုရှင်သန်နေထိုင်ဆဲပါ

အရုပ်ကလေးရေ
မျှော်လင့်ခြင်းတော့မဟုတ်ပေမယ့်
ငါဟာအိပ်မက်တွေမက်နေခဲ့တယ်

ပုဇဉ်းရင်ကွဲ

ကိုယ်တိုင်မသိပဲထွန်းညှိခဲ့တဲ့မျက်ဝန်း
တငွေ့ငွေ့လောင်ကျွမ်းငါရဲ့မျှော်လင့်ချက်
နောက်ကျတတ်တဲ့ကံကြမ္မာ
လွဲမှားခဲ့ရတာတော့ခဏလေးပဲ။

ရင်ထဲမှာငွေ့ရည်ဖွဲ့ရွာသွန်း
ပြီးဆုံးသွားတဲ့အိပ်မက်ကိုဆက်မက်ချင်တဲ့ငါ
ပျောက်ဆုံးသွားတဲ့နံရိုးတချောင်းကိုပြန်ရှာ
ငါ့ကိုယ်ထဲမှာပဲငါနစ်မြှုပ်ခဲ့ရတယ်။

ဟင့်အင်း..ဒါအလွမ်းနဲ့ရေးတဲ့ကဗျာမဟုတ်ဘူး
အိပ်မက်ထဲကလွတ်ကျခဲ့တဲ့
သူနားမလည်တတ်တဲ့
ဝိဥာဉ်တကောင်ရဲ့ကကြိုးတွေပါ။

ကောင်မလေးရယ်
ပျော်ဝင်ခဲ့တဲ့ရာခိုင်နှုန်းတွေပျံ့လွင့်
ဟော့ဒီရင်ဘတ်အဟောင်းကြီးနဲ့
အသိစိတ်တွေကန်းခဲ့ရတယ်
ပုံပြင်ဟောင်းတပုဒ်ပါကွယ်။ ။

ရှုံးနိမ့်ခြင်း

ဇာတ်သိမ်းခန်းမရှိပဲလွမ်း
တွေတွေဝေေ၀ငါတယောက်တည်း
ငေးမောကောင်းကင်အနက်ရောင်
လိုနေတယ်အပိုင်းအစတွေ။

ရင်ထဲတမြေ့မြေ့ကျွမ်းလောင်ဆဲ
အမှန်အမှားမသိတဲ့ငါ့ရဲ့မျှော်လင့်ချက်
နင်ထားခဲ့တော့ကွဲအက်ကြေမွ
အို...မင်းအချစ်ကရူးစေတယ်။

ပျက်သုဉ်းခဲ့ရတာ = ငါ=ည+အိပ်မက်
ကြယ်တွေကြွေသမျှဆုတောင်း
alchohol 30%
love 99%
hope 50%
dream 66% ။

ပျက်ရွင်းနေတဲ့ ရာခိုင်နှုန်းတွေဆွဲညှိ
ရင်ထဲမှာတော့အချစ်ပဲရှိတယ်
မျဉ်းပြိုင်နှစ်ကြောင်းဟာ infenity မှာဆုံတယ်
တကယ်ဆို အချစ်သက်သက်နဲ့ရေးထားတဲ့ ကဗျာတပုဒ်ပါ။ ။

ဘ၀နဲ့အလှ

တငွေ့ငွေ့နဲ့ပေါ့
တဖြည်းဖြည်းနဲ့လည်းပြာဖြစ်သွားတာပဲ
ခပ်ပြင်းပြင်းလေးထိသွားဖို့ပဲလိုတယ်
ရှိုက်သာရှိုက်ပစ်လိုက်
တစ်ရှိုက်..နှစ်ရှိုက်..
မကုန်ခင်လေးရှိုက်ရတာ
အားရပါးရပေါ့
တော်ကြာလေစားသွားဦးမယ်။ ။

ဆန္ဒများ

လူတိုင်းမှာ ဖြစ်ချင်တဲ့ဆန္ဒ လုပ်ချင်တဲ့အရာတွေ ရှိတတ်ကြပါတယ်။တချို့သောအရာတွေက အသက်အရွယ် အတွေ့အကြုံ(သို့)
အခြေအနေ အချိန်အခါပေါ် မူတည်ပြီးပြောင်းလဲသွားတတ်ပေမယ့် တချို့သောအရာတွေက ဘယ်တော့မှပြောင်းလဲမသွားကြဘူး။
ဖြစ်မလာသေးတာ(သို့)မလုပ်ဖြစ်သေးတာကလွဲရင် အဲ့ဒီလူရဲ့စိတ်ထဲမှာအမြဲကိန်းအောင်းနေတတ်တယ်။ကျွန်တော်ဆိုတဲ့ကောင်
မှာလည်း အဲ့လိုအရာလေးတွေရှိတယ်။ ။

(၁)မိသားစုနဲ့ သိုက်သိုက်ဝန်းဝန်းနေချင်တယ်
(၂)အနုပညာသမားစစ်စစ်တယောက်ဖြစ်ချင်တယ်
(၃)မမှတ်မိတော့တဲ့၊မတွေ့ဘူးတဲ့ ကျွန်တော့်အဖေဘက်က ဆွေမျိုးတွေနဲ့ မြင်တွေ့ပြီး ခင်ခင်မင်မင် ရင်းရင်းနှီးနှီးရှိချင်တယ်
(၄)သူငယ်ချင်းတွေနဲ့ အလုပ်(စီးပွားရေး)တူတူလုပ်ချင်တယ်
(၅)၀မ်းကွဲမောင်နှမတွေနဲ့ အလုပ်(စီးပွားရေး)တူတူလုပ်ချင်တယ်
(၆)တရားအားထုတ်ချင်တယ်
(၇)ပရဟိတ လုပ်ငန်းတွေလုပ်ချင်တယ်
(၈)စာကြည့်တိုက်၊စာဖတ်သင်းတွေ ထူထောင်ချင်တယ်
(၉)မိဘမဲ့ဂေဟာ(သို့)ဘ၀အခြေမလှတဲ့ ကလေးတွေအတွက်စောင့်ရှောက်ရေး၊ပြုစုပျိုးထောင်ရေး စခန်းတခုလောက်ဖွင့်ချင်တယ်
(၁၀)ကျွန်တော့်အပေါ် နားလည်ပေးနိုင်မယ့်၊ကျွန်တော့်ဘက်ကလည်း နားလည်ပေးနိုင်မယ့်၊ကျွန်တော့်မိသားစုကို ကျွန်တော့်လို
ချစ်နိုင်မယ့်၊ကျွန်တော့်မိသားစုကလည်း ကျွန်တော့်နဲ့ထပ်တူချစ်နိုင်မယ့်၊အနုပညာခံစားမှုရှိမယ့်၊ကိုယ်ကျင့်သိက္ခာဖြောင့်မတ်၊
စိတ်နှလုံးဖြူစင်မယ့်သူ တယောက်အား ဘ၀လက်တွဲဖော်အဖြစ်ပိုင်ဆိုင်ချင်တယ်


ဒီအချက်၁၀ချက်ဟာ ဘယ်တော့မှပြောင်းလဲသွားမှာမဟုတ်တဲ့ ကျွန်တော့်ရဲ့ဆန္ဒတွေပါ။ဖြစ်လာတာမလာတာကတော့ ကျွန်တော့်ရဲ့
ကြိုးစားမှုအပေါ်မှာမူတည်ပါတယ်။ ။

အခန်း

ဖုန်တက်နေတဲ့ဘုရားစင်ရှိတယ်
ရှုပ်ပွနေတဲ့စာအုပ်တွေရှိတယ်
ဟိုနေရာဒီနေရာမှာဆေးလိပ်တိုတွေရှိတယ်
တိုးလို့တွဲလောင်းအ၀တ်အစားတွေရှိတယ်
ဖရိုဖရဲဖြစ်နေတဲ့ဖိနပ်တွေရှိတယ်
ပက်လက်လန်နေတဲ့စကိတ်တစီးရှိတယ်
တွဲလောင်းကျနေတဲ့မီးသီးတလုံးရှိတယ်
လေပြင်းပြင်းတိုက်တဲ့ပန်ကာကြီးကြီးရှိတယ်
တကျွီကျွီမြည်တတ်တဲ့သံခုတင်တလုံးရှိတယ်
ကိုယ့်ကိုကိုယ်မှတ်မိအောင်ကြည့်ဖို့မှန်တချပ်ရှိတယ်
အမှိုက်ပုံးနဲ့တူတဲ့ဗီရိုတလုံးရှိတယ်
ဖန်ခွက်မပါတဲ့ရေခရားတလုံးရှိတယ်
မသောက်ဖြစ်တဲ့ဆေးပုလင်းတွေရှိတယ်
မျက်မှန်၂လက်အလှည့်ကျရှိတယ်
နံရံပေါ်မှာစာတွေရေးထားတယ်
တံခါးရဲ့အတွင်းဘက်မှာဓါတ်ပုံကပ်ထားတယ်။

လုံးထွေးနေတဲ့ဆေးလိပ်မီးခိုးတွေရှိတယ်
လူရာမ၀င်တဲ့အတွေးတွေရှိတယ်
အထီးကျန်မှုတွေရှိတယ်
မျှော်လင့်ချက်တွေရှိတယ်
သိမ်ငယ်မှုတွေရှိတယ်
ငတ်မွတ်ခေါင်းပါးမှုတွေရှိတယ်
စ်ိတ်ပျက်ဝမ်းနည်းမှုတွေရှိတယ်
တွေဝေမှုတွေရှိတယ်
တပ်မက်မှုတွေရှိတယ်
မူးယစ်ရီဝေမှုတွေရှိတယ်
ကြိတ်မနိုင်ခဲမရဒေါသတွေရှိတယ်
နာကြည်းချက်တွေရှိတယ်
မေ့လို့မရတဲ့အတိတ်တွေရှိတယ်
အိပ်လို့မပျော်တဲ့ညတွေရှိတယ်
ငြီးငွေ.မှုတွေကကြီးစိုးထားတယ်။

အဲ့ဒီအခန်းထဲမှာ
ကိုယ့်ကိုကိုယ်ပြန်ခြောက်တဲ့
တစ္ဆေတကောင်နေတယ်။ ။

သို့

အိပ်မက်တံခါးတွေ နင်ဖွင့်ထားလိုက်
စိတ်ရဲ့အလင်းနဲ့
မင်းရဲ့နှုတ်ခမ်းတွေကိုငါသိမ်းပိုက်မယ်
ကဲ...နှုတ်ဆက်ပါတယ်ချစ်သူ
ကောင်းသောညပါ၊ ။

ချစ်ညီမလေးသို့

(1)ကျန်းမာရေးကိုအထူးဂရုစိုက်ပါ
(2)အအိပ်၊အစားမှန်ပါစေ
(3)ခြေစောင့်၊လက်စောင့်ငွေထားပါ
(4)မိမိရည်မှန်းချက်ကိုလမ်းမလွဲပါစေနှင်
(5)မိတ်ဆွေသူငယ်ချင်းများများထားပါ
(6)မိမိကိုယ်ကိုထက်သူတပါးအားမယုံကြည်ပါနှင့်
(7)စိတ်လှုပ်ရှားမှုများကိုသေသေချာချာပြန်ဆန်းစစ်ပါ
(8)တဒင်္ဂပျော်ရွှင်မှုများကြောင့်မိမိ၏တန်ဖိုးကိုမနိမ့်ကျပါစေနှင့်
(9)အမျိုး၊ဘာသာ၊သာသနာကိုစောင့်ထိန်းပါ
(10)နိုင်ငံရေးမလုပ်ပါနှင့်
(11)မိမိပတ်ဝန်းကျင်ကိုဆန်းစစ်ပါ
(12)မိမိကိုယ်ကိုဝေဖန်ပါ
(13)ကိုယ့်အားကိုယ်ကိုးပါ၊သူတပါးကိုအားမကိုးပါနှင့်
(14)ဆန့်ကျင်ဘက်လိင်များအားမယုံကြည်ပါနှင့်
(15)သူငယ်ချင်းကိုချစ်ပါ၊သို့သော်အလိုမလိုက်ပါနှင့်
(16)လောကကြီးကိုအကောင်းမြင်ပါ
(17)ခေတ်သစ် “အ”သုံးလုံးကျေပါစေ(အင်္ဂလိပ်စာ၊အင်တာနက်၊အိုင်တီ)
(18)စာများများဖတ်ပါ၊သို့သော်စိတ်ကူးမယဉ်ပါနှင့်
(19)စိတ်ကိုအလိုမလိုက်ပါနှင့်
(20)အိမ်ထောင်ရှိသောသူ၊ရှုပ်ပွေသောသူ၊ရည်းစားများသောသူတို့နှင့် အရောတ၀င်၊နီးကပ်စွာမနေပါနှင့်
(21)“GIVE N TAKE” ဟူသောစကားကို အမြဲသတိရ၊နားလည်နေပါ
(22)ချိုသာစွာပြောတတ်သော၊စိတ်ဝင်စားအောင်ပြုတတ်သောသူများကိုသတိထားပါ၊အန္တရာယ်ရှိတတ်သည်
(23)အတိတ်ကိုအခြေခံ၍ပစ္စုပန်ကောင်းအောင်ကြိုးစားပြီးအနာဂါတ်အတွက်ပြင်ဆင်ပါ
(24)အမှုားအယွင်းကိုအကျင့်မဖြစ်ပါစေနှင့်
(25)အမှားကိုလက်ခံပါ၊ထိုအမှားမှသင်ခန်းစာယူပါ
(26)မိမိကြောင့်သူတပါးမထိခိုက်ပါစေနှင့်
(27)သူတပါးကြောင့် မိမိကိုယ်ကိုအထိခိုက်မခံပါနှင့်
(28)Dairyရေးပါ
(29)အနန္တော၊အနန္တငါးပါးကိုအမြဲဦးထိပ်ထားပါ
(30)စိတ်တည်ငြိမ်မှုရစေရန်တရားထိုင်ပါ

သိလို့၊တတ်လို့တော့မဟုတ်ပါဘူး။အတွေ့အကြုံလေးတွေကိုမျှဝေတာပါ။လိုအပ်သည်များကို ညွှန်ပြပေးကြပါ။

စိတ်ထဲရှိတာ

ကျွန်တော် ကိုယ့်ကိုကိုယ်စိတ်ပျက်နေတယ်။အကြောင်းရင်းကတော့ ကိုယ့်စိတ်ကိုယ်မနိုင်လို့ပါပဲ။
ကိုယ့်ကိုကိုယ်ထိန်းနေရင်းနဲ့မှ အပြစ်တွေလုပ်မိနေတယ်။အမှန်အတိုင်းပြောရရင်ကျွန်တော်သေချင်တယ်။
မိသားစုဆိုတဲ့သံယောစဉ်လေးကြောင့်ရယ် မပြီးပြတ်သေးတဲ့ဆန္ဒတွေကြောင့်ရယ်သာ ဆက်ရှင်သန်
နေဖြစ်တာ။တခါတလေ ကျွန်တော်တွေးမိတယ်။ငါသေသွားရင်ဘာဖြစ်မလဲပေါ့။ဘယ်သူတွေကငိုမှာလဲ။
ဘယ်သူတွေဝမ်းသာကြမလဲ။ဘယ်သူတွေဝမ်းနည်းကြမလဲပေါ့။သေဖို့အတွက် ဘာမှတော့ကျွန်တော်
မပြင်ဆင်ရသေးဘူး။လတ်တလောနေဖို့အတွက် ပြင်ဆင်နေရတာနဲ့ အချိန်တွေကုန်နေရတယ်။ကျွန်တော်
ငြီးငွေ့တာ အဲ့တာပဲ။တကယ်လို့ ကျွန်တော်သေသွားရင် ဘယ်ဘ၀ရောက်မယ်မသိပေမယ့် ဒီဘ၀ကနေတော့
လွတ်မြောက်သွားမှာ အမှန်ပဲ။ဒီဘ၀ကြီးကို ကျွန်တော်ငြီးငွေ့နေပြီ။အထူးသဖြင့် ကိုယ့်ကိုကိုယ်ပေါ့။ဘာကြောင့်
လဲဆိုတော့ အဓိပ္ပါယ်မရှိတဲ့ အလုပ်တွေလုပ်မိနေလို့ပဲ။ဘ၀ကို အဓိပ္ပါယ်ရှိအောင် မနေတတ်သေးသရွေ့
ကျွန်တော်ဒီလိုခံစားနေရဦးမှာပဲ။ဘ၀ရဲ့အဓိပ္ပါယ်ဆိုတာ ဘာလဲ။အခုထက်ထိ ကျွန်တော်မသိသေးဘူး။သိဖို့
တော့ကြိုးစားနေပါတယ်။တကယ်သေချာသိလာတဲ့တနေ့မှာ ကျွန်တော်သေချင်ပါဦးမလားတော့ မသိဘူး။
လောလောဆယ်တော့ သေချင်တဲ့စိတ်ကို ခဏချိုးနှိမ်ထားရတယ်။လုပ်စရာရှိတာလေးတွေ၊လုပ်သင့်တာလေး
တွေ၊လုပ်လို့ရမယ့်ဟာလေးတွေ၊လုပ်ပေးရမယ့်ဟာလေးတွေ လုပ်ရင်း ဘ၀ဆိုတဲ့အရာကို ဆုံးအောင်လျှောက်
မယ်။ကျွန်တော့်အတွက်တော့ ဘ၀ဆိုတဲ့ဟာက သေသေချာချာမြည်းကြည့်လိုက်တော့ နည်းနည်းခါးတယ်။
တခုလုံးဆိုရင်တော့ မပြောတတ်သေးပါဘူး။အရသာစုံမှာတော့ အမှန်ပဲထင်တယ်။ပြောရရင်တော့ သေချင်တာ
တောင် သေလို့မရသေးတဲ့ဘ၀ ဘယ်လောက်တောင် စိတ်ပျက်ဖို့ကောင်းသလဲ။အင်းလေ တနေ့နေ့တော့
မသေချင်ပါဘူးဆိုလည်းသေရမှာပါ။အဲ့ဒီနေ့ကျရင်သာ ပြင်ဆင်ပြီးဖြစ်ပါစေလေ။